في بيت بو حمدان
مها كانت راقده ف غرفتها ودخلت عليها خلود : مهوييي
مها :
خلود : مهوي حبيبي نشييي
مها وهي شبه راقده مب مستوعبه : شو ! ليش الساعه كم
خلود : 10 يلا قومييي
مها : اخخ وايد من وقت ابا ارقد خليني
خلود : شو ترقدين بسج ! يلا عندي موعد بشلج وياي
مها : موعد شو
خلود : مستشفى بعد شو
مها : وينه حمدان
خلود : دوام
مها : خلاص انزين بتغسل وبنزل
خلود : أوكيه أنا سايره ياويلج لو رقدتي
مها : بسويلج اقوى ون تو ههههههه
ونزلت خلود وشافت محمد : صباح الخير
محمد : صباح النور
خلود : مب عساس عندك إجازة اليوم
محمد : هي عندي
خلود : عيل ليش واعي
محمد : وينه حمدان ؟ وبصوت عالي حمدان حرمتك شو غصب تباني ارقد ؟
خلود : بسم الله خرعت البيبي (وهي تمسك بطنها ) وثاني شي ريلي ف الدوام
وفجاء دخل زايد : هود هود
محمد : اقرب مافي حد غريب
زايد : سلام عليكم
خلود ومحمد : وعليكم السلام
مها وهي نازله تصارخ : هاي روز العنز وين حاطه الاستريتنر مالي
حزتها ما شافت زايد وماعرفت انه موجود وهو شافها جي بدون شيلة ولف ويهه
محمد وهو يصارخ : يا السيلانييية دشييي داخل ! وبعدين كيف جي نازلة ؟
مها : محد سيلانييي غيرك وبعدييين حسستيني انك راجو مال دكانا عشان أتغطى عنك
وزايد وخلود ناقعييين من الضحك
مها وهي مستغربه : منو ها الي يضحك ما قلتي حمدان مب موجود ؟
سحب محمد زايد جدام مها ومها من رفعت رأسها شافته وتفشلتتتت وعلى طول شردتتتت
مها : معقوله جي شافنييي صدق أبو الفشله افففف وشو يايبنه هني
محمد : يوم اقولللل انها غبيييه
ودشت مها فجاء وهي لابسة الشيلة
