يوم يديد وصباح يديد
في بيت بو زايد
(نشت ميره وتكشخت ونزلت عسب تسوي اكل ل منو ؟ ، دخلت المطبخ ووتمت تطبخ فجاء
ام زايد : يالله ع الصباح الحلو ميره داشه المطبخ؟
ميره : هههههههه مب حقكم
دخلت الريم وشافت وتحاول تستوعب : امبيههه ميروهه تطبخ كيف جي
ميره : طايحه من عينكم شو
الريم : لا بس مستغربين حق منو تطبخين دام مب حقنا
قاطعهم دخول زايد وهو يقول : ها ميروه زاهبه ؟
الريم : حق شو
زايد : بوصلها المستشفى
الريم : اوه حق حبيب القلب
ام زايد : استحي ع ويهج شو بعد حبيب القلب
الريم : امايه يعني خطيبها شسالفه
ام زايد : يلا عيل اخليكم بسير اريح تعبانه دامكم واعيين سوو حق عماركم وسو حق زايد فديته
زايد باس راسها : فديتج ريحي وانا ما عليه خلاف بطلب لي شي خفيف واكله وما عليج مني
ميره : شدعوه تراني مسويه وكنت اسولف يوم قلت ما بعطيكم ، جربو وقولولي لو حلو عسب اعرف اذا اوديه له ولا ؟
الريم : فار التجارب قالولج ؟
زايد : ههههههههههههه
ميره : هذا وانا رضيت اعطيكم ما عليه برايكم
الريم : زيود تبا اسويلك شي هاي ما ترضى تعطينا تودي حق حمد
ميره : امبيه تغارين شو ؟
الريم : عندي نهيان فديته ليش اغار (زلة لسان🤣)
زايد : شو ما سمعت
الريم : قصديي زيود فديته اخوي ما يقصر
ميره : هيه رقعيها الحين ترا سمعنا
الريم : جببب >>وظهرت من المطبخ ويها احمر من الفشله اول مره جي ترمس جدام زايد
زايد وميره : هههههههههههههه
في المستشفى
حمد : يا ريال سير دور لك حرمه ، خلاص نهيان بيتزوج
خليفه : امايه ما سكتت عني اتيي انت وتزيدني
فجاء قطعهم صوت دخول زايد كان ياي بيتأكد اذا في حد ولا عسب يدخل ميره
