_ يُونس
_ نعم ؟!
_ و أنا قاعده كدا مع نفسي فكرت فى حاجه
_ فى ماذا ؟!
_ نتجوز
_ ماذا ؟!
_ نتجوز
_ لا
_ ليه؟!
_ لسببين
_ إيه هما
_ أولًا ... لا يجوز لأنني من الجن أما انتِ من الإنس ... ثانيًا لستِ نوعي المُفضل
_ عاااااه.... هى مين دي اللى مش نوعك المُفضل يلا..... أنا مليون واحد يتمناني دا أنا كفايه إني رضيت بيك يا بتاع كان و اخواتها
_ كان و أخواتها ؟!
_ أيوه عشان بتكلم لغة عربية فصحى
_ اقعدي يا بت على جنب
_ إيه دا فيه ايه ؟! يُونس الصوت دا خرج منك
_ أومال خرج من أُمي
_ إزاى طب
_ من عاشر قومًا أربعين يومًا صار منهم و لا ايه...
كُله منكِ انتِ يا جالبه المصائب_لا ما هو يا تكلم عربي فُصحى يا عامي إنما الإتنين مع بعضٍ مش هينفع
_ حسنًا .... أُحب التحدث باللغة العربية
_ قسمًا بالله بتبقا عامل فيها زى المُسلسلات المُدبلجه
_ لا تهزي
_ ماشي
_ يُونس
_ ماذا و اللعنه
_ نسمع مُسلسل
_ ما هو المُلسلس
_ مُسلسل مش ملسلس
_ ما هو ؟!
_ تعالى بس نشغل حاجه و هتعرف دلوقتِ يعنى إيه ؟!
_ بُص إسم المُسلسل لن أعيش فى جلباب أبى
_ حسنا
حسنًا... عن ماذا يتحدث... يا إلهى ما هذا ؟!_ إيه
_ كيف يتحرك الأشخاص داخل الشاشه هكذا... أ منزلكِ مسكون يا مليكه ؟
_ عيب أما الجن شخصيًا يكون قاعد فريحي و يسأل السؤال دا...
_ لكني لم أفعل شيئًا
_ صدقت يا سيدي القاضي
_ لا تتمسخري علىّ
_ ماشي
YOU ARE READING
صفقة لمدة سبع أيام
Short Storyصفقة لمُدة سبع أيام ، فُرصة ذهبيه لتحقيق كُل ما أتمنى بلا مُقابل بدأت فى٢٠٢٢/٩/١٠ انتهت ٢٠٢٢/١٠/١ النوفيلا مُقتبسة من فيلم لــ 'اسماعيل يـس'