«بابا اتكلم... أنا نسيت اللي حفظته»
«نسيت ايه يا ابن الكلب.. احنا فى امتحان آخر السنة »
قال جابر " والد زين " تلك الكلمات لابنه ثم نقل بصره لوالد أسيل وهو يقول
«اومال فين عروستنا ؟ »
«جايه حالًا.. قومي يا أم أسيل استعجلي أسيل »
«حاضر»
بعد مرور قليل من الوقتٍ
« مساء الخير »
قالت أسيل تلك الكلمات بخجلٍ شديد و هى تحاول أن تتحاشى النظر لزين
« مساء الفل يا حبييتي... إيه الجمال دا.. والله و عرفت تختار يا زين »
قالت سامية " والدة زين " تلك الكلمات
بعد أن نهضت من مكانها متجهةً إلى أسيل
ثم قبلتها عدت قبلات
« شكرًا يا طنط »
ألقت أسيل التحية على الجميع ثم جلست على أحد الكراسي
« طيب يا جماعة نخش في الموضوع اللي جايين عشانه... يسعدني و يشرفني إني ..
قاطع حديثه زين و هو يهمس له
« يا بابا اخلص يا بابا... انتَ بتكتب موضوع تعبير... الراجل قرب ينام مننا »
« بس يا ابن الكلب انتَ... انتَ ايه فهمك... انتَ كُنت اتجوزت قبل كدا... أنا اللي مجرب..
... احم كُنت بقول ايه.. أيوه يسعدني يا جمال بيه " والد أسيل " إني اطلب ايد بنت حضرتك لابني زين »
« الرأي رأي العروسة ولا ايه يا أسيل »
« اللي تشوفه يا بابا »
" قالت تلك الكلمات بخجلٍ شديدٍ... اتسعت ابتسامة زين و هو يغمز لها بطرف عينيه مما تسبب في خجلها أكثر "
« على بركة الله... نقرأ الفاتحة»
YOU ARE READING
صفقة لمدة سبع أيام
Short Storyصفقة لمُدة سبع أيام ، فُرصة ذهبيه لتحقيق كُل ما أتمنى بلا مُقابل بدأت فى٢٠٢٢/٩/١٠ انتهت ٢٠٢٢/١٠/١ النوفيلا مُقتبسة من فيلم لــ 'اسماعيل يـس'
