الدكتور: ابوكم تعرض لجلطه بالدماغ بسبب الصدمه وكثرت الضغوطات
اسر(وهويبجي): ليش هيج جاي يصير ويانه تعبت
الدكتور: هذا قضاء الله وقدره خسرتو الوالده ديرو بالكم على الوالد والله يصبركم ويشافيلكم الوالد يارب
بعد مادفنو كوثر رجعو للبيت ونصبو الفاتحه وكل الاحباب واهل المنطقه عزو اسر وسبيل، وبعد ماطلعو كل الحظور دخل عليهم شخص ،
؟ : سلام عليكم
اسر(مستغرب): وعليكم سلام
؟ (يحظن اسر): البقاء لله ويارب يصبركم ويشافيلكم الوالد،
سبيل: هذا انت مجتبى شنو الي جابك وشدراك بالي صار؟
مجتبى: انتم اخواني واذا ماوكف وياكم بحزنكم شوكت اوكف؟
اسر: هذا انته اخوي الي امي تسولفلنه عنك؟
مجتبى(وهوه مخنوك): اي الي لا انته ولا ابوي يوم من الايام فكرتو تسئلون عني صح ماعشنه سوه هواي ولا طالعين وماكلين سوه هواي بس تذكر يوم من الايام اجتمعنه سوه ولعبنه واكلنه ونسينه كلشي بذاك اليوم وبعدها ماشفت احد منكم غير سبيل الي تسئل وتتواصل وهاي هيه بنيه؟
اسر: مجتبى الضروف الي مرينه بيها ماتسمح نسولف بهذا الموضوع واني كلش تعبان انته اخوي وحقك على راسي بس ابد مو وكتها
مجتبى: ابوي وين طلعتو من المستشفى لو بعد؟
اسر: بالمستشفى يحتاج عنايه ويصير الصبح وارجعله
مجتبى(وهوه يمسح دموع اسر): لا ياحبيبي اني الي راح اروح يمه انت خليك بالفاتحه وسبيل وحدها وانته من تريد تشوف ابوي جيب سبيل وتعالو
اسر: ماعرف شلون اشكرك
مجتبى: ابوي مثل ماهوه ابوك واجبي هذا، يالله اني رايح ديرو بالكم على نفسكم،
سبيل(وهيه تحس بتعب): الله يديم خوتكم يارب!
(صوت الباب تندك)
سبيل: منو هذا يجي تالي الليل
اسر: خليج حبيبتي سبيل اني افتح الباب، احتمال مجتبى نسه شي
اسر: ها دلال هاي انتي؟
دلال: اي اني امي ودتني حته ابقه يم سبيل اليوم،
اسر: تفضلي سبيل كاعده جوه،
سبيل(وهيه تشبك دلال وتبجي): ولج دلال امي راحت شمعتنه انطفت
دلال: الله يرحمها عيني ويصبركم،
سبيل(وهيه تصرخ): شيصبرني ولج شيصبرني
دلال: دكافي الله يخليج مو كطعتي كلبي
(بيت مجتبى)
مجتبى: ها يمه الله يساعدج
لمياء: شنو يمه وين صرت اخبارك ماكو؟
YOU ARE READING
ضحية المعاناة
Romanceاولاد ابو المخضر يمرون بمعاناة قاسية وحزن وفرح وضحك وبجي هلهوله وصرخه تجتمع كل التجارب بنت تفقد اعز ما تملك وتكول باللهجة العراقية(ابقى يمي .. وصير أي شي .. حتى لو دمعه اعله رمشي ، وتبقه فقط الذكريات الذي لا تموت ولن تموت الا بقتل صاحبها قصة ضحية...
