اجيت الليله اودعكم ماظن للصبح باقي
هذا المنحني عودي وهاي الذابله اوراقي
المتصل (من مركز الشرطة): حبينه نبلغكم مجتبى ساجد مهدي انتقل الى رحمة الله بسبب تعاطي المخدرات والان بحوزتنا سالم وابنه مرتضى المشتبه بهم والان ننقل الجثة للطب العدلي،
الشرطي وهوه ينقل الخبر الاسر والدنيا نسدت بوجهه وظلام داير مادايره ويحس هموم الدنيا كلها فوك راسه وهوه مو كادر يصدك الخبر ،
دلال: اسر شبيك اسر
اسر: مجتبى
دلال(وهيه خايفه من نبره اسر): شبي مجتبى اسر احجي؟؟
اسر(يلزم ايد دلال ودموعه تنزل): مجتبى دلال مجتبى مات!
دلال(تخلي ايدها على حلكه مامصدكه الخبر): لااا
اسر وراح بتجاه ابو وسبيل حتى يخبرهم ودلال توكفه!
دلال: اسر الله يخليك عمي موزين عليه الصدمات بس كله مجتبى بالمستشفى تعبان الله يخليك بس استوعب كلامي
ساجد: ها حبيبي اسر صباح الخير!
اسر(واكف كبال ابو ومايعرف شيكول) :التزم الصمت
ساجد: شبيك اسر قلقتني؟ بنيتي دلال شبي اسر؟
دلال: لا ماكو شي بس مجتبى متخربط وبالمستشفى واسر مقهور ومايعرف شلون يكلك
ساجد: مجتبى متخربط وساكتين لحد هسه؟ واني من البارحه ماشفته
سبيل: شكو شبيكم صوتكم عالي
ساجد واسر طلعو مستعجلين ،
سبيل: اوكفو اسر بابه اروح وياكم انتظروني
اسر(ودموعه تجري ومايعرف شنو لازم يسوي وهوه يتخيل نفسه خسر الشخص الي جان يتمنى يكون بحياته من زمان)
بعد ماراحو ساجد واسر وسبيل ودلال حتى يطمئنون على مجتبى والي هوه بالاصل مات ضحية الخلافات!
(بالمستشفى)
ساجد(وكلبه مقبوض): دكتور يمكم مريض اسمه مجتبى ساجد مهدي
الدكتور(وهوه يباوع بنظره قهر ويلتفت عليهم بطئ): البقية بحياتكم مجتبى توفه صباح هذا اليوم واتصلت الشرطة وبلغتكم وهسه اصيح للضابط وتاخذون منه المعلومات!
سبيل: وهيه مصدومه وكعت على كاع وتصرخ(لا دكتور ، دكتور الله عليك كول اشاقه وياكم كول اي شي غير مجتبى مات !
اسر(بكسره): دكتور اخوي وين اريد اشوفه
الدكتور: بثلاجة الجثث!
ساجد: خلوني اشوفه اني اول!
بعد ماخذهم الدكتور حتى يواريهم الجثه!(دخل ساجد وحده)
ESTÁS LEYENDO
ضحية المعاناة
Romanceاولاد ابو المخضر يمرون بمعاناة قاسية وحزن وفرح وضحك وبجي هلهوله وصرخه تجتمع كل التجارب بنت تفقد اعز ما تملك وتكول باللهجة العراقية(ابقى يمي .. وصير أي شي .. حتى لو دمعه اعله رمشي ، وتبقه فقط الذكريات الذي لا تموت ولن تموت الا بقتل صاحبها قصة ضحية...
