لارضينه نعيش جذبه ولاتونسنه بصدك
ساجد: اسمعني مجتبى، اني وخالك سالم الي بينه مو هين مانريد الماضي يعيد نفسه كافي الي خسرته بحياتي هواي والي خسرته امك هواي ماعدنه نشي نضحي بعد
مجتبى: يابه بس، (يقاطعه ساجد)
ساجد: لا بس ولا هم يحزنون الموضوع سده وليدي وثاني شي موضوع سبيل ابد مو مال نفتح هيج مواضيع
مجتبى(بخيبة امل): مثل ماتريد يابه
ساجد: روح ادخل يم سبيل وامك واني رايح اجيب ريوك!
مجتبى: تريد اروح اني عنك؟
ساجد: لا اني حبيبي ادخل انته واني اروح!
(داخل الغرفة بالمستشفى)
لمياء: شلونها الاموره؟
سبيل(تفتح عيونها): هلا بأم الغالي
لمياء(تشبكها): هلا بنيتي الف الحمدالله على سلامتج!
سبيل(وكأنها تذكرت شي): الله يسلمج
لمياء: شبيج حبيبي بس لا ازعجتج؟ وكعدتي من نومتج؟
سبيل: لا اصلا جنت بس مغمضه عيوني والله
لمياء: لعد شبيج!
سبيل: لا بس شويه معدتي تكلب
لمياء: ماخذه علاج؟
سبيل: بس الكيمياوي انطوني
لمياء: حبيبتي ان شاءلله ترجعين اقوه
(تنفتح باب الغرفه)
مجتبى: صباح الخير
سبيل(تحك شعرها بقوه): صباح النور وينك متاخر
مجتبى: جبت امي واجيت وجنت احجي ويا ابوي بره!
سبيل: مجتبى اريد احجي وياك بموضوع مدام خالتي لمياء موجوده؟
مجتبى: كولي خويه شنو محتاجه شي صاير شي؟
سبيل: شنو رأيك نزوجك؟ ونفرح بيك
مجتبى: ابد مو وكته الموضوع
لمياء: ليش يا يمه مو وكته؟
YOU ARE READING
ضحية المعاناة
Romanceاولاد ابو المخضر يمرون بمعاناة قاسية وحزن وفرح وضحك وبجي هلهوله وصرخه تجتمع كل التجارب بنت تفقد اعز ما تملك وتكول باللهجة العراقية(ابقى يمي .. وصير أي شي .. حتى لو دمعه اعله رمشي ، وتبقه فقط الذكريات الذي لا تموت ولن تموت الا بقتل صاحبها قصة ضحية...
