بسم الله الرحمن الرحيم
روايتي الاولى اتمنى تعجبكم
الكاتبة ✍🏻 : نجد ال جابر
ليله من الليالي ~
ابو عمر : اقول يا عناد يابوي متى بتروحون انت وساره ل شهر العسل ؟
راكان : هاهاي شكل الوالد وده يتخلص منكم بسرعه
عناد وهو يضحك على سخافه راكان : والله ياخال ساره ودها بعد اسبوع وان شاءلله بنروح
سعود بتمثيل : اه يارفيق العمر بتروح وتخليني اااه
مشاري : انشهد اني انجحدت اقوى جحده
عمر وهو يضحك من صدمه مشاري: اقول اركد يالاخو شفيك شادها ترى شهر وبيرجعون
سعود فتح علبه الماء وقطر في عينه وقال : هذا انت قلتها شهر شهر كنه سنه اخ ياحبيبي ياعناد من لي بعدك
خالد وهو يرش عينه مع سعود وقرب يضمه: اه يا اخي العزيز ماذا نفعل بيفارق وبياخذ اللي تطبخ لنا اخر الليل
كل الي في المجلس ضحكوا
-
: انااااا
سديم : هياء يالمطفوقه شوي شوي بصب بس على هونتس
ساره بضحكه : مشفووحه ذي البنت ماتركد
هبه : بس عاد شفيكم على هيونتي حدكم عاد
رسيل : اي ولله شفيكم على هيون اركدو عليها ترى قالت تبي عصير بسس
هياء : اي والله كلوني بسم الله
هبه : ماعليتس يا هوهو انتي مرهه ثمينه
رسيل بمزح : ايواا انتي مرا كيوتا ماعليكي منهم هدول
خلود وهي تأكل ملاك : قلك الحين تقلد مروج الرحيلي والله انتس مروج ارحلي ولا ترجعين
البنات انهاروا ضحك
-
في مكان ثانيي ~
نطقت بحسره والم : اهه ياثامر والله ان عمري قضى وانا امك انتظر ابوك يقول لزوجته انه متزوج عليها
ثامر بشبه صراخ : يمه انتي فاهمه شقاعده تقولينن انتي فاهمه وش كميه الصدمه اللي جاتني عندي اخوان وعندي ابو وعندي زوجه اب وانا طوللل عمريي اتمنى اخ واحد بسس واحدد الله يسامحتس يمه ابوي وينه الحين ووش اسمه وكم اخواني ؟
ام ثامر : ابوك ... ااا مات
ثامر سكت بصدمه
ام ثامر مسكت يدينه : توني اعرف امس يايمه انه مات كنت احسبه عايش تكفى يمه لاتتركني
ثامر بكل هدوء عكس اللي داخله : عندي اخوان ؟
ام ثامر : ااا...ايوه عندك اخت واخ
ثامر طلع وترك البيت يبي يتنفس شوي لين يهدأ ويركز كيف يلقى اخوانه وكيف اصلاً بيتقبلونه ....
-
هياء : بناتت تكفون جدي جالس مع العوال هناك عندهم ضو شرايكم نروح ؟
هبه : معتس معتس في شر ولا في قدا
رسيل : يلا ليز قوو حبايبي
خلود : ما ابي اروح بروح انوم بنتي وانام معها
هياء: بكيفتس حبيبتي ، الا وين سديم وينن وساره
سديم : انا موجودده
هياء : اسبقوني بغسل وبجيكم
البنات ماعدى هياء راحت تغسل يدها : السلام عليكم
الجد والعيال : وعليكم السلام
هياء جات : السلام عليكم
العوال : وعليكم السلام
الجد : وعليكم السلام ياهلا وغلا بهيونه المزيونه
هياء : هلابك ياغلاي ونظر عيني
راكان بمزح يبي يقهر هياء : وه وه جاتكم مدلعه جدها الحين بيسحب علينا عشانها اف
هياء بضحكه : جالسه على قلبكك لين تطق وتموت يلا بس يلا
عمر : هوهه اجتمعوا المبزره بيقلقوني اروح لزوجتي ابرك لي
هيا وراكان بصدمه : وشووو
ناظروا بعض وضحكوا
راكان : اذا قصدك هي بزر ف صح عليك اخوي بس انا نونو حبيبي
هياء : اتوقع ان عمر يقصد اكبر بزر بالحياه كلهها راكاننن
راكان بصدمه : شو شو فديتك ماسمعت عيد الرمسه مره ثانييه (رياكشن)
عمر : اقول بس والله الفاضين بروح لزوجتي
هياء بضحك : ايييه قول كذا من البدايه تبي خلود مايحتاج تقول مبزره عشان تروح
ضحكوا كلهم
الجلسه كانت الجد بالنص وعلى يمينه سعود وجنب سعود سديم وجنب سديم خالد وجنب خالد على طول راكان وجنبه على طول هبه وجنب هبه رسيل وجنب رسيل هياء اللي كانت على يسار جدها بعد ماراح عمر
جا مشاري : السلام عليكم
الكل : وعليكم السلام
مشاري طاحت عينه على سديم اللي جالسه جنب سعود وتذكر موقفهم اليوم ...
نرجع بالوقت ٥ ساعات ( كانت سديم في المطبخ تطبخ بعد ماشافت الكل نام وخلاها كانت تغني ومستانسه وعلى الجهه الاخرى كان مشاري جوعان يبي يقوم ياكل شي يسد جوعه بما ان العيال نايمين وراح للمطبخ ولا توقع اللي بيشوفه كميه جمال قدامه صحى على نفسه ونزل راسه ورحع لورا وتنحنح ) اما عند سديم اللي اول ماتنحنح ارتعشت من الخوف والتوتر عرفت صوته لما تكلم خافت انه شافها ولا شي راحت ورا الطاوله وهي تبكي بصمت من الخوف ) مشاري حس انها خايفه وطلع من المطبخ وهو عقله مو معه وقلبه في المطبخ عندها)
هبه : ايووووه هذي السوالف ولا بلااشش
راكان بمزح : يع مالقيتي الا سوالف السامجه ذي ؟ يقصد هياء
هياء والدموع في عيونها : خير ان شاءالله شفيك عليي وش سويت لككك كله تهاوشني وتكرهني وانهارت
سعود لاول مره يرفع راسه ويركز بعيون هياء جمد مكانه اول ماشاف عيونها اللي كانت رموشها كثيفه وطويله انبهر سعود بعيونها كان يسمع امه وابوه وخواته وهم يمدحونا هالحين صدق بس طرد هلافكار من تذكر خوي دربه عناد
الجد : راكان ووجع وش بلاك على البنت ؟
راكان بصدمه : والله ياجد ماتوقعت انها حساسه
هبه وهي تلم هياء : خلاص ياحبيبتي ماعليتس من هالدفش مايعرف يسولف
سعود : بقول نكته يلا ؟
الكل : يلا
سعود بحماس : كان فيه نملله عيونها صغار قولو لييه ؟؟
الكل : لييه ؟؟
سعود وهو يضحك : ابوها صيني
هياء وهي تمسح دموعها : انفجرت ضحكك طلعت ضحكتها الصاخبه
الكل التفت لها بصدمه لان بنظرهم النكته بايخه
راكان : مو من جدتسس مره ماتضحكك
سعود وهو خاق معها تكلم بدون وعي : لو دريت قلت من زمان نكت مو نكته وحده
هياءوهي تمسح دموع الضحك : اخ ياسعودد وربي ضحكت من قلبب الله يسعدك
هبه : ايه كفو اخوي الفله
خالد: فله ولا عماره
هياء زاد ضحكها وهم ضحكوا من ضحكها وسعود حاول انه يشيلها من راسه عشان اهله واهلها ..
اما سديم ماكنت لمهم كل تفكيرها باللي صار العصر وكيف انخرعت منه
الجد : يلا توكلو روحوا ناموا يلا
قاموا كلهم جا مشاري بيروح مسكه جده وقال : روحوا كلكم بيلحقكم الحين
راكان : يعني اسرار وقذا ياجد خلنا نسمعع
الجد : بتروح ولا ( يآشر على الخيزران )
راكان : شدعوه عليك مغير امزح اصلاً بروح
راحوا كلهم
مشاري : آمر ياجد
الجد : مايامر عليك ظالم وانا ابوك ابيك بموضوع خاص
مشاري : لبيه امر كلي اذان صاغيه
الجد : وانا ابوك متى بتتزوج ؟
مشاري بتلعثم وهو حاس نفسه بعد ماشاف سديم وهو مو اوكيه : والله ياجد شايل الفكره من راسي هالفتره
الجد : مو على كيفك انا بخطب لك
مشاري وهو تنرفز : ياجد واللي يرحم والديك ... قاطعه الجد : بكره بنخطب لك سديم وانتهي الموضوع
مشاري صعق بالبنت اللي بياخذها غير كذا مو مستعد نفسياً في نفس الوقت مستانس شعور متلخبط : بس .. الجد لاتبسبس لي انا قلت كلمتي وخلاص وراح الجد
وجلس مشاري يفكر ...
