ايلان : هاه ياترف بتقولين السالفه ولا ؟
رسيل : اي والله
هبه : وهل هذا هو حزام اللي قذيتينا فيه ؟
سديم : والله احسه هو
هياء : بشويش عليهااا وهي بتفهمنا
ترف بتردد : بقول بس لاتخوفوني !
البنات : طيب
ترف بدت تقول لهم القصه وطبعاً ماتكتمل الا بمداخلات رسيل وتعليقاتها عن الحب وكيف هو حلو
-
اما في مكان ثانيي اول مره نزوره واللي هو الديره
١ : يارجل اتق الله في نفسك اللي تسويه عيب
٢ : لا ماهو عيب ! وهي بنت اخوي وانا اولى فيها انا وعيالي !!
١بعصبيه : وشش يامباركك تخلي بنت اخوكك سلعه لك ولعيالكك ؟ ماتخافف ربكك انتت ؟ مافي قلبك ندم ؟ فوق ماخربت علاقه ابوك واخوكك جاي الحين تاخذ بنته سلعه ؟؟
مبارك ( ابو سعد ) : وانت وش يخصك ؟ بنت اخويي هذا انت قلتها بنت اخويي واصحى على نفسك يا تركي ! اذا كان ببالك ترجع ل ايام الخوالي وتتزوج الجازي ؟ بعيده عليككك
تركي ( ابو نادر ) : انت اللي اصحى على نفسكك صار عندي عيال واحفادد وانت باقي معلق في سالفه الجازي ؟ استح على وجهكك يارجل خل عندك ذره رجولهه مع اني متأكد ماعندك حتى الربع ، نعنبو حيك ارفق بالشايب اللي رجل بالدنياء ورجل بالقبر تبي تجلطه حي ؟ اسمع كلام يوصلك ويتعداك البنت ماهي بسلعه بنت خويي ماتروحح لك تفهمم ؟؟
قال كلامه ومشى تحت ضحك ابو سعد بآستهزاء على كلامه
-
عناد : اتركينيي ياحرمممه
تركيه : عندكمم خيارينن يا اذبحح عناد ياترجعون لي ثامرر ولاعاد يرجع لكمم
ام عناد : تهبين انتي ووجهتس والله ماتاخذين احد من عيالي !!
ابو عمر : ياتركيه استهدي بالرحمن ماذي بعلومنا ؟
ابو مشاري : هذي والله اللي انجنت نعنبو بليستس فكي الولدد
ثامر : يمه اا...اااا.. اقصد خاله تركيه اتركي عناد اخويي انا طالبتس
عناد اللي من سمع كلمه اخوي حس بداخله شي يتحرك مشاعره اجتاشت لدرجه عينه دمعت صح انه يسمعها من العيال كثيرر بس من اخوه غيرر والله غيرر
تركيه : انا ؟؟ انا صرت خاااله ؟؟ انا تقول لي خاله ياقليل الخاتمهه انا ربيتك انا درستكك انا كبرتككك افهم افهممم انا امك ا م ك امككك
ثامر : وخري السكي**ن من رقبه عناد اول ! وبعدها نتفاهم
تركيه : لا بذبحه لو ماترجع معيي
ثامر : لا لا لاتذبحينه ... برجع معتس بس بشرط !
ام عناد : ثامررر لاااا لا يايمهه تكفى
ثامر : يمه عناد عندتس من يوم هو صغير وربيتيه وعلمتيه واكيد متعلقه فيه ...... وانا توتس تدرين اني عايش اصلاً
ام عناد : لا لااا يمه انا من شفتك فز قلبي من حضنتك تغيرت مشاعريي تكفى يمه لاتتركني ولا تخليها تذبح اخوكك
ثامر : اسف بس مضطر اني اروح معها عشان سلامه اخوي ..
ابو عمر : بسس
ثامر : لاتبسبس ياخال هذا الحال مع السلامه
وطلع ثامر مع تركيه اللي ماهي مصدقه من الوناسه انها رجعته لها وثامر اللي كل ماتمسكه يفك يدها لانها مو محرم له ..
تركيه : يايمه خلني المكك
ثامر : منتي امي ! انتي اللي ربتني وبسس وانا حرام اني اشوف وجهتس غطيه وايدتس لاعاد تمد علي انا ولد الجازي وبسس
تركيه : ايشش ايشش فروا مخك بيوم ؟؟ ماهقيتهاا
ثامر سكت وشاف الطريق وكل ماتذكر ضمه امه وحنانها وحب عناد له غمض عيونه وابتسم
تركيه بخاطرها : معليه المهم رجع لي وكلها كم يوم ويرجع زي اولل بس لازم مساعدت زوجته المستقبليع ديم
-
الجازي : هيه هيه ليه خليتوه يمشييي ابي ولدييي
ابو مشاري : استهدي بالرحمن ولدتس وبيرجع ان شاءالله ماهو بمعقول كذا يروح
عناد : ايه ايه شفت بعيونه هالشيي
ابو عمر : وانا بعد اقول
الجازي : ماراح انتظر شي مبني على احاسيسكم وبدق على الشرطه
ابو عمر : لااا لاتنسين انها مجنونه وبتذبحنا وبتسوي اي شييي وحنا مو ناقصين ولدتس وجا عندتس وعرف بيتس وكل بين فتره وفتره بيجيتس اكيد
ناظرتهم بعيون دامعه : ما ابي ابي ولديي
ابو مشاري : اذا رجعنا من الديره ابشري بنفسي اوديتس له
ام عناد بتردد : طيب
-
رسيل : يلعن ام الفلللله وش ذا الحب الحلوو
دقتها ترف : اي حب اي خرابيط ؟؟ من جدتسس
رسيل : ياشيخه مو حبب اعجاب
ترف : لا ذي ولا ذي
هياء : بعدين بتعرفين وبتندمين انتس ماصارحتيه
ايلان : اقول يلا انتوا وراكم شغل وحنا بعد يلا بنروحح
هبه : اجلسوا شوييي
ترف قامت : للا انتضري حبيبتس المغوارر
هبه : وجع ماهو بفلهه
رسيل : لا لا خلو كوبل ذا السنه سديم ومشاريي
لفت عليها سديم : استحي على وجهتس وجعع
ساره : لا كوبل السنه هياء وسعود
هياء : يعع يالتفكيررر
ايلان : يلاا استودعناكم الله
هياء : حفظ الرحمن ، خالدددد
خالد : هاه وصمخ وجع وش تبين
هياء : يمه بسم الله وش ذا الاسلوب اللي مثل وجهك كل تبن خلاص ، راكان
لف عليها راكان : هاه ؟
هياء : العوض ولا القطيعه ، وصل ترف وايلان للباب الرئيسي حق الحديقه عشان يروحون مو حلوه كذا
نط خالد : انا اصلاً رايح البقاله بوصلهم معي
ناظرته هياء بنص عين وضحكت : ايه ماشاءالله جب لي معك بطاطس
خالد : طيب
راكان : عاد اروح ولا واحد يكفي ؟
حزام : انا بروح اطلع ثوبي من المغسله ودوني معكم
رسيل لفت على هبه وقالت بصوت شبه مسموع : يوهه الحبايب بيروحون مع بعض
دقتها خلود : وجع اسكتييي ، دام فيتس حيل لذي الدرجه امسي ملاك عنيي
رسيل : لا لا واللي يرحم والديتس اعتقيني منها عاني ذول عمانها اشرت على هبه وعلى سعود و سديم وجات بتشر على راكان رفع نظره وشافها تشر عليه وابتسم هو ابتسم من هنا رسيل طاحت ومحد سمى عليها كان تسمي المواقف اللي تصير بين اولاد العم صدف ماكان تدري ان هالمشاعر ببتحول
-
ابو سعد : تراك بتتزوجها
سعد : لا لا مستحيللل انا عندي زوجه وحامل دور لك غيري
ابو سعد ضربه بالعصاء : وجع ياقليل الخاتتمه هجل اتزوجها اناا ؟ اخوانك كل واحد داخل الاربعين انت اصغرهم وبتاخذها غصب عنك قبل ياخذها الزق ابو نادر ونبلشش
سعد : ابشر يبه ، بس هي زينه ؟
ابو سعد : زينه زينه
تنهد سعود براحه وجلس يسوي سيناريو معها في مخه
-
ترف : خالد باقي بس تركب معنا وانا اختك توكل
خالد اللي شاف نفسه صق باقي شوي ويصك بالسياره وقال بفهاوه : ماهي بشينه
ضحكت ايلان بصوت عالي : يلع شكلكك بطني
ترف دزتها : وجع اسكتي
حزام : هيه يالاخو تراكم جايبيني بسيارتكم مامعي سياره تعال وصلني اخلص علي
خالد طلع المفتاح من جيبه وحذفه على حزام : سم اخذه وانا برجع
ناظرت ترف حزام وابتسمت قالت : ماتوقعت وش ذي الصدف ؟
ناظرها حزام : والله حتى انا ماتوقعت توقعت اني شخصيه مهمهه
ضحكت ترف بشويش : يووه لاتذكرنيي قهرتنيي
قاطعتهم ايلان : ورانا شغل سرعهه
راحت ترف بسرعه تركب لانها بعد تفشلت من الوقفه
-
هياء : عناد شفيه وجهك ؟
عناد بتعب واضح : تعالي ابيتس
هياء بغصه : طيب بس تكفى الموضوع ماهو بكايد ؟
عناد حضنها : ان شاءالله ماهو كايد على وحده مثلتس قويه
هياء بدموع : لا لا انا ماني بقويه انا ضعيفه واكثر مما تتصورونه !! ارفق بي
عناد شد على حضنها : هياء تثقين فيني ؟
هياء اومأت له بمعني ايه
عناد ابتسم : خلاص الموضوع هين بأذن الله
كان يكلمها ويهديها ويقول في خاطره هذا ومابعد قلت لو قلت وش بتسوي ؟؟
ماحسوا بالنظرات اللي تجيهم من بعيد
سعود : ياحظك ياعناد تحضنها متى ماودك ، اااه متى احضنها بالحلالل
مشاري من وراه : خلي ايمانك بالله قوي وان شاءالله بتاخذها
فز سعود : بسم الله من متى قاطعه مشاري
من يوم قلت حضك ياعناد
سعود ضم مشاري وقال : تعال ناقصني حنان
مشاري دفه بشويش : ياهوه ترى ماني هياء
ضحك سعود
-
ترف : يختي احسه يحبتسس
ايلان : لا لا تتوهمين
ترف : الا
ايلان : لا
ترف: الا
ايلان : لا
ترف : خلاصص انا صح انتي غلط
ايلان : تقلعي بسس انا خطأ وانتي صح
ترف : لا انتي صح وانا خطأ
فطسوا ضحك
ترف : يلعن بليستس ياشيخه
ايلان : يلعن بليسش انتي وش يخصني
ترف : طلعع العرققق
ايلان : احلى عرق وربش
ترف : تكفين لاعاد تتكلمين الا جنوبيي
ايلان: من عيوني
ترف : انفداشش
ضحكت ايلان بخفه
-
هياء مسكت فمها بصدمه : امااا
عناد : هيون انتي قويه تكفين لاتكسرين ضهري فيتس
هياء قامت تبكي : عناد لا لا ماشفتهه راح ماشفتتتهه
عناد ضمها : لا هو قال بيجي ماعليتسس لاتبكين بس ، ولاتعلمين احد ! ابداً ابداً
هياء : طيب
عناد : امسحي دموعتس يلااا
هياء ابتسمت : هاه كذا ؟
عناد : ايهه كذا وحب راسها وعودوا
-
بعد مرور اسبوع ~
