ترف : يلا
كانوا يمشون ويسولفون
ترف : اه لو ان حنا مستقرين هنا احس حبيت الديره
ابو ايلان تنهد: ااه احلا الايام كانت هنا ياليت بس مدارس ومشاغل
ابو ترف : اي والله
ترف : غريبه انتوا وين كنتوا تدرسون ؟
ابو ايلان : هنا يا ابوش كان هنا مدرسه بس قّضوها
ابو ترف : كنا نهرب من الحصص ونبرشمم
ابو ايلان : مستحيل انسى يوم غشيت في العربي وقفطني الاستاذ السوداني
ابو ترف بضحك : يوههه يالاستاذ المصري ياوش سوا فينييي
ترف تضحك : ياحليلكممم وتقولونن لناا لا تغشونن وانتوا اعداء مننا
ابو ترف : لا لا تقتدين بنا انا وخالتس اخس الناس
ابو ايلان يعدل مرزامه : تكلم عن نفسك
ابو ترف : خلاص اسكتوا وصلنا
-
حزام : يابوي اخطبها وخلص
نادر : مدري احس ماهي موافقه
حزام : ماعليك احس انها بتوافق !
نادر : مدري مدري بس احس مكانها هنا غلط
حزام لف على الناس اللي جو واللي كانوا ابو ترف وابو ايلان وترف! ايييييه مع تنهيده ترففف
حزام كان يفكر ويشوفها ويبتسم
نادر كان يتكلم بس ماعطاه حزام وجه كان ساجج
نادر لاحظ ان عينه على ترف : هيهه يالاخوو ابوها جا نزل عينككك
حزام : هاه ؟
نادر ضحك : وجعاهه
حزام عرف انه جاب العيد : ارحبوووووو
ابو ايلان & ابو ترف : سلمهه
نادر وهو ماسك الضحكه : اقلطو اقلطو
ودخلوا
حزام تنهد براحه
نادر ضربه بخفيف : الله ياخذككك بطنيي مقدرر
حزام توتر : وجعع ياخيي بالغلط
نادر : اخذ علمك بعدين يلا مشينا الملاك جاء
-
ترف : امبيهات ليه يناظر كذا يبي ابوي يلعن شكله ؟؟
دخلت مع الباب
هبه : يمه بسم الله
ترف : من وجهس وش اللي يمهه
هبه : انتظر الوغدان
ترف شهقت : بسم الله وش الوغدان ؟؟ الجنونن
هبه ضحكت : لاياغبيه وغدان يعني ورعان بس بالحايلييي
ترف : ومنين بيجون وغدان ؟ مابه الا ملاك واكيد داخل
هبه : لاا فيه ضيفه داخل حايليه الله بتعلمي حايلي
ترف جات بتدخل : الحمدلله والشكر
هبه مسكتها مع يدها : تكفينننن ماعلي عبايه اطلعي جيبيهم لايضيعوننن
ترف : إنا لله طيبب
هبه : قلبي قلبيي والله تريّف
ترف : الله وش ذا تريّف !
هبه : اقلد العجز ، يلا لاتتأخرين على الوغدان
ترف راحت وهي تتنهد
-
سالم : يلا بابا امسك يد اختك وودها عند ماما
رعد مسك يد اخته لتين وبدا يمشي
"
ترف : ياربي الورعان وينهم اففف
كانت تويق تبي تلمحهم شافت كائنين في قمهه الكياته مقبلين عليها : واقلبسسسسس انا والله الوغدد ياقلبيي
رعد : خالتي ماما وين ؟
ترف : داخل ياقلبي
رعد : بابا يقول نروح لها
ترف مسكت يده ومسكت يد لتين
ترف : وش اسمك ياحلوو
رعد ببرأه: رعد
ترف : يووههه الله يطعنيي يارعدد
التفتت على لتين : واختك القمر وش اسمهاا
رعد : لتين
ترف شلتها : ويازيننن البنوتاتتت
رعد وقف وترف التفتت له : وش فيك يارعود ؟
رعد : ليش ماتقولين يازيني انا بعدد
ترف ضحكت : خلاصص وازينن رعوددديي
رعد ضحك ومسك يدها : انتي حلووه
ترف وهي تدخل متعجبه منه : انت والله الحلووو
هبه كان تنتظر وقفت لما شافتهم : ترففف !! وافلبسس ياترففف يجننونن باكلهممم
ترف ضحكت : استهدي بالرحمن ويش اللي تاكلينهم !
هبه : يجننونن شسوييي
خذت رعد وشلته : وش اسمكك ياحلوو
رعد ضحك : كلكم تقولون وش اسمك وش اسمك
هبه : لانكك حلو بزوجك بنتي المستقبليه
رعد ضحك : لا خلاص انا متزوج
ترف ضحكت وناظرت لتين : شوفي اخوتس مايستحيي
هبه ضحكت : وش اسم زوجتكك
رعد : ا ا ملاك
هبه ضحكت بقوهه : والله بتطلع عينكك ، تبي تشوف ملاك ؟
رعد صفق بحماس : ايوهه نشوفف ملاكك
هبه تمشي وترف وراها هي ولتين اللي تعلقت فيها ترف
وعد ضحكت : لايكون تعبوكم ؟
ترف فكت عبايتها وجات تسلم عليها : ابد والله مابه تعب الا طعمييين يجنوننون جد الله يحفضهم
وعد : ياحبيلتس والله انتي اللي تجننين
هبه : واهه ياللهجه متى بتعلمينيي
ضحكت وعد
رعد مسك فمه : نسيتت
وعد : وش ياماما ؟
رعد : نسيت اسألها وش اسمهاا
وعد ضحكت ؛ فضولي شوي
ترف : لاعاددي والله ، لفت على رعد : اسمي ترف
رعد وهو يأشر ب اصابعه : انا وانتي ثلاثه حرف
ضحكت ترف ومسكت خده : بطلل حلاوهه ياخيي
ضحك رعد : وين ملاك
وعد مسكت راسها: لا اله الا الله حبيبي منهي ملاك
هبه انفجرت ضحك : واضحح ولدتس يبي يتزوج
وعد ضحكت : والله مايهوله
ترف شالت لتين : نستأذنكم ونسرق لولو شوي
وعد : حلالتس ياقلبي
هبه : ايه يارعد وش علومك
رعد : حلوه
هبه : يجنن بسم الله عليه
وعد تناضرهم وتبتسم بهدوء
-
هياء : بنات ثامر يدقق يممه
نوره : ردي عادي
هياء بلعت ريقها : ا الو ثامر
ثامر يبعد شوي من الرجال : هياء جاهزه ؟
هياء تجمعت الدموع في محاجرها وتنفي براسها : لا لا مابي اتزوج
ثامر ضحك : ياخوافه ليهه تخافين عادي ترا سعود عندنا وبين عيوننا اتحداه يسوي لتس شي العن شكلهه انا وعناد عندتس !
هياء ابتسمت : جاهزه من زمان بس متوتره
ثامر : يالبى ياخي ، اسمعي ترا مشاري بيخطب سديم
هياء : وشوو
ثامر : والله خوالي وجدي قررور العيال في صدمه وانا ماعلي شماغ وسروال المسكين مشاري ماجا وهم يبون يخطبون له على ان جدي قال له بنأجل
هياء شهقت : سديممم ومشاريي
ثامر : ايه وحاولو تستعجلون شوي
هياء : طيب وقفلت
رسيل : وش فيه
هياء : تخيلي مشاري بيخطب سديم !!
رسيل : وشوووو مو قال بيأجلها !!
-
سديم خذت السروال والشماغ وراحت تبي تعطيهم مشاري في المقلط
مشاري : ياربي ابطت !!
شوي كذا دقت عليه سديم الباب : افتح
مشاري بهمس : ياهلا والله ، قال بصوت عالي : يلا
فتح لها الباب كان متكشخ وكل شي بس ناقصه السروال
سديم : هاك
مشاري : ماقصرتي والله شكراً
سديم : العفو مابينا !
مشاري ابتسم بخفه وسديم راحت بسرعه قبل يجي احد
ثامر : ياولد وش فيك تبوسم للهواء ! عطني الشماغغ وترا جدي بيخطب لك يقول استعجل
مشاري انقلب وجهه : وشو ؟ بس هو قال لين نرجع للرياض ؟
ثامر وهو يضبط شماغه : يابوي وش يدريني ؟ يلا استعجل وانا ابوك
مشاري ضحك
-
الساعه صارت 6
