ثامر بقهر فك ازرار ثوبه الاولى : تعبت يمه احس روحي بتطلع مدري اسامح ابوي ولا اعاتبتس ولا وش اسوي
ام ثامر : يمه ياقلبي سامح ابوك ابوك الحين عند اللي ماتنام عينه سامحه عشان يرتاح بقبره
ثامر بعبره : الله يسامحه الله يبيحه وياسمحتس كان ودي احظر دفنه كان ودي اشوفه كان ودي اشوف اخواني وكان ودي ودي وكان ودي بكثيرر اشياءء
ام ثامر : خلاص يمي بكره نروح للرياض و ادلك على بيت اخوانك
ثامر : تمام يمه بنسرح الفجر
امه : تامر
ثامر توصين شي يمه بروح اريح
امه : روح يايمه
-
طبعاً ماتعرفنا على ثامر ثامر عمره٢٤ سنه ولد في تبوك عند خواله ولا يعرف شي عن ابوه واعمامه لان امه دايم تتهرب من الاسئله وجا اليوم وعرف بس باقي بباله اسئله من هو ابوه ؟ شسم اخوانه ؟ هل بيتقبلونه ؟ هل هو بيتقبلهم ؟ كل هالاسئله يبي لها جواب
-
ثامر راح لغرفته على طول بدون تفكير اتصل على خوي دربه وعمره
ثامر : الوو كيفك يالمحزم
: الحمدلله كيفك انت ياثامر يالقاطعع انا وحزام لنا ايام نحاول نتواصل معك
ثامر : والله يامشاري مشاغل ولا ازيدك من الشعر بيت طلع عندي اخوان من الابو وطلع عندي زوجه اب واشياء كثيرهه
مشاري : اف اف افف وش صاير امك قالت لكك ؟
ثامر : تخيل يامشاري ابوي ميت من٥سنين وانا توي ادري كنه الومه ليه مايجينا بس امي تقول يجينا وكنت صغير وامي توها تنطق اخ يالقهرر
مشاري : هونها وانا اخوك هونها وتهون
ثامر : المهم تراي .. قاطعه مشاري
ثامر شوي وارجع لكك جدي يدعيني
ثامر : طيب اذا فضيت اتصل علي
مشاري : ابشر ولا تنسى وانا اخوك هونها ولا تزعل نفسك
ثامر ابتسم تلقائي من كلام خويه العسل : ابشر تامر امر
وقفلوا الخط
مشاري بجمود : لبيه ياجد ناديتني ؟
الجد : ايه تعال ابيك
مشاري : سم
الجد : سم الله عدوك ، ابيك بكره تاخذ العايله كلها ونروح للحديقه
مشاري : ابشر تامر على شي ؟
الجد وهو يروح : سلامتك روح قول لهم يتجهزون
مشاري : ابشر
عند البنات
كانت هياء للحين تتذكر نكتت سعود وتضحك
خلود: الحمدلله والشكر شفيها ذييي مغير تضحك من جيتوا
هبه : فاتس قال سعود نكته سامجه المهم تدرين هياء اسمج منه وقامت تضحك وللحين تتذكر وتضحك المرجوجه
هياء : والله يابنات تضحك بطنيي اجعني من الضحك
رسيل وهي تشوف سديم اللي ساجه : اييه سديموه شفيتس مهوجسه ؟
سديم : هاه وشو؟
هياء: شفيتسس ساجه ؟؟
سديم : ابي انام نعسانه بروح انام قامت تبي تمشي فجأه دق الباب
ام عمر : سديم يمي افتحي الباب معتس
سديم : ابشري ياعمه
راحت تفتح
طيب طيب بشويش وجععع خويلد عرفتك بشويش يا...
لحظه صمت لما شافت اللي ماودها تشوفه ابد بعد الموقف
مشاري ماسك الضحكه : لذي الدرجه خالد مزعج
سديم : اااا.. ايه ، شبغيت ؟
مشاري بجديه : جدي يقول تجهزوا بكره رايحين للحديقه
سديم بدون وعي منها ضمته من الفرحه : يوووهه الله يسعدكم من زمان ابي ذي الطلعهه وااه حماسسس
مشاري اللي تشنج كل شي فيه حس تكه ويطلع قلبه من مكانه حس بفرحه مو طبيعيه
سديم وعت على نفسها : ااا.. ماكان
مشاري : حصل خير ، لاتنسين علم.. ما امداه يكمل الا والباب قفل في وجهه
ابتسم درى انها استحت
سديم ورى الباب وقلبها يرجف والبسمه شاقه وجهها
: يووه الجو حر صح
سديم : بسمم الله شفيتس انتي منين جيتي
هياء تنغز لها : تكفين تعالي لميني احس ناقصني حنان
سديم بحياء : تقلعي ترى بالغلططط
هياء : شقلت شقلت ترى عادي سمعت ..
سديم سحبت عليها وراحت تسعى للصاله تعلم الكل باللي قاله مشاري
هياء طلعت جوالها : والله يليقون لبعض خل اشبكمهمم ، بروح اعلم مايي بستت
صفيه ( ام راكان ) بهدوء : شوي شوي شفيتس متحمسه ، احس ودي اروح لقيت كتاب مرره حلوو والجو بيكون بيرفكتو
حصه ( ام سعود ) : انا بسوي لكم حلا
ام عمر : وانا القهوه
ام مشاري : وانا الشاهي والمكسرات
ام عناد : وش خليتوا لي
خلود : عمه وحنا بالطريق اشتري حلا
ام عناد : والله فكره
هبه : انا بجيب الفرشه
رسيل : وانا بسوي حلا من البيت
سديم : بجيب عصاير وكذا
خلود : وانا شبسات
هياء بضحكه : وانا بجيب نفسي
البنات : اسكتيي
هبه : هياء فيها نرجسيه
رسيل : يلا نجهز
ام مشاري : ياهوه على وين مشاري ينتظرنا تحت تعالي نروح
سديم حست قلبها يطلع من مكانه من الفشله انتبهت لها هياء وضحكت
-
عند العيال
عطس راكان ٣ عطسات ورى بعض
سعود و خالد بنفس الوقت : شافيي
ضحكوا العيال
راكان : يافله انت وهو مرره يضحكك
سعود: والله تضحك شفيك
مشاري : يلا مع السلامه بروح ، سعود تعال شوي
سعود : يلا جاي
مشاري بدهشه : تخيللل
سعود بحماس : وشششش
مشاري : ثامر
سعود: يووه القاطع ماعاد كلمني
مشاري : لا تلومه تخيلل طلع ابوه ميت من ٥سنين تو امه تقوله وعنده اخواننن
سعود : الله يعينهه ياقلبي عليه
مشاري : لاتقول له شي لين يقول لك
سعود : لا توصي
مشاري : تشاووو
سعود : شفيك انت كأن الارض مو سايعتك من الوناسه
مشاري يرقع : دريتتت
سعود: يووه وشش بعددد
مشاري :بكرره بنروح للحديقه
سعود : قل والله
مشاري : والله
خمه سعود من الوناسه مادرى انه ذكر مشاري بشي صار قبل دقايق
-
عناد وهو يتمعن في راكان : ركين جاني طريف علم انك مبكي نور عيوني ؟؟
راكان بتلعثم : ههه لا من قال
عناد وفيه الضحكه : جدي
راكان وهو يصرفه : افاا عليكك انا ؟ انا ابكيها ؟ انا اعتبرها زي اختي مستحيل ابكيها ، وبيني وبينك جدي بدا يخرف
الجد من وراهم : نعم نعم نعمم تعال تعالل يالكلببب
خالد : هاهايييي حوبت هياء ماهي متعديتك
راكان ركز رجله وهج ولا لاحظ البنت اللي قدامه صك فيها وطاحوا فوق بعض
: اييي خير عمى ماتشوفف .. سكتت لما شافته
راكان اول مره يشوف رسيل فيها عن قرب عيونها جذبته بشكل
وعى راكان وقام بسرعه وصد : اسف والله ماشفتتس بس كنت اهرب من جدي وصار اللي صار
رسيل بحرج راحت
-
رجع راكان للمجلس واق : هاه راح جدي ؟
عناد بضحكه بعد ماشاف الجد غمز له : ايه تعال
راكان تنهد براحه : الحمدلله بغيت اودع الملاعب ما امداه يجلس الا والجد منهد عليه بالخيزران
انا يالسلقه الزرقاء ؟ انا مخرررف المخرف والله ابوكك
خالد بضحكه : عليه ياجد عليهه الله يقويكك
الجد حول على خالد : وانت بعد تعال وقام يضربهم بالخيزران
-
انتهى.....
