مهانش عليا اعدي الأجواء الأوربية دي من غير ما نحتفل مع بعض بالشفاء ببارت على السريع كدة، البارت ده حاسة اني كروتته وحرفيا رأيكم هيهمني جدا في البارت ده، والتفاعل على البارت الي فات كان قمر وهو الي شجعني انزل البارت ده بسرعة فهستنى كومنتاتكم القمر على المقاطع زي المرة الي فاتت وفي تلك الأجواء الجميلة، وعايزة اقولكم على حاجة كل مرة بنسى اقولها، انا عاملة جروب على الفيس صغير كدة اتمنى انكم تشرفوني فيه وتشاركو فيه ارائكم عن رواياتي أو أي شئ تحبوه خاص برواياتي هسيبك لينكه في منصة الرسايل بتاعتي واللينك في البايو بتاع صفحتي دعونا نصلي على اشرف الخلق اولًا
_______________________________
"لا بقى مش قادرة استحمل، جاسر" كانوا يجلسون في الحديقة و نادته منة ليرفع عينه من حاسوبه وهو يقول بتذمر "النضارة القديمة كانت احلى من دي، مش مسامحك يا منة وملكيش دعوة بيا"
أنهى حديثه وهو ينظر في حاسوبه المحمول مرة أخرى لتقول منة بلا مبالاة "جاسر ممكن طلب" تأفف جاسر بملل وهو ينظر لها ويقول "نعم في ايه؟؟"
"عايزة ارسمك" فاجئته بقولها ليبتسم بإحراج وهو يقول "في ايه يا منة مالك؟"
ابتسمت منة بحماس وهي تقول "قولت استاذنك علشان متقولش اننا في زريبة، وبصراحة كدة عايزة ارسمك دلوقتي" ابتسم جاسر بعدم تصديق وهو يقول "طب ما ترسمي آسر أو ياسر هما نفس الاصدار"
ابتسمت منة وهي تقول "نص رسوماتي لآسر كلها نايم فيهم ولو في مرة اقنعته ارسمه وهو صاحي بينام في نص الرسمة، وياسر بصراحة بخاف منه، انت منظرك عشوائي مجتهد كدة فوانت بتحاول تهكر الي ما يتسمى ده، انا هرسمك ممكن؟؟"
"مش عارف يعني بس اكيد مش هقولك لا واخلي منظرك وحش بعد ما احرجتك وخليتك في نص هدومك يعني فخلاص ماشي موافق" أنهى جاسر حديثه لتنظر هي له ببلاهه من حديثه لتضحك بعدم تصديق وهي تقف لتاتي بألوانها وتقول قبل أن ترحل "انت دبش اوي على فكرة"
"تسلمي يار.... ايه دي غلطت فيا؟!!" قالها بصدمة عندما استوعب كلمتها ليبتسم بسخرية ثم يعود لحاسوبه مرة أخرى وهو يحرك رقبته يمينًا ويسارًا بألم ويقول "منك لله يا نبيل والله يسامحه جاك علشان مرضاش يخلص الحوار بايده هو امهر"
أنهى حديثه ليجدها تركض أمامه تضع لوحتها ثم تجلس على مقعدها ثم تمسك بقلم طويل تبدأ به لم شعرها وهي تثبته بالقلم وتشمر أكمام قميصها ليبتسم على مظهرها هذا بياس وهو يقول بسخرية "تموتي انتي لو حاجة عدت من قدامك ومرسمتهاش"
ابتسم منة وهي تبدأ في دمج الوانها وتقول "الرسم ده الحاجة الوحيدة الي بتاخدني في عالم تاني، زيها زي الروايات كدة، تخيل تلاقي قدامك عالم قاسي ووحش، فترسمة انتي بطريقة احلى وبدل مهو عالم اسود تخليه انت مليان الوان وبهجه زي ما بتتمنى، تخيل انك تشوف قدامك شخص مش كويس واذاك في حياتك كتير بس انت مش عارف تتكلم ولا تعبر، فبترسمه بالهيئة الي انت شايفها وتحس انك خرجت الي جواك وعرفت تعبر عنه"
أنت تقرأ
Triple commandment ، الوصية الثلاثية
Actionتفرقو منذ كانو صغار ، لم يعرف أحدًا منهم أنه لديه اخوه من الأصل ، حدث كل هذا بسبب قسوه الوالدين، وبعد فراق سنين شاء القدر أن يعلموا بوجود بعضهم بل والخوض معًا في مغامرة كبيرة وعميقه، فهل سيتقبلون بعضهم، وهل سيجد كلا منه نصفه الآخر كل هذا سنعرفه في ر...
