البارت المفروض كان ينزل امبارح بس البارت كله كتبته بفقدان شغف وكان واقف معايا على مشهد وعلشان متاخرش كتبته كدة وخلاص بدون تفكير حتى فبجد اتمنى اعرف رايكم في البارت لان الشغف فيه كان منعدم تمامًا، البارت ٦٢٠٠ كلمة زي كل مرة هو بس البارت الي فات الي كان تفاصيله كتير
وكدة باذن الله يكون فاضلكم معايا بارت او اتنين ويتم وقف الرواية بسبب جدول امتحاناتي بتاعة نصف العام الي نزلت فجأة واتمنى منكم تدعولي ومستنية ارائكم البارت الي فات كان تفاعله جميل واتمنى الاقي زيه انهاردة
____________________________
نظر الاثنان نحو هذا الشئ الذي يوجد أمامهما لتقول اسراء وهي على وشك البكاء من كثرة ما تشعر به من رعب "آسر، ده أسد"
"اومال قطة ما انا متنيل عارف أنه اسد" قالها آسر وهو يبتعد للخلف حتى لُصق ظهره في الحائط وكم تمنى لو كان يستطيع الدخول في الحائط افضل له مما يراه أمامه الآن
فكان الأسد يجلس بهدوء وهو ينظر لهما وما أن انتبه لرجوعهما للخلف حتى بدأ في الوقوف وهو يحرك رأسه يمينًا ويسارًا وأثناء تحرك رأسه صفعت اسراء بكلتا يديها على خديها وهي تقول "يا ليلة سودة ده في كاميرا متعلقة في رقبته"
نظر آسر نحو تلك الكاميرا الصغيرة المعلقة في رقبة هذا الأسد ليرى اسلاك موصلة بالسقف تمتد حتى الخزنة ليصل لذهنه أنه عندما لمس الخزنة اشتعل الضوء واستيقظ الأسد ليطلق صفيرًا من فمه وهو يقول بانبهار "يا بن اللعيبة يا نبيل، سوسة الواد ده"
"وده وقت انبهارك بنبيل، انا مش عايزة اموت مأكوله يا آسر ابوس ايدك خرجني من هنا رجعوني لعمي حسن ورضا ووفاء تاني ونبي" صاحت بها اسراء وهي تبكي برعب لينتبه آسر لاقتراب الأسد منهما ببطئ وكأنه متدرب على هذا
"عملتها على نفسي عملتها على نفسي" قالها آسر وهو يصفع خديه بكفيه لتقول إسراء برعب "اتصل بيهم تحت ينقذونا"
"هما تحت اصلا تلاقيهم محتاجين الي ينقذهم" قالها آسر وهو يحاول الالتصاق في الحائط أكثر ويفكر في حال إخوته في الاسفل
وفي الاسفل كان جاسر ينظر حوله بانبهار وهو يقول "الديكور راقي جدا" نظر ياسر نحو المطبخ ليركض للداخل وخلفه الباقي ليرى العديد من الأواني والصحون المرتصة فوق المطبخ ليقترب منهم ويقوم بفتحهم ليقول بانبهار "هو نبيل يياكل كل ده لوحده؟ حمام ورقاق ومحشي وطواجن، وبصراحة كدة انا جعان"
نظر له جاسر بغضب وهو يقول "جعان ده ايه احنا مش لسة متغديين" نظر له ياسر بتشنج وهو يقول "وانت مسمي البطاطس المعجنة بتاعة منة والبانية الني بتاع اوس اوس والعيش المحروق بتاع أروى ده اكل؟ اوعى يا عم ناكل لقمه"
أنت تقرأ
Triple commandment ، الوصية الثلاثية
Actionتفرقو منذ كانو صغار ، لم يعرف أحدًا منهم أنه لديه اخوه من الأصل ، حدث كل هذا بسبب قسوه الوالدين، وبعد فراق سنين شاء القدر أن يعلموا بوجود بعضهم بل والخوض معًا في مغامرة كبيرة وعميقه، فهل سيتقبلون بعضهم، وهل سيجد كلا منه نصفه الآخر كل هذا سنعرفه في ر...
