🔥فلاش باك🔥 دخلات لبيرو جلسات خدات تيلي لقات فيه لكود تنهدات بيأس ياله اتعيط لأناس حيت هو عندو مع هادشي ديال تيليفونات تا كتشوف نمرة كتصوني مكتوب عليها "my life" بتاسمات و جوبات بحزن ألاء: الو طرف لاخور كمش ملامح ديالو بتساؤل و استغراب: الو شكون معايا ألاء سمعات صوت بنت متوتر نطقات بتبات: الو ختي واش كتعرفي سيد مول تيلي ...: اه شكون نتي الاء بزربة نطقات: سيد داير حاادت و من افضل تجي تشوفيه هو فكنينيك .... ألاء لقات عليها قنبولة و قطعات كتنفس دغيا راه متقدرش تشوف شي حد من عائلة المريض فحالة يأس و كيشوفو فطبيب انه الأمل ديالو الوحيد معرفوش انه تاهو كيكون كيعاني فديك اللحظة تنهدات خشات تيلي فطابليتها و وقفات ،مشات لجيهة غرفة لي حطوه فيها مخلينو تحت مراقبة بقات واقفة قدام زاج كتشوف، كيتعتابر اول مريض ليها يعني اول عملية دارت هي عملية ديالو تنهدات بتعب ضورات وجهها ملي سمعات شي حد كيخاطبها شافت فالبنت لي قدامها تكون فعمرها 31 سنة كانت ملامحها شهبة شعرها لقهوي لي مطلوق واصل ليها نص فظهرها و عينيها عسليين لي لمحات فيهم خوف و غرور و تكبر صغرات عينيها ملي سمعاتها نطقات بصوت هادئ ...: واش نتي لي دويتي معايا فتيلي ألاء بتاسمات ببراءة و نطقات : اه انا واش نتي من عائلة المريض نطقات البنت بصوت كيترعد : اه انا ختو مالو اش عندو نطقات ألاء بتأسف : مريض جبناه كانت حالتو خطيرة دار حادت و ياله خرج من غرفة عمليات هو بيخير ولكن معرفناش اش يوقع من هنا ل 48 ساعة حيت احتمال كبير يا ادخل فغيبوبة يا يفيق و الى فاق احتمال يوقع شي مضاعفات يا يولي أعمى او يوقع ليه شلل نصفي مي هادشي حنا ممتأكدينش منو غير كنحطو إحتمالات خاصو تا يفيق و نشوفو واش دقة لي كلا فراسو عندها اتار سلبية عليه سكتات ألاء كترد نفس سرسبات ليها كولشي مقدراتش تبقا ساكتة حيت هادي اصعب لحظة خصوصا و هي كتشوف فيها مصدومة و مشرعة عينيها تا نطقات بصوت مصدوم ...: دبا هو يقدر يولي زحاف ألاء كمشات ملامح ديالها من مصطلح : راه قلت اختي غير ممكن نطقات البنت و هي كترجع شعرها من مورا ودنيها بخوف: عااافاك اختي واخا نشوفو ألاء نطقات بنفي: لا اختي مايمكنش دبا را قطعاتها و هي كدوي برجااء: غير خمسة دقايق ألاء تنهدات و نطقات: واخا ياله اجي معايا نعطيك تلبسي مشات الاء و تبعاتها هي تا لبسات لبسة طبية و رجعات دخلات و دخلات معاها ألاء شافتها تحنات باستو من جبهتو تأسفات لحالتها و فضلات تنساحب و لكن دغيا تبدلات ملامح ديالها لصدمة و هي كتسمع فالهضرة ديالها ...: حبيبي باش كتحس دبا ياكما كتوعت سكتات شوية و نطقات: ولكن ماغاديش توعت بحال ملي تفيق و تسيق ليا لخبار راني هربت بدلات تعبير ديال وجهها لبرود و نطقات: اه سماح ختك اتهرب أنبعد حيت ميمكنش ليا نبقا ، انا ستحملت عصبيتك و غيرتك ااه واخا انا ختك ولكن غيرتك كانت خانقاني و تا من هضرتك زايدة ستحملتها غير باش نخرج رابحة فلخر بشي حاجة ، مي تا كنتصدم بيك فلخر درتي حادتة و انا اش ليا من هادشي كلو والو غير العداب و منقدرش نعاود نمتل عليك الأخت حنونة و بريئة حيت صبري تقادا مي كون هاني ماشي بوحدي لي خديت حقي فالعداب، تانت خديتي حقق فالعداب وكتر گاع وقفات كتشوف فيه ببرود و كملات كلامها قبل ما تخرج: انعتارف ليك بواحد الحاجة انا عمري حسبتك اخ ليا بالعكس كنتي بالنسبة ليا عدو خانقني لواحد درجة لي بزااف و نزيد نعتارف ليك انا حاملة حطات ليديها على كرشها و نطقات: و عرفتي شكون باباه هو اكتر شخص ما كتحملش اه عدوك و لكن انا هداك بالنسبة ليا حبيبي من ليوم نت ماشي خويا انا انهرب من تسلطك عليا مابغيتش شي حاجة لي تربطني بيك كنت خايفة منك و لكن دبا لا حيت ملي غادي تفيق يا غتولي واحد زحاف و لا عور معندك باش تنفعني من بعد سكتات شوية و عودات نطقات ببراءة :احم مهم نخليك دبا ترتاح اخويا لحبيب سلات هضرتها و خرجات مخليا ألاء من موراها مخبية و سادة على فمها بليديها معرفات ما دير ولا تقول كتافات فقط باش تأسف على حالتو حيت من طريقة هضرة ديالها عرفاتها انانية ووحدة ما مزياناش واخا ماعارفاش سبب لكرهها ليه لديك درجة تنهدات وهي تخرج بعد ما مسحات دموعها
🔥اند باك🔥
مسحات دمعة من عينيها حسات بالعجز من ديما مكتحملش تشوف شي حد مريض و مقادرة دير والو خصوصا هو بقا فيها حيت كتحس بيه مقطوع بحالها ما كاين لي يحن فيه تا من ختو تخلات عليه و بعدات عليه بتاسمات إبتسامة باهتة قبل ما تحيد ليديها من ليديه و توقف خدات طبليتها و ضوسي ديالها و شافت فيه بعويناتها لخضرين و نطقات بحنان ألاء: كنتسناوك كلنا امتى غير تفيق و كنتمنى تقدر ترجع لواليديك لا كانو باقين فالحياة سالات هضرتها و خرجات متاجهة لدارها و داكشي لي كان ما كاملة تا نصف ساعة كانت وصلات لدار بدلات حوايجها و كلات عشاها و طاحت فبلاصتها كتفكر فحياتها و فهاد نقطة لي وصلات ليها و ماكانت كاملة تا ساعة تا كانت نعسات
يتبع..✏️ فنضركم شنو هي علاقة ألاء بأناس و شنو سبب لي خلا سماح تصرف بهاد أنانية 🤔 انكمل ليكم البنات ملي نشوف عدد يفرح من دوك نجمات♥️
Oops! This image does not follow our content guidelines. To continue publishing, please remove it or upload a different image.
