قصة بدارجة المغربية♥️بعنوان: #مشاعر_صامتة ❄️

بارت 31

🌺مشاعر صامتة🌺
                   بقلمي✏️: خولة غزالي🌹
               🌛بارت  79🌜

اما عند ناصر و إلياس لي خرجو تابعين ياسر لي خرج برى قدام كنينيك و وقف حدا لوطو ديالو تاحس بيهم وقفو حداه عرفهم شكون ماتلفتش شاف فيهم و تاهما مانطقوش بقاو مدة جوج دقايق غير هكاك
تا نطق إلياس بنرفزة مامولفش سكات من يوم يومو فيه الهضرة بزااف: واش غادي نبقاو هكا تاحد ماغادي انطق
سالا هضرتو و كمل كلامو موجه هضرتو لياسر: نت عارف مزيان فخدمتنا ماكتعقل لا على صديق او لا عائلة داكشي لاش تصرفنا هكاك
ياسر نطق و عينييه باين فيهم لحزن تحمل بزاااف كتر من طاقتو هاد نهار : مابقاش فيا لحال حيت عتقلتوني بصفتي انا مشتبه كتر ما بقا فيا لحال ملي شفت شك فعينيك اما تا ناصر هداك كان متأكد انا مجر*م
تنهد إلياس و نطق: كون كنتي فبلاصتنا اش غادير
ياسر شاف فيه بجدية و نطق: كنت انجي نتأكد منك ماشي انتسرع
إلياس سكتو مالقا ما يقول فحين ناصر لي كان جابد گاروه كيكمي فيه غير شافهم سكتو نتر اخر نترة من گاروه و لاحو عفس عليه و نطق بجدية: انا تصرفت معاك هكاك ماشي حيت نت طلعتي مجر*م و ق*تلتي دوك ناس لا
شاف فيه لقاهم بجوج كيشوفو فيه كمل كلامو بجدية: تصرفت هكاك حيت ظنيتك غدرتي عشرتنا و لعبتي بينا بجوج و كنتي مستحمرنا داكشي لي ضرني كتر
سكت و كمل كلامو : اه كنعتارف غلطت معاك و شكيت فيك و لكن نت براسك كون كنتي فبلاصتي و كتشوف ادلة قدامك مغاتبان ليك غير صداقة لي كنت كلعب بيها
ياسر شاف فيه كيدور هضرتو فراسو عندو لحق كون كان فبلاصتو مغاديش يبقا فيه لحال انه صدق مجر*م كتر ما يبقا فيه لحال انه لعب بصداقتهم
ناصر شاف فيه و كمل كلامو ببرود: اصلا تستاهل ديك ضربة منينتا ولينا نخرجو اسرار خدمة
شاف فيه لقا ياسر سرط ريقو و كمل كلامو بكل جدية: عمرك شفتيني كندوي على خدمتي مع دار
حرك ليه ياسر راسو بنفي و كمل كلامو: خدمتي كتبقى خدمة و اسرار ماكاين لاش واحد من عائلتي اعرفها و يبرزط راسو بيها و هدا هو غلط لي درتي اسرارنا خرجتيه لخوك تا ستعملهم ضدك واخا ماكانش قاصد يضرك
ياسر تنهد هبط راسو ماعرف ما يدير، حيت خوه ماكانش قادر يخبي عليه شي حاجة بحكم تا لؤي كان باغي يدخل لشرطة و لكن ماتقبلش حيت كان واشم قبل ما يتقبل فداكشي علاش كان كيحاول مايبنش ليه انه كيخبي عليه كان كيحاول يعيشو شوية من اجواء لبوليسية و لكن هادشي كلو رجع ضدو و خلاه يوصل لهاد لمرحلة ان خوه مجر*م و هو نادم
حس بليد ناصر على كتفو و نطق بجدية: سمح ليا و لكن راه ماكنتش قاصد نشك فيك
بتاسم ليه ياسر بهدوء و نطق: ديك سمح ليا كولها
بتاسم ليه ناصر و ديك ساعة محا لإبتسامة و رجع ملامح ديالو لبرود
نطق إلياس بهدوء: ياسر فيك لي يديني لمركز ناخد لوطو ديالي راني خليتها تماك
حرك ياسر راسو بايجاب و نطق : واخا اصلا انا انمشي تماك نشوف لؤي
نطق ناصر بهدوء: سوارت لوطو نعطيك شي ملفات تديهم معاك
جبد ياسر سوارت لوطو ديال ناصر و عطاهم ليهم فالمقابل ناصر حل لوطو جبد شي ملفات و عطاهم ليه هما و شي سوارت صغار عاد نطق : حطهم فلمجر
خداهم ياسر و ياله اينطق تا قاطعهم صوت انتوي خلفهم: ناصر
تلفتو كلهم كيشوفو فيها واقفة لابسة عباية محلولة و تحت منها سروال تجين مزير و تيشورط بيض لايحة عليها زيف مخلية شعرها مطلوق طوييل و كحل واصل ليها لطر*متها و وجهها مزيناه بمكياج ملامحها كيبينوها انها إمارتيا على عكس صوتها لي عاود تسمع بجملتها: ناصر نت هدا
ياسر شاف فناصر لي ملامح ديالو باردة و رجع شاف فإلياس لي تاهوا كيشوف و عاقد غوباشتو نطق ياسر بهدوء: انتحركو حنا بيناتنا تيلي
اومأ ليه ناصر و مشا ياسر جار معاه إلياس لي غير ركبو نطق صعصع ديالنا
إلياس: اش كدير هاد ختنا هنا
ياسر تنهد و نطق: ماعرفت منين خرجات خايف لا تنوض كارتة
نطق إلياس بغضب: هي لي كانت ناقصانا فهاد المشاكل
ياسر مسح على وجهو و نطق : يكون خير ان شاء الله