قصة بدارجة المغربية♥️بعنوان: #مشاعر_صامتة ❄️

بارت 38

🌺مشاعر صامتة🌺
                   بقلمي✏️: خولة غزالي🌹
               🌛بارت  100🌜

هز راسو فلمراية كايشوف فراسو كان حمر و ودنيه تاهما حمرين عينيه نايمين بزز باش حالهم تنهد و مسح على راسو كيستغفر الله مزال لحد لآن كيدوزو لقطات ديالهم فدماغو هبط عينيه لديالو كيبان ليه منفوخ عض شفايفو و تحنى على لڤابو خشا راسو تحت روبيني و خلا ما بارد مطلوق عليه و غمض عينيه كيحاول يبرد و ينسى دوك لقطات حيت حاس براسو ماغاديش يصبر و هو ماناويش يدير شي حاجة لي حرام واخا كيحس براسو شبع دنوب فهاد لحظة بعد مدة قليلة حيد راسو من روبيني و غسل ليديه سد لما و هز فوطة و تم خارج كيمسح ليدو و راسو بعد لفوطة من وجهو تا كيلمحها عاطياه بضهرها قال فبالو نعسات حط لفوطة و تقدم لعندها بخطواتو هادئة و كل ما قرب كيزيد يعقد فحواجبو من صوت لي كيسمع دار لعندها، عينيه و ماغاتجي غير فعينيها لي مغمضين و دموعها على خدها شلال من غير انين ديالها تصدم قلبو ضرب بخوف ماعرف مالها أسوء تخيلات جاو فدماغو حط ليديه على راسها و نطق بخوف
ناصر: ألاء مالكي
تكمشات كتر و زيرات على عويناتها رافضة تحلهم و نطقات بصوت خافت: والو
عض شفايفو بغضب و نطق بجدية: ألاء بلا تفلية مالكي واش تاضرك شي حاجة
اومأت ليه بنفي و نطق بهدوء كيحاول يهدنها واخا خاصو هو لي هدنو: واخا و مالكي
حلات عويناتها بشوية كانو حمرييين و مغرغرين حط ليدو على حنكها مكمش حواجبو ماعجبوش لحال يشوفها فهاد لحالة كيحس بقلبو كيتجمع عليه نطق بصوت حنين و هو كيمسح ليها دمعتها: مال حبيبتي مالها
نطقات ألاء بحزن و براءة: ماغاديش تاخد عليا نظرة خايبة ياك
كمش حواجبو مافهمش و ديك ساعة رخا ملامح ديالو ملي عرفها علاش داوية تحنى لعندها نوضها بشوية تا جلسات و جلس حداها كيبعد ليها خصلات شعرها نطق بحنان: لاش اناخد عليك نضرة خايبة عادي داكشي ا ألاء ماشي حيت ماتحكمتيش فراسك راه معناتها انكي خايبة
نطقات ببراءة وراسها كتحركو بنفي من غير دموعها لي ماتحبسوش راه ماشي حيت باسها دارت هاد لحالة ،راه شحال من مرة باسها و لكن غير كتحشم ماشي بحال دبا قاس ليها لحمها و قاس ليها صد*رها يعني تلمس فيها و هي مخلياه ماهياش هنا هادشي لي ضارها : لا اناصر كان عليا نتحكم فراسي حيت حرام هادشي و الله و اصلا باينة خديتي عليا نضرة خايبة غير ملي نضتي بلا ماتقول تا كلمة
تنهد ناصر و قرب ليها حط شفايفو على دمعتها لي تمات نازلة بعد منها شوية و نطق بحب: ماشي حيت مادويتش معاك معناتها راني خديت عليك نضرة خايبة لا ادكتورة انا كون زدت معاك غير شوية كنت انفقد سيطرة على راسي لا لمكان مناسب و لا لوقت مناسب و كون غير صحيحتك قادرة تهز دقة نقولو و نتي غير على قد لحال
بدات كترمش بصدمة حلات فمها و عينيها موسعاهم فيه حدها نطقات و هي مصدومة : كفااش
بتاسم ليها شكلها كان كيضحك كتبان مصدومة، قبل شفايفها و بعد منها ناطق بحنان: راني مانقدرش نقرب ليك فحرام ادكتورة فغير كوني هانية حيت هادي كلمة راجل حر
عضات شفايفها بحشمة قلبها ضرب اتكدب لا قالت معجباتهاش هضرتو، بصح نيت كبر ليها فعينيها كون كان شي حد فبلاصتو مايفوتش لفرصة حيت كانت مسلمة ليه راسها بلا تا صعوبة ادن لاش غادي يرفض من غير لا كان كيخاف ربو و كان خايف عليها ،بتاسمات ليه وسط دموعها و حركات راسها بايجاب و شافت فشرجم بان ليها ظلام شافت فيه و نطقات بتساؤل و نبرة حب باينة :اتبات معايا
اومأ ليها بايجاب فالمقابل هي بتاسمات بفرحة تقدات فبلاصتها و طبطبات حداها و نطقات : نعس
ميل راسو كيشوف فيها بهدوء تا دخل ليها شك و زحزحات عينيها من عليه و هي حاسة بنظراتو عليها ماتزعزعوش و لكن دغيا شافت فيه موسعة عينيها ملي سمعاتو نطق بهدوء
ناصر: حالفة تا دوزي دخلتك هاد نهار ادكتورة و لا كفاش
سرطات ريقها بزز و نطقات بنفي و هي حشمانة من موقف لي تحطات فيه: لا و الله ما هكاك غير حيت بغيتك تنعس مرتاح و الله لقسام
بتاسم ليها و ديك ساعة تكا هو، و هز ليها راسها تكاها على ليدو و جابها ملاسقة معاه ناعسة على ليديها ليمن و راد ليها لبال لا تعگر حط ليديه على شعرها كيدوزها ببطئ و نطق بحنان: عارف دكتورتي حنينة
تنهد براحة شعور لي تيحس بيه و هو معاها فشكل كان مفتاقدو ، منين كان صغير مابقا حس بهاد راحة امكن حيت عاش فضروف قاسية و جات هي بدلاتو و لا كيحس براسو كيهضر و يجاوب لواحد ماشي كيف قبل كان ساد عليه فقوقعتو
باس ليها جبهتها بحب و نطق بحنان: نعسي باش ترتاحي
اومأت ليه تمخشات فيه بشوية و نطقات بصوت نعسان: تصبح على خير
ناصر: تصبحي على خير
غمضات عينيها و تاهوا غمض عينيه واخا عارف راسو ماغاديش ينعس دبا و لكن بعدا تنعس هي ترتاح شوية