تنهدات و رجعات شعرها مورا ودنها حركة لي كدير ملي كتوتر و هو فلمقابل عينيه تبعو انامل ديال ليدها تا هبطاتهم رجع شاف فيها ملي سمعها نطقات بصوت خافت و باين فيه رعب واخا كتبان ليه مخرجة عينيها ،كيحس ان فلداخل ديالو صوتها مألوف ماعارفش فين سامعو ألاء: موسيو خليك فبلاصتك متخلينيش نعيط ليهم يجيو يعطيوك مهدء دوز لسانو على حنكو من لداخل ها لي مكيبغيش لعناد راه ملي كتعاند معاه بحال الى كتاخد موس حافي و دوز عليه بتاسم بجنب فمو دليل على إستهزاء ديالو عاود شاف فعينيها نيشان و نطق بثبات ...: هاني مهدن ممكن نعرف ا أنسة اش واقع و اش وصلني لهاد لبلاصة ألاء فين هي ألاء راه تأسرات عوتاني بين عينيه
أي جرم يليق بعيناك حتى أسجن بها💔🌹
هاد الجملة بضبط كتعبر على الحالة ديالها دبا،بعدات دغيا عينيها و رجعات شعرها من مورا ودنيها و نطقات و هي كتحاول تبعد شوفاتها عليه: احم موسيو على ما أظن انك درتي حادث حيت لقيت لوطو ديالك خارجة فواحد لعمود مي الحمد الله ما وقعاتش ليك شي حاجة كغاف درنا ليك عملية حيدنا ليك طرف ديال زاجة من جنبك و تفدعتي من ليديك و عندك جروح فوجهك و راسك هدا ما كان ميي سرطات ريقها ملي شافتو شاف فيها شوفة ديال طلقينا دغيا نطقات و هي كتحاول تقوي راسها: من دقة لي خديتي فراس حنا كنعتاقدو ان ممكن تكون عندك مضاعفات متلا تصاب بالأعمى مي الحمد الله كنشوفك قادر تشوف مي خاصنا نشوفو احتمال لاخور لي هو احم قاطعها وهو كيشوف فيها بملامح باردة: نزحف توسع بؤبؤ عينيها و نطقات و هي كتفرك فليديها: احم ماشي بهاد مصطلح مي ايكون عندك مشكيل فرجليك و خاصنا نشوفو هاد إحتمال واش كاين سكتات ملي شافت عينيه حماارو كتر و ليديه مزير عليها شاف فيها بجدية و نطق : ديري خدمتك ألاء اومأت ليه بإيجاب مشات هزات واحد بيل قربات حداه و نطقات بأمر واخا هي باغا تموت بالخوف من لداخل و هاد حاجة لي جديدة فين عمرها خافت من شي مريض و لكن بضبط هو خوف لي محكم فيها معرفاتش منين جاتها لقوة لي كتصرف بيها: نعس هو واخا معجباتوش طريقة باش كدوي ولكن مافيه لي جاوب و على اقل هي ماشي بحال طبيبات لي كيبداو غير يتلاحو عليه و ينافقوه على قبل فلوسو ،بدات كتفحص ليه عينيه تا سمعاتو نطق بجدية و نبرة صوتو بحال الى ماحملش إدوي ...: شحال و أنا ناعس ألاء حيدات لبيل و هزات صنطات و نطقات بجدية: جوج سيمانات لحظات حواجبو لي تعقدو و سمعاتو نطق بسؤال لي تمنات مايسولهاش حيت معرفاتش اش تقول ليه: ماجا عندي حد ألاء دار صنطات على قلبو و نطقات بتوتر: احم جات واحد انسة قالت ختك عيطت ليها نهار لحادث مي من بعد ما بقاتش جات بدات كترعد ملي سمعات قلبو بدا كيضرب بزربة خلعها متكدبش راه ولات كتقفقف و مقدراتش تقول ليه اش سمعات فضلات تبقا شادة فمها عندها تنهدات حيدات ليه ليزار باش تشوف ليه رجليه نطقات و هي كتشوف ليه فرجليه: حركهم نطق بصوت بارد : مقدرتش عينيها توسعو و شافت فيه بان ليها ساهي فرجليه هزاتها ليه و نطقات: و دبا شافتو هز راسو بنفي بقا فيها و حاولات ما تبينش حيت قدرات تلمح انه من نوع لي مكيحملش شفقة نطقات بهدوء : هانت الى حسيتي قولها ليا صافي شافتو ما جوبهاش و بدات كتوك ليه على رجليه و والو ملامح ديالو باردة
يتبع...✏️ مسكين ولا زحاف🥺
Ups! Tento obrázek porušuje naše pokyny k obsahu. Před publikováním ho, prosím, buď odstraň, nebo nahraď jiným.
