التنمر

بارت 7

بسم الله الرحمن الرحيم

لو بيـدي اضـمج مـن وجَـع دنيــاج ؛) ♥️

الـكـتـابـة تــوت
بقلمي انا ( التنمر)

كعدت الصبح ورحت للشغل الكل جان نايم وكملت شغل متأخر ب10
طلعت من الشغل واشتريت لفات كص الي والها واشتريت حلويات الها
وصلت للبيت وعفتهم بالسياره لان اعرف مياسه كاعده
دخلت للبيت واستقبلتني مثل العاده

همام: هلا ميوس

مياسه: هلا حبيبي

همام: وينهم شوو ماكوو احد

مياسه: راحو نامو لان تعبانين طلعنا اليوم وما خلينا مكان ما رحنا عليه كلشش تونسنا

همام: يي عفيه

وراحت نامت
واني مدتت انتضرت تصير ب11 حتى اتأكد الكل نام يلا اطلع
صارت ب11 طلعت كعدت بالحديقه تذكرت الاكل رحت نزلته وانتضرتها
ب12 نزلت واجت كعدت مقابيلي مثل البارحه

تبارك: هلاووو

همام: هلاا بيج اليوم من وكت نازله

تبارك: يي نامو ونزلت شوكت اجيت اشو ما سمعت صوت السياره

همام: ب10 ونص هيج شي

تبارك: اهاا اشوو ما سمعت

همام: ماعرف والله هاج
ومديتلها لفه

تبارك: ماريد متعشيه والله

همام: ادري متعشيه بسس اني ما متعشي وجبتلج ويايه يعني ترديني

تبارك: لا ما اردك جيبها
واخذتها مني وبدت تاكل واني هم بديت اكل وياها

همام: هاا طيبه لو لا

تبارك: كلشش طيبه وحتلو موو طيبه اني اكول عليها طيبه

همام: ليش

تبارك: لان اني اعشق الكص واللفات وهيج كلشش احبه

همام: الفف عافيه

تبارك: الله يعافيك يي شلون جان يومك

همام: عادي مابي شي غير الشغل

تبارك: انت حتضل هيج

همام: شلون يعني

تبارك: يعني يومك كله بالشغل

همام: عادي ماعندي شي احسن من كعدت البيت

تبارك: ومن تزوج شلون

همام: منا لحد ما اتزوج اكون مرتب اموري

تبارك: عبالي حتبقى هيج

همام: لا بويه من اتزوج كل الوقت يصير الها ما مصدك اخذها

تبارك: تحبها

همام: موو بسس احبها اعشقها واعشق كل تفاصيلها

تبارك: مممم