التنمر

بارت 20

بسم الله الرحمن الرحيم

‏في حضنك ، كل الامّان الذي أحتاجه

الـكـتـابـة تــوت
بقلمي انا ( التنمر)

بقيت رافعها وهي معلكه بيه وتبجي شويه شويه بدت تهدء نزلتها وابتعدت عني لزمت وجها بأيدي وهي تباوعلي بعيونها لدوختني

همام: انتي قويه بطوطه
هزت راسها بالرفض

همام: لا لا بطوط هاي ما مقبوله منج اني اعرفج قويه

تبارك: همام اريد اختفي من العالم كله ماريد احد اريد اروح لمكان لوحدي

همام: اششش اششش ماحب اسمع هل حجي منج
برطمت شفايفها وبجت بصوت جريتها لحضني وصرت امسح على ضهرها

همام: كافي بطه كافي بجي تعبت عيونج الحلوه من البجي كافي امي وابويه انتي تعبتيني وياج
رفعت راسها ومسحت دموعها

همام: يلا اوعديني تصيرين قويه وما تسوين شي بنفسج

تبارك: لا تخاف اني جبانه من هل ناحيه

همام: شنو قصدج

تبارك: يعني خاف عبالك انتحر لا تخاف ما اسوي هل شي لان سويته اكثر من مره وفشلت

همام: صدككك تحجيننن

تبارك: يي وشنو يعني

همام: انتي مستوعبه الي دا تحجي

تبارك: يي

همام: لا حول ولاقوة الابالله العلي العظيم روحي نامي بويه روحي لا ابتلي بيج

تبارك: شوووف حتى انت ما تريد ابقى وتريدني اروح

وركض طلعت فوك ما لكحت الزمها ضربت على راسي
والله راح تخبلني هل بنيه ما ترتاح الا تجلطني
دخلت للبيت ونمت كعدت الصبح ورحت للشغل عادي مره اليوم وبالليل سويت ايدها هاي اخر مره اشيل الجلد عاد يبقى بسس دهن لحد ما تصير زينه سويت ايدها وكملتها وهي ما باوعت عليه بسس جانت تبجي وتلوب من ألم ايدها احس وجعها وألمها بكلبي طلعت من يمها ورحت للبستان لحد ساعه 1 ورجعت كعدت بالحوش خابرت صاحبي ابو المحل كتله اريد اشتري كم شغله كال تعال ورحت جبتلها حلويات وجبس حتى اراضيها ما يهون عليه تبقى زعلانه وراسلتها

همام: بطوطه تعاي نزلي جبتلج شي تحبي
شافت الرساله وما ردت مرت 5 دقايق وما ردت ولا نزلت فتحت الجبس وطشرت الحلويات واخذت صوره ودزيتها الها

همام: الج دقيقه اذا ما نزلتي كل هل اشياء تفوتج

تبارك: والله اموتك اصبر لحظه اجيت

عرفتها راح تنزل متكدر تقاوم الاكل اقل الدقيقه ونزلت واجت كعدت يمي بسس مباوعتلي ولا حجت

همام: هيلا يرمانه هيلا يمه
الحلوه زعلانه الحلوه زعلانه
هيلا يمه هيلا يمه
منو الي يراضيهاا
هيلا يمه هيلا يمه
اني اراضيهاا