كاعدة واني اباوع للمطر والرعيد وصوت الأشجار والمطر القوي صافنة على الشارع الفارغ ضلمة بس الإنارة الخافتة فزيت من صفنتي على الموبايل مالتي يعلن عن وصول رسالة
المجهول : " لنا لقاء قريب يا حلوتي 11 :11 "
دز الرسالة وحضرني منو هاذ هففف تعبت واني احاول اكتشف واعرف منو هاذ ذبيت الجهاز وكمت نمت..
كعدت الصبح على صوت امي
نور : ولجج امي اكعدي راح يجي السايق وانتي بعدج نايمة
صحت بيش الساعة ماما
نور "امي" : الساعة بل 6 ونص بعد نص ساعة ويجيج السايق
كمزت من الجرباية رحت عل السريع بدلت وكفت كدام المراية واني اباوع النفسي جنت لابسة قميص ابيض وسدرية نيلية مخصرة على جسمي وبيهة فتحة زغيرة من ورة وحجاب ابيض لافتة بطريقة حلوة وحذاء رياضي دزيت تنهدت واني اتذكر البارحة شنو صار خليت ونزلت
كلت صباح الخير
الكل : صباح النور
ابتسم بابا وكال
حسن : تعاي بابا تعاي اكلي
باوعتلة وكلت لا بابا شبعانة ما اشتهي بل مدرسة اشتري واكل كالت ماما
نور : يا أمي ميصير ترحين للمدرسة بدون اكل استوني اريد اجاوبهة وسمعت صوت الهورن مالت السايق باوعتلهم ودزيت بوسة بل هوة ورحت
صعدت بل سيارة بهدوء لحد ما وصلنة للمدرسة نزلت من السيارة ودخلت للمدرسة كل العادة اليوم خميس ومسوين اصطفاف حجيت وي نفسي اهوو والله مالي خلك المديرة يعني كل العادة لا تخالفون لا تحطون مكياج لا ولا فزيت من صفنتي علا صوت المديرة المزعج
المديرة : شعندج واكفة هنا مترحين توكفين بل الساحة
باوعتلهة وكلت نعم ست رايحة خليت ورحت وكفت بل اصطفاف اخير وحدة مالي خلك ما اعرف شبيه اليوم ضايجة بدون سبب هففف بقت المديرة تحجي وترزل لحد ما ملت وكالت انصرفو خليت ورحنة للصف وبدت الدروس وحدة ورة الخ...
الدرس الخامس عدنة انكليزي وكاعدة المدرسة تشرح اجت العاملة وكالت
العاملة : ست مره خصتج المديرة تريد الطالبة "رنين"
كالت المدرسة وين رنين رفعت ايدي وكلت
رنين : نعم ست اني رنين
كالت روحي ماما شوفي المديرة شتريد كمت ورحت للمكت مالت المديرة الباب جان مسدود واكفين يم الباب اثنين ولد بس يخوفون جانو ضخام وعضلاتهم وطوال بلعت ريكي بخوف واني اشوفهم يباوعولي خليت ونزلت راسي ورحت دكيت الباب اجاني صوت المديرة اتفضل
خليت ودخلت شفت المديرة واكفة ويمهة مدرسات اثنين واكو واحد كاعد عل الكرسي الجبير مالت المدرسة بس مشفت شكلة جان منطيني ضهرة
باوعت للمديرية بخوف وكلت
رنين : نعم ست طلبتيني
المديرة : احم ماما انتي رنين فلاح **
رنين : نعم ست اني
المديرة : ماما رنين عندج شي تحجينة أو تشتكين على فد مدرسة أو طالبة زاعجتج أو عندج امتحان صعب وتردين تعيديه
باوعت للمديرة والمدرسات بتفاجئ اول مرة المديرة تحجي باحترام بس انتبهت عليهة تحجي بخوف وارتباك وهية تباوع للولد الي لسى ما عرفت منو حمحت وكلت
رنين : لا ست ما عندي اي شي اصلا الطالبات والمدرسات كلهن حبابات كلت "بكلبي" والله انتة أكبر خبيثات وحياية كالت
المديرة : بارك الله بيج ابنيتي رنين
ابتسمتلهة مجاملة وكلت
رنين : ست عادي اروح عندي درس
المديرة كالت نعم ماما روحي رحت اريد اطلع لاكن وكفني صوت خشن وبي بحة تخوف.....
القصة حقيقية بقلمي.. مريم فلاح
شنو تتوقعون راح تشوفة؟؟
راح تعرف منو هوة؟؟
انتضرو البارت الثاني نعرف سوة
احبكم.. 😩😪🖤
YOU ARE READING
11:11 ليالي الذيب
Mystery / Thrillerماذا عن فتاة تحكمهة العادات والتقاليد من ثم ياتيهة الي يعوضهة لاكن ... يساعدهة من حيث لا تعلم... الرواية حقيقية متكونة عن غموض.. خوف... ارتباك... 11:11 أن الله معنا لا تيأس....
