11:11 ليالي الذيب

Part"6"

كاعدة تايهة ما اعرف شبيه او وين اني وجع راسي وافكاريي الي ما الهن حل احس شي يخنكني ليش شنو الي سويتو وهيج بابا ما خلاني احجي بابا طول عمره يحبنة وما يجبرنة على شي وحريص علينة كلشش دائما يكول اني عندي اعمل بيجن تكبرن وتصيرن ناجحات والجن سمعتجن بابا الي يخاف علينة من كلشي هسة بيده طردني شمرني بل شارع خلاني وي رجال ما اعرفه ولا شايفته غير مره وحدة

تنهدت بصعوبة احس راسي ياذيني وجع مو طبيعي انفتح الباب ودخل الذيب وياه أبنية كالت

_ شلون صرتي

رنين : راسي راح اموت احس مثل الواحد يجر بشعري بقوة

_ عادي حبيبتي طبيعي لان بل كوة طلعنة الكزاز الناعم من راسج

رنين : كزاز

ما ردت عليه سكتت واجت عدلت المغذي واتحمدتلي بل السلامة وراحت اجى الذيب جر الكرسي وكعد كبالي وكال

الذيب : شلونهة جحيمي

رنين : شصار ليش هيج سوه بية

همس باستهزاء ومرسومة على شفايفة ابتسامت نصر

الذيب : بكل بصراحه راويتهم صورنة اني وياج وكتلهم عدنة علاقة واحد يحب الثاني

باوعتلة بصدمة احس مثل الواحد ذب شي حار عليه يعني جذاب جذب عليهم وبابا صدكة ما حاول يسمعني لو علا الأقل يفهم الكلام مني ليش حكم من وحده باوعتله وحجيت بضعف

رنين : ليش سويت هيج واني ما اعرفك

الذيب : بعدج ما شايفة شي بعدج

حجة هيج وكام طلع صفنت بل فراغ ليش هيج يصير وياي ما يوم سويت شي غلط همست بضعف وتوسل

رنين : ربي عبدك مضلوم اريد حقي اني بأيدي آخذة تمام ذيب نشوف اني لو انتة

بقيت كاعدة لحد ما اجة وخر المغذي بدون ما يحجي كمت اول ما وكفت دخت رجعت كعدت على الحافة مال الجرباية لحد ما راحت الدوخة طلعت من الغرفة باوعت مو بيت شقة جانت بيهة غرفتين وصالة ومطبخ وحمام رحت للحمام غسلت ورجعت للغرفة دورت علا ملابس لكيت تراكات هواي ملابس اخذت ملابس بدلت وطلعت لكيتة كاعد بل صالة على القنفة وكدامة أوراق وحاسبة رفع راسة باوعلي ورجع دنك حجيت اني

رنين : جوعانة

الذيب : الثلاجة متروسة اكل وروحي اكلي

رنين : ما بيه حيل اسوي اكل

الذيب : يطبج مرض

رنين : شكد حقير ومستفز

الذيب : لسانج

رنين : شبيه لساني زيي العسل

رفع راسة وباوعلي بنضرات مقززة وكال

الذيب : ابوسه للسانج

رنين : عيع شكد سخيف

سكت ما حجة رحت كعدت يمه باوعت على الأوراق كلة كتابة انكليزي كلت