اجاني صوت خشن وبي بحة تخوف كال متاكدة من كلامج
رنين : درت وجهي وباوعتلة بعدة منطيني ضهرة مشفت وجهة كتلة
رنين : ايي متاكدة
كال خوش وهسة اطلعي هزيت ايدي باستهزاء وخليت وطلع واني ادردم والله يا الله ابكيفهم تعايي واطلعي رحت للصف لحد ما خلصنة وصارت الحلة طلعنة باوعت على الشارع شو السايق ماكو بقيت واكفة انتضر السايق اني والبنات انتبهت على البنات يتبسبسن وياشرن درت وجهي علمود اشوف علا شنو يحجن باوعت سيارة عالية سودة مضللة وطالعة ايد رجال من الجام جان أيدى مطلعهة من الجام وخال بين اصابعة جكارة هسة البنات شافن منة وكتلن روحهن عليه هية بس ايدة طالعة خليت ودرت وجهي منة
اجت أبنية جانت ويانة بل سايق هايي الأبنية دائما هادئة ومتحجي ترد علا كد السوال كالت بنات السايق السيارة مالتة عطلانة اباوع عل البنات بقن يحجن ويدردمن الأبنية خلت وراح ركضت وراهة كلتلهة
رنين : اكلجج
دارت وجهة علية وكالت اتفضلي
رنين: راح ترحين لبيتكم مشي
كالت ايي بيتنة قريب شويي كتلهة
رنين : حتة اني بيتنة قريب عاديي اروح وياج
ابتسمت الأبنية بهدوء وكالت عاديي
بقينة نمشي ونسولف جانت تحجي بهدوء كتلهة
رنين : بل مناسبة اني اسمي رنين وانتي كالت اسمي مريم
رنين : أمم حلو اسمج
مريم : ابتسمت بهدوء
رنين : بقينة نمشي ونسولف كلش ارتاحيتلهة حبابة جايي نمشي كالت
مريم : اكلج اكو سيارة سودة تمشي ورانة
رنين : درت وجهي فعلا جانت سيارة تمشي ورانة انتبهت عليهة نفس السيارة الي جانت واكف يم المدرسة باوعت لمريم وكتلهة
رنين : عزززه مريم نفس السيارة الي جانت واكفة يم المدرسة كالت بخوف
مريم : ايي انتبهت عليهة بس
بعدهي ما مكملة كلامهة والسيارة مشت من يمنة بقوة بحيث وكعنة اني ومريم بلكاع عاطت مريم بوجع باوعت عل سيارة صارت كبالنة رحت علا مريم كومتهة جانت متاذية كلش كومتهة وكتلهة
رنين : عززه مريم شو باوعيلي باوعتلي وانجرحت من يم كصتهة وتجريي دم طلعت اكلنس من الجنة وخليتهة على الجرح كالت
مريم : عاديي مصار شي مجرد جرح
رنين : بس لو اعرف ابن الاوادم شيريد يمشي ورانة
مريم : يجوز مو ورانة يمشي يمكن طريقة نفس اتجاه طريقنة
رنين : ولجج يا نفس الاتجاه شوفي وكف السيارة
مريم : اكلج رنو شوفي بديت اخاف حتة الفرع الي احنة بيه فارغ ومبيه ناس خلي انروح احسن
رنين : ايي كومي خلي انروح بس اوكفي أول خلي اروح أتعارك وياه
مريم : عزه تردين تسوين مشكلة اكعدي خلي يولي
رنين : ولجج بس أتعارك واجي علمود مرة الثانية يمشي عدل
مريم : جريتهة من ايدهة وهية تريد تروح تتعارك وياه كتلهة ولجج رنين اكعدي إذا كتلة هسة وشمرنة محد يدري بينة
رنين : خلينة ورحنة واني ادردم عليه ابن الحلوة ما يعرف يمشي عدل إذا ما تعرف تسوق شكو صاعد سيارة ولو هوة انتة مو صوجك صوج المطي الي انطاك سيارة وهايي مريم الفاهية ما تريد تسوي مشاكل
مريم : اباوع على رنين تمشي وتدردم واني بلكوة لأزمة ضحكتي عبرنة من يم السيارة وهوة بعده واكف كالت رنين
رنين : عليج الله مريم خلي نفلش الجام بل طابوك ونشرد
مريم : طاح حضي شمالج زعطوطة
رنين : حبابة شبيج بس نفلشهة ونركض
مريم : ضحكت وكتلهة يلا
رنين : رحنة اخذنة كل وحدة طابوكة باوعتلي مريم وإني باوعتلهة كتلهة
رنين : 1 2 3 شمرنة الطابوك واجن بل جامة الي كدام شمرناهن وركضنة لحد ما طلعنة عل الشارع العام واحنة نلهث من الركض باوعتلي مريم وكالت
مريم : خرب يومج امشي خلي نروح للبيت لا يلحكنة
رنين : بقينة نمشي ونباوع ورانة خاف يلحكنة لحد ما وصلنة جانت مريم بيتهم قريب علينة بيناتنة فرع واحد سلمت عليهة ورحت للبيت دخلت ولكيتهم كاعدرين حجيت
رنين : سلام عليكم
الكل : وعليكم السلام
باوعيلي بابا وكال
حسن : شبيهن ملابسج كلهن تراب باوعت علا ملابسي وباوعت لبابا كتلة
رنين : السايق السيارة مالتة عطلانة واجيت مشي اني وصديقتي واجت.... وسولفتلة كلشي بس ما كتلة على مود الجام من فلشناهة كال بابا
حسن : يلا بابا همزين مصارلج شي روحي بدلي واكلي
رنين : صعدت فوك للغرفة دخلت سبحت وبدلت ونزلت اكل صبيت اكل وكعدت اكل كملت ورحت كعدت يمهم بل استقبال كال بابا بل ليل نروح لبيت جدكم حجيت بسرعة
رنين : والله اني ما اكدر اروح عندي هواي امتحانات وتحاضير كال بابا
حسن : عاديي من نرجع ادرسي باوعتلة وحجيت بكلبي والله همة شكد غثة ماعدهم غير سالفة الزواج اهوو انوب عماتي موجودات علمود يصير الخبث بفلس والله لي يحاجيني ما اسكتلة حتة لو يكولون صلفة خليت وكمت لغرفتي ادرس....
شنو راح يصير من تروح لبيت جدهة؟؟؟
تتوقعون ليش تكره بيت جدهة؟؟
الرواية حقيقية بقلمي انا مريم فلاح...
لا تنسون التصويت والتعليق علقو بل فقرات
احبكم...
YOU ARE READING
11:11 ليالي الذيب
Mystery / Thrillerماذا عن فتاة تحكمهة العادات والتقاليد من ثم ياتيهة الي يعوضهة لاكن ... يساعدهة من حيث لا تعلم... الرواية حقيقية متكونة عن غموض.. خوف... ارتباك... 11:11 أن الله معنا لا تيأس....
