11:11 ليالي الذيب

Part"3"

يكول.....

ضاعن درابين العمر
ما ندري نمشي
بيا درب
چا ليش
من دون الخلگ
عشنا ويا
أهلنا غرب..!!

يلا تعالوو نبديي بل بارت لا تنسون تصوتون..

______________________

كملت دراسة بعد ساعتين متواصلة احس انكسر ضهريي من كد ما جنت مدنكة رفعت راسي باوعت على الساعة بل 7 المغرب كمت شلت الكتب ورحت اصلي كاعدة اصلي نزلت ادموعي واني اتذكر بيوم

تعالو نرجع للماضي..

جنت كاعدة ادرس وسمعت صياح كمزت ونزلت اركض لكيت عمامي وجدو والنسوان والولد يصيحون فتحت عيوني على وسعهن من سمعت جدو كال...

كامل "جدو" : ولك حسن تكسر كلمتي رضيت ول ما رضيت بتك رنين تزوج ابن عمهة وغصبن عليك وعليهة

حسن : شنو بوية تدريي اني ما اجبر بناتي على شي ولو مو ابن عمهة ما تزوجة اذا هية ما موافقة

كامل : واحنة يمتة ناخذ رأيي الابنية موافقة ما موافقة غصبن عليهة تزوج ابن عمهة

شنوو ازوج وغصبن علية ههه اكيد يشاقون كل عمريي 15 طفلة بقيت اباوع لهم واني مصدومة ودموعي تنزل عمتي انتبهت علية وحجت بخبث ومكر

سحر "عمتي" : شرفت ست الحسن

من كالت هيج اتوجهت الانضار علية باوعلي جدو وخزرني وكال

كامل : تعايي اكعدي هنا اريد احاجيج

رحت امشي ببطئ كعدت كبالة حجة جدو بثقة وجدية

كامل : شوفي اني حجزتج لابن عمج وبس تكملين دراسة يعقد عليج

باوعتلة واني ما مصدكة الي يحجيه درت وجهي لبابا لي يباوعلي بنضرات وكانو يكلي لا تخافين اني وياج  رجعت باوعت لجدو وحجيت ببرود وثقة واستهزاء

رنين : والله لا ازوج ولا هم يحزنون اول شي عمريي 15 ثاني شي محد يجبرني على شي ما طول بابا عايش وموجود وثالث شي والأهم لا تدخل بحياتي وهاا تدري بيه لا أخاف ولا استحي

ما احس آلة راجدي على خدي حطيت ايدي على خدي باوعت ابن عمي الي ضربني راجدي وصاح بصوت عالي

مصطفى : ادبسززز تحجين هيج وي جدج وتصيحين بوجهة

رفعت ايدي ورجعلة الراجدي كلهم بقو يباوعون بصدمة رفعت ايدي وحجيت بحدة وعصبية

رنين : هل مرة ضربتني المره الثانية تعرف شنو اسوي

ما احس آلة واحد جرني من معصم ايدي باوعتلة جدو ضربني راجديي وبقية يصيح ويضرب بيه

كامل : ولجج ادبسززز تمدين ايدج علا ابن عمج والله اذا ما خليتة يعقد عليج ويكسر راسج

اجة بابا سحبني من ايد جدو وصاح بصوت عالي

حسن : ما عاش الي يجبر بناتي على شي واني موجود وانتة مصطفى مرة ثانية اذا مديت ايدك عليهة اكسرهة الك وهسة اطلع بره

نرجع للحاضر ...

فزيت علا صوت امي وهية تصيحني على العشة مسحت دموعي وكملت صلاة ونزلت بقيت ارتب العشة وي ماما كعدنة ناكل كال بابا

حسن : رنين من نروح لبيت جدج لا تمدين لسانج ولا تردين عليهم اذا حاجوج وابن عمج لا تحتكين بيه

رنين : انشالله بابا

حجيت بكلبي والله اذا ما طينت عيشتهم فلا اطلع رنين كملت عشة وبقت زهراء اختي تغسل اماعين
صعدت فوك طلعت بنطرون جينز اسود وياه قميص ابيض طويل وحذاء رياضي وشال اسود  بدلت وحطيت مكياج خفيف بقيت اكص صور لحد ما صاح علينة بابا نزلت لكيتهم مكملين طلعنة بسيارة بابا لحد ما وصلنة لبيت جدو نزلنة دكينة الباب طلع زياد ابن عمو سلم علينة ودخلنة باوعت بتفاجئ عمامي وعماتي كلهم موجود بقو يسلمون خليت وكعدت باوعت علا عماتي يباوعلي من فوك ليجوة حجت عمتي

سحر : ايي رنين كبرانة وصايرة مرة

رفعت حاجبي وكلت

رنين : ايي فديتني صايرة اخبل

لوت حلكهة بحركة معاجبهة وكالت بخبث

سحر : ايي صايرة حق زواج

كتلهة بغرور واستهزاء

رنين : ايي البارحة اجاني مهندس ومقبلت بيه تدرين اريد اكمل ادراسة

باوعتلي بعصبية حجة بابا وهوة وجهة احمر كاتم ضحكتة

حسن : ايي وقبلهة بيومين اجاهة دكتور وهم ما قبلت بتي تريد تكمل دراسة قابل مثل غيرهة

حجة جدو بعصبية

كامل : هية تكمل السادس وتبطل

كال هيج واني طكيتهة بضحكة بصوت عالي وهمة يباوعولي بتفاجئ كلت باستهزاء

رنين : لا جدو حبيبي قصدك اكمل واتخرج وارفع راس اهلي واتزوج على ذوقي

كامل : ما عدنة بنات يكملن دراسة ويتزوجن على ذوقهن

رنين : لا لا هايي القوانين ما تمشي علية اني اكمل دراسة واتخرج وبابا موافق اذا تريد هذن بنات عمي ومشيهن على قوانينك

كامل : حسن بتك تحجي هيج وي جدهة وانتة ساكت

حسن : بتي ما كالت شي غلط

رنين : اباوع لجدو وجهة صار احمر من العصبية وخازرني وعمامي ما قابلين علا حجي بابا بثينة كاعدين لحد الساعة بل 10 ونص رجعة للبيت ردت اصعد لغرفتي وكفني صوت بابا

حسن : رنين بابا اني ما حاجيتج مساع كدام بيت جدج بابا عيب تحجين هيج وي الأكبر منج حتة لو ميحبج ويكرهج بس كلشي والة احترامة

رنين : اسفة بابا متنعاد بس همة غثة ضحك وكال

حسن : روحي بابا روحي ما يفيد وياج الكلام

رنين : ضحكت وصعدت لغرفتي بدلت وطفيت الضوة وجبت السماعات والتليفون دخلت على الانستا هواي رسايل دخلت على واحد مراسلني من حساب وهمي وانصدمت من شفت داز.......

لهنا ويخلص البارت

تتوقعون شنو شافت؟؟؟

لا تنسون التصويت والتعليق..

احبكم.. 😪🖤.