طلعت من الإدارة واني مصدومة تلكتني المديرة اجت خزرتي وكالت
_ شنو سوالج
رنين : ما سوة شي
عفتهة ورحت للصف كعدت بمكاني واني كلساع اصفن ومريم تسئلني وما اجاوبهة لحد ما صارت حلة طلعت من المدرسة بقينة واكفين ننتضر السايق اجت مريم وكالت
مريم : شبيج رنين من رحت لإدارة وانتي مو علا بعضج
رنين : ما بيه شي
مريم : تمام ولج شوفي البنات راح يكتلن روحهن على ذاك
باوعت بل اتجاه الي اتئشر عليه لكيت نفس السيارة بس فاتح الجام ويدخن ويباوع علينة اني ومريم صفنت عليه جان شكلة عادي بشرتة حنطاوية وعيونة سود وشعره اسود وجهة صافيي فزيت من صفنتي على صوت مريم
مريم : ولجج هايي مو نفس السيارة مالت البارحة
رنين : ايي نفسهة
مريم : انوب يباوعلنة اكلج خاف يسويلنة شي لان كسرنة الجام مالت السيارة
رنين : لا ما اعتقد
سكتت واني هم سكتت اجة السايق رحنة صعدنة لحد موصلنة للبيت دخلت سمعت صوت صياح دخلت من الاستقبال واشوف بيت جدو كلهم موجودين وابوي أعصاب ويصيح شافني جدو وكال
كامل "الجد" : تعاي يبنت حسن تعاي
باوعتلهم وكتفت ايدي لصدري وحجيت
رنين : شنو هم مسرحية جديدة
حسن : روحي بوية بدلي
كامل : ايي روحي بدلي وتعاي علمود انجيب السيد ويعقد لكم انتي وابن عمج بدون عرس
رنين : هلااااا لا والله خاف ما تقبل شوفو لهنا وبس ترة خلص صبريي منكم والقران الكريم اذا ما طلعت منا بكرامتكم اشتكي عليكم يم الشرطة وتدرون بية اسويه وما اخاف
كامل : ولجج ادبسزز تهددين جدج
رنين : هوة انتة هم حاسب روحك جد يمعود فك عني مو بزعتهة لروحي
كامل : هين يبنت حسن اذا ما كسرت راسج ما يطلع اسمي كامل
رنين : انشالله وعود ذكرني من تكسر راسي
خلو وطلعو صعدت فوك للغرفة بدون ما اسمع رد اهلي جدو ما بعمرة حسينة انو عدنة جد كل عمره يجبر بنات عمي يتزوجن وعمامي شنو يكول يكلولة ايي
دخلت الحمام سبحت وطلعت لكيت زهراء اختي كاعدة باوعتلي وكالت
زهراء : ولجج تعايي سمعي هاذة جدج شنو يكول لبوج
رنين : شنو شبيه شيكول
زهراء : يكلة اكسر راسهن وزوجهن البنات ما يجيبن غير العارر
رنين : والله انتة العار بحد ذاتة
زهراء : ايكول لبابا اذا بقيتهن يداومن وما زوجتهن راح ينزلن راسك ويخربن سمعتك
YOU ARE READING
11:11 ليالي الذيب
Mystery / Thrillerماذا عن فتاة تحكمهة العادات والتقاليد من ثم ياتيهة الي يعوضهة لاكن ... يساعدهة من حيث لا تعلم... الرواية حقيقية متكونة عن غموض.. خوف... ارتباك... 11:11 أن الله معنا لا تيأس....
