الجميلة والوحش

الجميلة والوحش 7

#الجميلة_والوحش
الحلقة 7

دق الباب جلال
قيس اهلا بجلال
جلال اهلين بالعريس والبروفيسور قيس بيك
قيس هههههههههه بيك هذي منين جايبها
جلال من المسلسلات التركية تقوله فكري بيك في مسلسل نور 😂
قيس أنا التلفزيون مانعرفش حتى أخر مرة تفرجت عليه مش نعرف فكري بيك متاعك هذي
جلال هذا العشاء سلام أمي عالعروسة
قيس باهي اقلب وجهك
جلال الحق ماهو فيك كان نندري عليك بتفوتني بعد ماتتزوج وتبيعني ماكنت وافقت أمي على زواجتك وفركستهلك
قيس أحلم بعيد عليه

قيس عطاها العشاها وهي حطاته وتعشوا
ليلى نضنا توا والنوم طار
قيس ايه صح مع أني مش متعود عالرقاد في العشية بس سايرتك
ليلى ضحكت وليش تساير فيا وأنت مش متعود عليه
قيس ليش أنتي كنتي ترقدي في أي وقت
ليلى في أي وقت وأي مكان بالأخص لما نكسد ماعندي ماندير خوتي يتفرجوا عالتلفزيون وأنا نقعد حالة استماع بس نمل ونمشي نرقد كنت أمتى مانحط راسي نرقد حتى لو كنت كيف نايضة
قيس وباهي توا خيره هارب النوم
ليلى ابتسمت شكله من فرحتي بيك
قيس بادلها الابتسامة ربي مايحرمك من هالفرحة
ليلى آمين  ... باهي قولي وأنت وين تقضي أوقات فراغك
قيس أنا بصراحة طول الوقت متفرغ وقتي في المكتبة بين الكتب
ليلى حلمي نشد كتاب نقراه نعرف محتواه أو نفتح تلفزيون ونشوف شن فيه بالصورة وبالصوت
قيس ان شاء الله يجيك هاليوم والديري ماتبي
ليلى ان شاء الله هيا أنا بنركب بنحاول نرقد وأنت شن بالدير
قيس ليا يومين ماقريتش نقرا شوي ونلحقك
ليلى تمام
قيس قعد يتأمل فيها وهي ماشية

في الصباح اليوم التالي
نزل القي فطوره واتي ومقعمزة تستنى فيه
قيس صباح الخير
ليلى صباح النور
قيس شن النشاط هذا عالصبح بكري
ليلى أنا متعودة كل يوم النوض في الوقت هذا
قيس ليش شن وراك أنتي
ليلى أوامر مرت بوي
قيس يعني مرة تانية عادي مش مضطرة تنوضي بكري عادي ارقدي
ليلى كنت في الأول النوض غصب عني ومش عاجبني بس بعدها تعودت لأني ماكنتش ندير فيه لغريب لخوتي واليوم كذلك مانديرش فيه لغريب لزوجي صح
قيس ابتسم أكيد صح بس مانبيش نتعبك
ليلى تعبك راحة هيا افطر
قيس قعمز حاضر

فطر وناض ليلى كملي ونادي عليه بنوريلك مكان حلو أكيد حيعجبك
ليلى بما أنه أنت لمدايره أكيد حلو
قيس ابتسم ايه أنا
ليلى خلاص نكمل والناديك ترفعني

نضال يدق على أمه يبيها توتيله الفطور عشان بيمشي لخدمته
نعيمة نايضة من الصبح تطنفر قبل ياحنة تنوض وتلقى الفطور واتي وتوا بعد ماعطتها حست بالمسؤولية لكانت شادتها عليها

بعد قريب نص ساعة جابته صفرة فيها دحيتين مقليات وبراد شاهي وطاسة
نضال شبح للصفرة وشبح لأمه هذا شنو
نعيمة هذا فطور شن ماتشوفش فيه
نضال صمتها في كبيدته وبدي ياكل
نعيمة لمش عاجبك هذا أول مرة وآخر مرة تنوضني ندير فطور دير بروحك شن ماتعرفش تحرك دحيتين وتحدفهن في الطاجين
نضال دف الصفرة ماعاد نبي
نعيمة بالك خدامتك قاعدة تحرك حولها للمطبخ واغسلهن
نضال ربي يجيبك ياطولة البال رفعهن معاه وغسلهن والمطبخ مقلوب فوقي لوطي من اماعين فطوره أصبح في ماعين عشاء البارح
غسلهن كلهن ... اه ياليلى وينك وين سيبتيني بس 💔🥺
نعيمة زيد اندب عليها أنت قاعد ماريت شي على أساس هي مدوراتك حتى الاتصال ماتصلت ولادورت
نضال هي من يومها ماعندهاش تلفون توا بتجي بتكلمك ولا وأنت ومتأكد مية في المية أنتي لغصبتيها عالزواج
نعيمة بالك مش عاجبك تبيها أربعة وعشرين ساعة في خليقتي حلقة هدي

ليلى طلعت من المطبخ ... قيس قيس وينك
قيس اهو أنا هنا
ليلى ابتسمت وين رافعني
قيس رافعك لمكانك يشبهك تماما
ليلى هو في مكان يشبهني
قيس لا طبعا أنت وحدة فريدة من نوعها ماعندهاش بديل

رفعها لحديقته متاع الورد
ليلى نحن وين نشم في ريحة ورد
قيس هذا مكاني الخاص نهتم بيهم كأنهم أولادي هيا تفضلي برجلك اليمين وتعرفي عليهم
ليلى قعدت تمس فيهم وتشم ... مع أني مازبطش شكلهم لكن الباين حلوات والحديقة أكيدة حلوة
قيس تعالي معاي
في نهاية الحديقة في طاولة وكراسي قعمزوا عليهن
ليلى هذا المكان يشبه لحفلة الشاي في القصص
قيس وأنتي وين شفتيهم
ليلى نسمع فيهم في الراديو يوصفوا في الحديقة وطاولة الشاي
قيس استني شوي وجاي
مشي للمطبخ وسخن الشاهي وحطه في براد وفناجين زي لفي حفلة الشاي ومعاه بسكويت وحطهم في صفرة ورفعهم .... تررررررررا وهذا الشاي لحفلة الشاي لأحلى ليلى بالكون
ليلى هههههههههه لا مش مصدقة مشيت على خاطر الشاي
قيس مدلها الفنجان مش حنخلي شي في خاطرك اطلبي وتمني
ليلى خداته منه ربي يخليك ليا

في عز انسجامهم اندق الباب
ليلى تستنى في حد يجي
قيس أكيدة جلال
ليلى امالا امشي شوفه وأنا بنخش
قيس تعرفي الطريق
ليلى أكيدة عرفتهم وكان ماعرفتهاش النادي عليك
قيس تمام
مشي قيس فتح الباب القاها مرأة ... تفضلي من أنتي
نعيمة أنا نعيمة مرت بو ليلى
قيس اها تفضلي تفضلي وحول من عالباب دخلها للصالة وطلع ينادي على ليلى
القاها كيف خاشة للمطبخ ...من جي
قيس هذي مرت بوك جاية
ليلى مرت بوي أكيدة جاية تشوف وين عايشة مش غريبة عليه ... طلعت سلمت عليها
نعيمة مبارك عليك وقعدت تشوف في الحوش وعيونها نار حقد وحسد وغيره وغيراته يعني هي بعد هالسنين مادارت حتى ربعه وهي عايشة في حوش سياح نياح
ليلى تفضلي خالتي قعمزي
نعيمة اهو قعمزت
ليلى مشت الطيبلها في القهوة
وانتهزت نعيمة الفرصة حتى تشوف شن مازال فيه الحوش طلعت وركبت فوق كان فيه دارين نوم ودار مسكرة حاولت تفتحها كان مابتش تنفتح

راكب قيس من فوق القاها واقفة عالدار لهي مكتبة قيس ... تفضلي خالتي ناسية حاجة
نعيمة وجهه ألوان ندور عالحمام قلت بالك نلقاه هنا
قيس كلمتي ليلى كانت دلاتك
نعيمة هههههههههه بناخد بدلالة وحدة عمياء ترفعني حتى للمريخ في جرتها
قيس لف ومش عاجبه الكلام وهو نازل الحمام تحت بجنب المطبخ
نعيمة تو معقولة الحوش هذا كله لوجه الفقر سندريلا على قولت شجن وووووووه عليه شن بيرقدني تو
وهي نازلة مع الدروج
ليلى خالتي وينك
نعيمة اهو جيت رحت في حوشك كبير ماعاد لقيت الحمام
ليلى اها لقيتيه
نعيمة ايه القيته مادوريش
ليلى باهي تعالي ياخالتي بتشربي قهوة
نعيمة هيا هي جيتك

ليلى خالتي خيرك ماجبتيش شجن ومراد
نعيمة في القراية وين بنجيبهم
ليلى ايه صح
نعيمة هيا توا بنروح مع السلامة
ليلى سلميلي عليهم
نعيمة تلوي في فمها امباهي وطلعت
قيس كان مع جلال في الملحق مقعمزين قدامه
جلال من هي هذي لكانت عندكم أول مرة نشوفها
قيس هذي مرت بوها لليلى
جلال اها باهي خيرها تشوف هكي
قيس وين نندري عليها
.
.
.
يتبع المزيد