الجميلة والوحش

الجميلة والوحش 26

#الجميلة_والوحش
الحلقة 26

جلال: بعد شني قد يأتيكم يوما لا ينفع الندم خلاص ماعاد ينفع بنفس مكانك توا كانت أمي تمشيلك وتترجاك عشان ماتضربهاش تترجاك عشان تشريلي حوايج المدرسة بس أنت لو الضرب تضرب ولو فلوس ترميلنا قرشين كأنك تصدق فيهن عليهن هذا كله بتتحاسب عليه كل راع ٍ مسؤول عن رعيته وأنت وين رعيتك راميهم مش حاسبهم بني آدمية مرتك هي البني آدمة أنا كنت كل عيد فرحان بنمشي نراجي فيك بنعيد عليك نسمع في ضحك والعيديات لتعطي فيهم صغارك وأنا شن نتلقى كان الدموع والصدمات أنا قلبي ماعاد نتحمل لو توا مانجنيتش ماعاد ننجن لهنا اكتفيت وأنت كفيت ووفيت بمعاملتك لينا تبي فلوس بالدير عملية كنت أول من يعطي ويجري بيك طبك نسيبك لتحلف براسه كنت أول من اتصل عشان يطلعوك وأنا مش متجمل عليك ومانبي منك شي إلا إنك تسيبنا في حالنا نبي نعيش أنا وأمي مافيش حد ثالث الحوش تهنى فيه أنت ومرتك حتى الزواج ماعاد متزوج تريح إذا كان بوي مش معبرني كبرت أو ماكبرتش وصلت سن زواج وفتت بنيت أو مابنيتش هوينا صغارك عرم ويعدله بصوابعه كبرهم وابنيلهم وعرسهم على أقل من مهلك وخش وقربع الباب وقعد يبكي بحرقة وقهر

وكانت كل كلمة يقولها تنزل زي السم على قلب رمضان تمنى يموت ولا يسمع هالكلام هو وين كان غايب عن الدنيا وين من هذا كله معقوله قلبه مارافش على ولده حتى مرة طلع ويبكي هو الثاني بحيل مهدود

وفاطمة: كانت دموع ينزلوا على كل كلمة قالها جلال لبوه تدكر في حالاتها زمان ومعناتها مع ولدها وكيف يروح يبكي من بوه ومع هذا قلبها مش راضي في الكلام هذا لرمضان الواحد شن بيدير لهالقلب الأحرف مايدق كان للشخص الغلط للشخص لخلانا مدلولين في جرته ربي يسامحه وخلاص عمي رمضان

عامر: اتصل بقيس اهلا يابرو
قيس: طمني شن صار
عامر: الأمور لوز عمي رمضان في حوشه هوينا
قيس: بارك الله فيك ماعرفتش من لمبلغ عليه
عامر: للأسف الشديد زوجته وخوها
قيس: لا حول ولاقوة إلا بالله وين خوها
عامر: قاعد عندي شديته ماتاكش هم كله إلا ليوصل في أصحابي نهتم بيه بنفسي
قيس: أسلمت تامة هيا مانعطلش عليك أي استحداثات قولي
عامر: تم السلام عليك
قيس: وعليك السلام

ليلى: شن صار
قيس: اهتم بموضوعه عامر وروح عمي رمضان
ليلى: باهي الحمدلله قيس أنا نبي نروح قلقت هنا
قيس: والعملية وين
ليلى: ماعاد نبي
قيس: كان نروح ماعاد نقدر نرجع لأنه واخد إجازة حاليا مانقدرش ناخد مرة ثانية
ليلى: باهي كساد

خيرية: أم سعاد مرت رمضان ... تهنيتي توا هوينا خوك شدوه في جرايرك
سعاد: بالله أمي اسكتي هوينا هو طلقني وطلع ولا كأنه
خيرية بالك تبيه يصفقلك امالا وحدة شاكية فيه هي وخوها مازال نديرها مرأة أنا
سعاد: حتى أنتي جاية معاه هذا بدل ماتجي مع بنتك
خيرية: أنا نجي مع الحق أنتي الغالطة وتستاهلي ومفروض أنتي لنحبستي مش هو هذا خلي البلاوي لمازال ماسمعش بيهن والله أنا ماني راضية عليك ولا ينفعك رضي
سعاد: مايهمنيش رمضان وخديته
خيرية: ههههههه شن هو لخديتيه وينه طار
سعاد: تو نجيبه
خيرية: شن بتجيبيه هو طلقك بالثلاثة مازال فيها جيبان خلاص سلامتك توا سحرك لساحرتيه بيه دكيه في الحيط
سعاد: تو نمشيلها هالسحارة الكلبة كيف يطلقني كيف وتغير عليه الفترة الأخيرة لعند طفش

لبست عبايتها ياحنة ومشت للسحارة
سعاد :خشت معقولة هكي نطلق مش على اساس قاعد تحتي مايقدر يقول ااااا
السحارة: عارفة أنك كل سنة تجي وتعاودي السحر وتوا أنتي لعطلتي وبطل السحر
سعاد: شن ندير توا يانهاري الأسود
السحارة: ماعاد عندي مانديرلك خلاص السحر بطل وأنتي الطلقتي
سعاد: والله لما ندمكم
السحارة: ماتنسيش شن ممكن ندير فيك خلي تهديداتك لعمرك توا وراي ناس وسكرت في وجهه

سعاد :الدق افتحي الباب افتحي دبريلي نخرب حوشي يانهاري الأحرف خليت صغاري وحوشي لهديكا الهيدوقة
جت الشرطة فيه واحد مخبر عليهم أنهم جماعة السحر والأيام السود وجت عمتك سعاد: بتهرب شدوها هي ولمعاها والسحارة ورفعوهم للمركز
(مابني على باطل فهو باطل )
شالوهم للمركز

عامر: خش على معاد
معاد: أنت كيف تسمح لنفسك تحبسني هنا
عامر: وأنتي تسمح لنفسك تحبس عمي رمضان
معاد: أنت شن دخلك بيه المشكلة بيني وبينه
عامر: مشكلته هي مشكلتي وأنا شاد عليك كدا حاجة مش غير هكي بس تهريب سلاح خنبة من المخزن ومازال بنعد أنت وجماعتك
معاد: أنت شن تقول خنبة شني
عامر: فتح تلفونه وراله فيديو هذا أنت صح
معاد: عمر الخاين
عامر: أنت الخاين مش هو ناض طلع
القي جايبين الناس لكانيين عند السحارة والسحارة
عمر جابله قائمة الأسماء يقرا فيهم لعند وصل في اسم سعاد ### ... هذي سعاد مش نفس اسم معاد
عمر :ايه صح الباين انه أخته
عامر: شكله عيلة وخالها ميلاد خدي تلفونه واتصل بجلال ... الو جلال كيف الحال
جلال: تمام
عامر: قولي هذي مرت بوك شن اسمها
جلال: تي مش تقربلك شن تبي فيها
عامر: تقربلي شن ياراجل كان تحسابها بنت بنت مش عارفة مني من بعيد نعرفها
جلال: اسمها سعاد ###
عامر: جلال نبيك توا تمشي تجيب بوك وتجيني للمركز وماترفضش لعند تجي وتفهم
جلال: بدون نية باهي جاي
عامر مع بوك
جلال: قلنا باهي

مشي جلال بيب على عمكم رمضان
طلع: رمضان القي جلال فرح شن تبي ياولدي
جلال: بدون مايشبحله طالبينا في المركز
رمضان: خاف مش قالولي روح
جلال: توا اتصل عامر قالي جيب بوك مانعلم بشي
رمضان: مشي سكر الباب ومشي معاه

في هالوقت عامر طلب سعاد
عامر: تعرفي أنا من
سعاد: تشوفله لا
عامر: للأسف الشديد مش حتعرفيني بس نحب نقولك زوجك قريب يوصل لحتى يشوفك هنا بين السحرة والمشعودين
سعاد: قعدت تبكي خلاص توا ماعاد يهم يشوفني أو مايشوفنيش طلقني والسحر بطل وماعاد يفلق فيه والسحارة مارضت الديرلي حل
عامر: يعني أنتي معترفة إنك كنتي تسحري في رمضان
سعاد: كنت ناوية نسحر العيلة كلها مرته وولده بس اكتفيت بسحره هو كل هالسنين عشان يبتعدوا عنه وافتكيت منهم
عامر: عارفة شن عقوبة السحرة
سعاد :لا
عامر: دارلها بيده سلاح وصوت رصاصة على راسها ... بوم
سعاد: لالا مانبيش نموت أنا
عامر: فكرتي في الناس قبل ماتخسري ناس في حياتهم

وصلوا للمركز وخشوا لعامر
رمضان خير ياولدي
عامر :عمي رمضان ارتاح في موضوع ضروري حنقوللكم عليه بس ياعمي رجاءً هدِّي روحك
رمضان: قول شن فيه
عامر: وصلنا مجموعة ناس كانوا يسحروا عند السحارة ومن ضمنهم للأسف زوجتك سعاد ###
رمضان: انصدم
جلال: كيف يعني ياعامر شن الدير عند السحارة
عامر: ناوية تبي تسحرك وهي كانت ساحراتك كل هالسنين زي مافهمت منها وتوا أنت ياعمي السحر لعندك بطل ...
.
.
.
يتبع