انقذني من اشباه الرجال

البارت ٢١

انقذاني من اشباه الرجال

الكاتبه خالده يونس ....✒

♡♡♡♡♡♡

- هناك شيءً في صدري لا يكتب ، اكتب الكثير لعلي اعثر عليه ، لكن كل مره اغوص بها باحثاً عنه اعود بألمً اعظم من الذي قبله كانه يقول لي لا تبحث عني .

مسك...

وان استاد اوس طلع من محل ب القريه لابس تراك اسود شتوي وصار ويمشي ب الشارع على الرصيف

مجرد ما شفته كلبي فز احسه يريد يركض يروح عليه
بس هو ما شافني بس اني شفته متت من القهر اني كوه اريد انسا ليش كاعد يطلع كدامي بكل مره صح شتاقيتله وتمنه اشوفه ونرجع مثل قبل بس مع الاسف مستحيل نرجع او نتواجه مره ثانيه

اخ ياوس شسويت بيه جرحك شيداوي

زها بس لزمتني من ايدي وبتسمتلي بتسامه خفيفه بمعنه لا ضوجين

اني ختفه صوتي بس احس كلبي شتعل بنار بس مجرد شفته

كال بابا
ها شبيكم اشو ختفه صوتكم

زها :- لا ما اكو شي بس ضوجه لان راح نعوف القريه ونرجع القضاء ومسك ضايجه كلش

-كال لا ضوجين بابا مسك كل ماتريدون اجيبكم القريه

مسك:-ان شاءالله بابا

وصلنا القضاء بس اني كلش نقهرت بس قويت نفسي وسويت نفسي ما مهتمه بس جذب داخلي مشتعل بنار

ومشت الايام بين دراستي وبين صديقاتي التهيت بدراستي كلش حتئ انجح وماتروح جيتي اهنا بلاش
تعلمت لبيت عمي حسيتهم عائلتي الثانيه ولد عمي مدلليني دلال شايلني بصلاوات وبكلشي ياخذون رايي

اكثر واحد نصر صار صديقي واعتبره اخوي اني اشاقه وياه ونتعارك ومناكرات يوميه وزها وشذئ الي صارن اعز من روحي اروح وارجع وياهن للمدرسه بيوم اجيت من المدرسه لكيت عمتي ورده جايه لبيت جدي ركضتلها بسرعه وفتحت ادينها وركضتلها

يمماي ولج وريده مشتاقتلج ضربتني بخفه

ورده:-ولج احترمي عمتج اني مو صديقتج

بستها من خدها بووسه قوييه ولج وريده انتي عمتي وصديقتي واختي وحبيبتي وشنو هو انت اكبر من عِنـ.̷̷̸̷̐ـديّ ب5 سنوات يعني عادي عادي ميانه زفرة اتحمليني

بيبيتي هم كامت تحجي عليه
- ولج مسك عيب شمايكون عمتج

كتلها بيبي سكينووو تريدين ادلعج شالت عوجيته رادت تضربني بسرعه شردت ماحسيت طخييت بواحد رفعت راسي لكيته عمو ميلاد يبووو شكد فشله ضحك عمو ميلاد