انقذني من اشباه الرجال

البارت ٥٠

انقذني من اشباه الرجال

الكاتبه خالده يونس ...

♡♡♡♡♡♡
- أنا تلك الفتاة التي طعنتها غيبوبة الإتكاء على البشر، أنا تلك النكتة السوداء في بياض الأيام، أنا الهالكة والمستهلكة لكل لحظات السعادة في عمري

♡♡♡♡♡♡

أَرَى كُلّ مَعشُوقَينِ ، غَيرِي وَغيرَهَا  *  يَلَـذّانِ فِـي الدنيا ويَغْتَبِطَـانِ

وَأَمشِي ، وَتَمشِي فِي البِلاَدِ ، كَأنّنَـا  *  أَسِيـرَان ، للأَعـدَاءِ ، مُـرتَهَنَـانِ

أُصَلِّي فَأَبكِي فِي الصَّـلاةِ لذِكرِهَـا  *  لِيَ الوَّيـلُ مِمَّـا يَكتُـبُ المَلَكَـانِ

ضَمِنْتُ لَهَـا أَنْ لاَ أَهِيـمَ بِغَيرِهَـا  *  وَقَدْ وَثِقَـتْ مِنِّـي بِغَيـرِ ضَمَـانِ

----------------------------

--- في وسط ضيجيج المعركة وأصوات الطلق جالس بين شهيدين وانتظر متئ يحن دوري واكون مطروح بالأرض ويصبح بدايه أسمي الشهيد الفلان .....

كل منهم أوصوني بوصيه قبل موتهم بثواني فقد قال كل واحد منهم أرجوك إن متُ أريد منك  أن تسمي أبني انتَ بأسم عباس والآخر وصاه ان أقول لحبيبة ان الشهيد الفلان كان يحبكِ كثيراً  وقد قال ايضاً وقل لها أنه كان قد يتحضر ليأتي لخطوبتكِ من أهلكِ وهاهم مطروحين بالأرض وانتهت أمنياتهم وانتهت حياتهم للأبد .

منطقه خانقين -ديالئ

--- صبح الصبح وهدئت المكان بس ريحه البارود باقي وخلصت المعركه وخسرنه كومه شهداء جنت انتظر شوكت يجي دوري بس بالي مقوله ان العار مايموت شكد تمنيت أستشهد وياهم بس الله ماكاتبلي الشهادة صعدنه الشهداء بسيارة حتئ يودونهم لأهلهم واني احجي ويه نفسي واكول هيج الحياة تنتهي بهذا السهوله البارحه جانو وياي وجنه كاعدين ومتجمعين ونسولف ونضحك واليوم استشهدو

مابقئ شي وراح نحرر المحافظات من دنس الدواعش الأنذال ونفرح برجوع الأهالي النازحين لبيوتهم حسيت بدوخه كلش قويه لان من البارحه ماماكل شي واحس مصارين بطني ياكلون بعض الواجب ودفاع عن الوطن أهم من كلشي شعلت جكارة وخليته بحلكي وطلعت سلاحي وفصخته وبديت انظف بي اجه بالي  شكلها أول  مره من شفتها جنت بوكته استوني نازل من الدوام  وشفتها  وكعت وتزحلكت بطين وبوكته جانت شهر نيسان والدنيا جانت تمطر حالوب
تزحلكت وكعدت بلكاع وضلت تبجي مثل الطفلة ركضت حتئ اساعدها

.... كومي عيني كومي غير تنتبهين

...ماعليك انت وخر لااطلع حركه كلبي كله بيك

....مو صوجج صوج  الي يساعدج فوك مامستخطيتج

...انت شعليك بابا اشعلييييك