انقذني من اشباه الرجال

البارت ٣٦

انقذني من اشباه الرجال

بقلم شاهينازز...

♡♡♡♡♡♡
الخذلان من أصعب المواقف التي قد تمرّ علينا، فمن وهبناهم قلوبنا وأرواحنا قدمو لنا الغدر والخيانة، من جعلناهم سندنا و قوتنا غدرو بنا، فانكسرت قلوبنا وضعفت أجسادنا، لم نتوقّع هذا منهم، فقد قدّمنا لهم كلّ ما نملك من أجلهم ولكنهم خذلونا، خيبتنا بهم لا يمكن وصفها فقد قابلوا كلّ هذا القدر من الحب بالابتعاد والهجر 💔

مسك:-

باوعت من الشباك ياريت ماباوعت ياريت ماشفت الي شفته
شفت ليث  كاعد ع قنفه والصدمممممه ليلئ كاعده بحضنه وضعهم شي مقزز  وهي شلون تتموع بحضنه ولا جنها طفله

سديت حلكي بأيدي حتئ مااطلع صوت انداريت لوليد واني دمعه بعيني غمضت عينه كال

وليد:-يله امشي مسك خلي هذا النذل ياخذه راحته

مسحت دمعه الي طاحت من عيني كتڵـهٍ
مسك:- امشي انت واني لاحكك مااريده يعرف ان انت جبتني لهنا اني اريد احجي وياه كلمتين واجي وراك

وليد :- مسك ع كيفج أعصابج وتذكري انه مايستاهلج

مسك:- هزيتله راسي بمعنئ تمام راح وليد افريتلهم

من الباب فتحت الباب وان مقفول  دكيت باب الغرفه فتحت ليلئ وهي خايفه ومتوترة  وجها مطعن احمر كالت
ليلى:- ها اا مسك تريدين شي

ضربتها راشدي فريت وجها فر دفعت الباب وطبيت شافني ليث ونصدم من شافني  وكام مايعرف شيحجي وشيسولف كااال

ليث:- مسسسك لاتفتهمين غلط ترئ ماكو شي الي بالج

مسك:- والك عين تحجي ولك شفتكم بعيني شنو ماامو شي  انت انذل شخص عرفته بحياتي وحرااااامات اني بيوم حبيتك وانطيتك كلبي تفووووو عليك مااكول بس حسبي الله ونعم الوكيل عليكم

رجعت لليلئ كتلها وانتي مع الأسف والله حسبالي تغيرتي وبطلتي سوالفج الخايسه حرامات والله حرامات بس تدرون شنو انت وياها من نفس الطبقه القذرة ولايكن لبعض ع فكرة عفتهم وضل ليث يصيح وراي مسك بس اسمعي  وكفت كتله ورفعت صبعي بنبره تهديد

مسك:-دير بالك تلحكني او تبررلي شي لان كلشي شفت بعيني وماريد اشوف وجهك مره ثانيه

مشيت بسرعه من يمه والندم الي تمالكني بلحضه على رجعتي له   السبب مِڼـّي ان انطيته فرصه ثانيه مو كلشي مرات يتحمل فرصه ثانيه وابو طبع ما يغير طبعه 

صعدت لسطح وكبل لبيت جدي نزلت لكيتهم بعدهم كاعد يتحضرون كتلهم مااروح اني خزرتني  بيبيتي وكالت

.. امششششي وين ضلين وحدج اهنا جريت حسرة بيبي

مسك:ذكرتني من ضليت ذاك المره وحدي شصار بيه وشنو من مصيبة وكعت ع راسي بس بعدين فكرت كلت مايستاهل انقهر واضل حابسه نفسي من وره شخص مايستاهل ما شفت منوراه غير  الغدر والخيانه تمشي بدمه