انقذني من اشباه الرجال

البارت ٢٧

انقذني من اشباه الرجال

الكاتبه خالده يونس ..

♡♡♡♡♡♡

‏خلاص.. لا تسأل عن الخاطر أشبي ؟
‏لا تنـّبش اللي من ورا الحدب خافي

‏انـا عطيتك شـي .. منـتـه براعيـه
‏اللي خذيتـه من كذا عام كـافـي !

‏منك .. كرهـت الحــب كله و طاريه
‏ذنبي الوحيد / إني معك كنت صافي

‏يـا هـوه انـا ماني بـ راعـي مشاريـه
‏و ماني على المقفي كثير الحسافي
♡♡♡♡♡♡

عمه سهام الحكي عمي رائد وعمتي ام محمد (ام ليلئ) يتعاركون

بسرعه طلعت عمتي سهام تركض وراحت واني هم لبست نعالي تكرمون ورحت وراها مااريد افوت لحضه انكسار و فضيحه رائد بابهم مفتوح وصوت خاله ام ليلئ عالي وكفت يم الباب اني مااريد ادخل بس اباوع رائد كاعد يهدئه ب مرته ويكللها

رائد:- جذابه لاتصدكين بيها

ومرته بس تبجي بلحضتها انقهرت علئ مرته خطيه مالها ذنب رحت كعدت بصفها ورائد يباوعلي بغضب وييهز براسه بداخلي حسيت انتصرت عليه واخذت حقي منه عافتنه خاله ام ليلئ وهي تهدد برائد

ام ليلي:- اذا انوب تحرشت بنتي اوصل الحجي لخوالها وخل همه يتصرفون وياك سمعت ياكل*ب ياعار

سهام:-امسحي بوجهي خيه الله يوفقج لا توصلين السالفه الاحد

عافتنه ومشت خاله ضلت عمتي سهام ترزل ب رائد

سهام:' لك انته ما تستحي على دمك ما عيب عليك والله يارائد اذاطلع كلامه صح اله شوف شي ما صاير فهمت

عصبي عليها وكاللها
رائد اذا ماتصدكين باخوج اطلعي مالج فوته لبيتي سمعتي

انصدمت عمتي من الحجي مالته
سهام:- هاي هي ابن امي بعد مالي فوته لبيتك
كومي مسك يله ماما امشي وياي للبيت

مسك:- طلعت عمتي بست راس مرته لان مره كلش فقيرة ذنبها الوحيد ان ماخذة انسان مّرَيَـضّ جنسياًو نفسياً رجعنه اني وعمتي للبيت بس كلش مقهورة عمتي من تصرف رائد دخلت لغرفتها وهي ضايجه وطبيت اني هم للغرفتي حتئ أقرأ ارتاحيت اشويه م̷ـــِْن بهدلته بس بنفس الوقت مااعرف اظلم احد كلت بداخلي معقولة الي سويته غلط

الكاتبه(لا مو غلط بلي سويتي انتي انقذتي طفله من ايد مريض نفسي وجنسي جان دمر حياته وهي بدايه عمره ؟ اي شخص يشوف هيج حالات او يتعرض لهيج مواقف لا سامح الله لا يسكت من يسكت يبقه المعتدي يتماده ويستغله بلغو اقرب شخص عليكم امكم اختكم صديقتكم بحيث ان شخص يكدر يساعدك مو بس تحجيله مو ما يكدر كلشي يسوي لا تسمحون لاي احد يستغلكم باي شي كان ولا تضعفون لا تسمحون لاي شي يحطمكم في الحياه )