"ဂျေး"
"အင့်"
"တိတ်တော့ဆို"
အတော်ကြာတဲ့ထိ အငိုမတိတ်တဲ့ဂျေးက ဆောင်ဟွန်းကိုဖက်ထားတာကိုလွှတ်မပေးသေး။
"ငါ့အင်္ကျီတွေစိုရွှဲကုန်ပီလို့"
"ပတ်ဆောင်ဟွန်း"
"ဗျာ~~"
"ငြိမ်ငြိမ်နေ"
ဂျေးရဲ့ဆူအောင့်အောင့်ဆူသံကြောင့် ဆောင်ဟွန်းကပါမျက်ရည်တွေကြားထဲက ပြုံးမိသွားသေးတယ်။ပတ်ဂျေး အတော်ချစ်ဖို့ကောင်းတာ။
"ငါတို့ကားထဲအရင်သွားကြမလား"
တလှုပ်လှုပ်နဲ့ ငြိမ့်ပြလာတဲ့ခေါင်းလေးကို ဖွဖွပုတ်လို့ ဆောင်ဟွန်းကဂျေးလက်ကလေးကိုဆွဲခေါ်ပီး ကားရှိရာဆီပြန်တယ်။မျက်နှာကိုအတင်းငုံ့ထားပီး ကိုယ်လုံးလေးကတသိမ့်သိမ့်တုန်နေဆဲဖြစ်တဲ့ဂျေးကို ဆောင်ဟွန်းကအူတယားယား။တော်သေးတယ် သူကားကိုလူရှင်းတဲ့နေရာမှာရပ်ခဲ့တာမလို့။
ကားတံခါးကိုဖွင့်ပေးတော့ လိမ်လိမ်မာမာလေးဝင်ထိုင်လေတယ်။ဆောင်ဟွန်းက ပြုံးနေတာမရပ်နိုင်။မောင်းသူခုံဘက်ဝင်ထိုင်ပီး ဂျေးကိုလှည့်ကြည့်တော့ ထိုင်နေတာကျုံ့ကျုံ့ကလေး။နှာတရှုံ့ရှုံ့နဲ့နီတာရဲလေးက ဆောင်ဟွန်းမျက်စိထဲ အလွန့်အလွန်ချစ်စရာ။
ကားထဲအသင့်ရှိတဲ့ တစ်သျှူးထုတ်ကနေ တစ်ရွက်ဆွဲထုတ်လို့ ဆောင်ဟွန်းက ကိုယ်ကိုဂျေးနားထိရောက်အောင်ကိုင်းချလိုက်တယ်။ငုံ့နေတဲ့ခေါင်းလေးကို ခေါင်းနိမ့်လို့ အသာမော့ကြည့်မိတော့ ခုထိမျက်ရည်စလေးတွေဝေ့နေတုန်း။ဆောင်ဟွန်းက အသာလေးမျက်ရည်တို့ကိုသုတ်ပေးတယ်။
"မျက်ကပ်မှန်တပ်ထားတာကို ဒီလောက်ထိငိုနေတော့ဘယ်လိုလုပ်မလဲ မင်းမျက်လုံးတွေမနာဘူးလား"
ဂျေးကခေါင်းခါပြတယ်။ရှိုက်သံကလွဲလို့ ဂျေးမှာတခြားအသံထွက်မလာ။အငိုတိတ်ခါစအခြေအနေမလို့ ဂျေးကစကားမပြောချင်သေးပါလေ။
"မျက်ကပ်မှန်ချွတ်ထားမလား မျက်မှန်လဲဝတ်ထားလေ"
စကားနားထောင်တဲ့ ကြောင်ပေါက်လေးက စက္ကန့်တောင်မခြားပဲ မျက်ကပ်မှန်လေးချွတ်လို့ဗူးထဲထည့်သိမ်းတယ်။ပီးတော့ ဆောင်ဟွန်းဝယ်ပေးထားတဲ့ ငွေရောင်မျက်မှန်ကိုင်းလေးကို တပ်လိုက်တယ်။
YOU ARE READING
Love started by those glasses
Ifjúsági irodalomHazel eyes under black glasses are so fucking dangerous!! park sunghoon + park jongseong written in burmese (both unicode and zawgyi available)