ရူးကြောင်ကြောင် အထက်ပုဂ္ဂိုလ်လေး ပြန်မွေးဖွားလာပြီ// Myanmar Translation//

Chapter 3

Unicode

~Chapter 3-ကြင်နာတတ်သောနှလုံးသားရှိသည့်နိုင်ငံသား~

ရှဲ့ကျုံ့ရှင်းတွင် ဒီပိတ်ရက်အတွက် သူ့ကိုယ်ပိုင်အစီအစဉ်တို့ရှိလေသည်။ ဂျူနီယာအထက်တန်းကျောင်းသားလေးကို စာပြပေးရန် သူမြို့ထဲသို့သွားခဲ့သည်။ သူက ငယ်ရွယ်ပြီး အထက်တန်းကျောင်းသားတစ်ယောက်ပဲဖြစ်သေးသော်ငြား ကျောင်းရှိသူ့ထိပ်တန်းအဆင့်တွေက သူ့အား တစ်နာရီလျှင်ယွမ်ရှစ်ဆယ်ရအောင် ပြုလုပ်ပေးထားလေ၏။

ပုံမှန်ဈေးကွက်ပေါက်ဈေးနှင့် နှိုင်းယှဉ်ရင် ယင်းကတကယ်တော့သိပ်မများပေမဲ့ အထက်ကျောင်းသားတစ်ယောက်ဖြစ်သည့်သူ့အတွက်ကတော့ သေးငယ်သောပမာဏတစ်ခုမဟုတ်ပေ။

သူ ဂျူနီယာအထက်တန်းကျောင်းသားလေးကို စာပြပြီးချိန် ညနေငါးနာရီထောင်ထိုးနေလေပြီ။

ရှဲ့ကျုံ့ရှင်းက လက်ဆောင်တစ်ခုဝယ်ရန်ဘတ်စ်ကားစီးလိုက်ပြီးနောက်တွင် ကျင်းယွီဟိုတယ်သို့ တန်းတန်းမတ်မတ်သွားလိုက်သည်။

သူရောက်သွားတဲ့အချိန် လူတွေအများကြီးရောက်နေကြလေပြီ။

ဖုတုန်းလင်က အားကစားကျောင်းသားတစ်ယောက်ဖြစ်သည်။ သူ့ရုပ်က သာမန်သာဖြစ်ပေမဲ့ သူကအရပ်ရှည်ပြီး ခန္ဓာကိုယ်တည်ဆောက်ပုံက အတော်လေးကြီးတာကြောင့် ဗိုလ်ကျသည့်တည်ရှိမှုအား တစ်နည်းတစ်ဖုံပေးစွမ်းနေလေ၏။

ဆန့်ကျင်ဘက်လိင်တွေနဲ့သူ့ကြားဆက်ဆံရေးက သိပ်မကောင်းဘဲ မိန်းကလေးတော်တော်များများကလည်း သူနှင့်နီးကပ်ဖို့ဆန္ဒမရှိကြပေ။ အဆုံးမှာတော့ သူကကြမ်းကြုတ်ပုံပေါ်ရုံတင်မကဘဲ သူရောနှောပေါင်းသင်းတဲ့လူတွေကလည်း အခြားသူတွေအများအားဖြင့် ရှောင်ကြဉ်ကြသူတွေပင်။

ဒီတစ်ကြိမ်မှာတော့ ဖုတုန်းလင်က ကျင်းယွီဟိုတယ်တွင် ဤစားပွဲတွေကို ကြိုမှာယူရန် ငွေများစွာသုံးထားခဲ့ရာ အတန်းသုံးတန်းရှိကျောင်းသားတွေအား ဖိတ်ကြားနိုင်ခဲ့လေသည်။

ဖုတုန်းလင်နှင့်ဆန့်ကျင်ဘက်ဖြစ်စွာပင်၊ ရှဲ့ကျုံ့ရှင်း၏ဆန့်ကျင်ဘက်လိင်တွေနှင့်ဆက်ဆံရေးက သာမန်မကောင်းရုံမျှသာ။ ကျောင်းရှိတစ်စုံတစ်ယောက်က ရှဲ့ကျုံ့ရှင်းအတွက် အထူးပို့စ်တစ်ခုကိုတောင် ဖန်တီးခဲ့ပြီး သူ့အားတိတ်တခိုးရိုက်ယူထားသည့်ပုံတွေကို မှီခိုလျက် ကျော်ကြားသည့်အပြောများအကြောင်းအရာတစ်ခု ဖြစ်လာခဲ့သည်။ သူ့အား နန်းယန်ကျောင်းရဲ့*ကျောင်းမြက်လေးအနေနဲ့ လက်ခံထားကြသည့် လူအချို့တောင်ရှိနေလေပြီ။