محنة زواجي 🌺مكتملة🌺

الجزء 1 🌺

🌺محنة زواجي 🌺

وتٓروْنِي زٓوْجٓة غٓير صٓالِحٓة ومٓا انٓا الا فٓتٓاةٌ بٓريْئٓه تُضٓحِي مِنْ أٓجْل زٓواجِهٓا

"بأنامل kãöutar"

🌺ياسين 🌺

نعرفكم براسي أسماء عمري 19 سنة مزوجة راجلي سميتو ياسين فعمرو 22 سنة حنا كانبغيو بعضياتنا بزاااف وتزوجنا عن حب حياتنا زوينة ساكنين بوحدنا حيت علاقتي بماماه وختو ماشي تالهيه مكنتفاهموش كاع مهم انا وياسين متفاهمين بزاف دوزنا 4 سنين ديال زواج حالتنا المادية مزيانة راجلي عندو محل كايخدم فيه مهم دازت 4 سنين مزيان : واحد نهار فقت فصباح بكري علا قبل ياسين باش نوجد ليه لفطور كايفطر ويمشي لخدمة فطرنا بجوج وحنا كالسين حتا صونا ليه طيليفون شاف فيا وقال بابا لي كايصوني ولاكن مامولفاش ليه يصوني فهاد الوقت جاوبو قال ليه بلي ماماه مريضة بزااف شاف فيا وقف وقال بابا ولاكن سكت وقال مال ماما قال ليه بلي طاحت فدروج ورجلها يمكن تهرسات تما ياسين زاد تخلع وقال ليا لبسي خلينا نمشيو قلت ياسين قاطعني وقال أسماء ديك المخاصمة كاملة نسايها دابا ماما عيانة ودابا غاتمشي معايا وخرج هي هاديك لبست ومشينا واخا هاكاك بقات فيا وبغيت نشوفها وصلنا دقينا لباب حلات ختو طلعات فيا وهبطات سلمات علا خوها وانا فاتتني وطلعات شاف فيا ياسين وقال أسماء زيدي دخلنا ومشينا عندها لبيتها كانت متكية وكاينة معاها واحد لبنت بنت ختها انا مكانش عندي معاها حيت كادير شي فعايل مامزيانينش وقفات وبقات كاتشوف في ياسين انا كانشوف فيها حيت عرفاها بلي كتحماق عليه ومكرهاتش تكون فبلاصتي ياسين سلم علا ماماه وسولها كيفاش طاحت وبقا كالس حداها وشاد ليها في ايدها سلمت عليها حتا انا وقالت بشويا كيدايرة أ أسماء قلت الحمدالله ونتي مايكون عندك باس وشفت فديك لبنت كان سميتها (فرح ) قلت فرح لاباس عليك طلعات فيا وهبطات وقالت الحمدالله هاد ساعة وخرجات ياسين بقا حدا ماماه بقاو كايهضرو وكايسولها شنو قال ليها طبيب مهم بقاو تقريبا شي نص ساعة وقف وقال ليها ماما بسلامة حتا نعاود نرجع عندك وهي تشظ فيه وبدات تبكي وقالت ياك اولدي تخليني هاكا وتمشي بقا معايا غا هاد ليلة الله يرضي عليك