محنة زواجي 🌺مكتملة🌺

الجزء 26 🌺

🌺محنة زواجي 🌺

وتٓروْنِي زٓوْجٓة غٓير صٓالِحٓة ومٓا انٓا الا فٓتٓاةٌ بٓريْئٓه تُضٓحِي مِنْ أٓجْل زٓواجِهٓا

"بأنامل kãöutar"

🌺ياسين 🌺

بارت 26

كانشوف ف ياسين و هوا كايشوف فيا فواحد لحضة ضحك واحد ضحكة زوينة و عينيه غرغرو بدموع وحتا انا ضحكت وبقيت كانشوف فيه وعينية كايلمعو بقيت كانشوف فيه وقلت عمي وحتا لميساجت هوما لي كتبوهم كانهضر وعينية كايشوفو ف ياسين وحتا هوا گايشوف فيا سكت شويا وقلت و فرح هي لي كانت دفعاتني علا طبلة باش درت اجهاض و شفت ف مامات ياسين وكانت خايفة لا نقول بلي هي لي عطاتني العشوب و هي لي دفعاتني من دروج شفت فيها وقلت وكاينين بزاف د ناس ضروني بزااف واخا انا مادرت ليهم والو ضروني كتر من القياس ولاكن سكت شويا وقلت ولاكن انا خليت ليهم الله هوا لي غادي ياخد ليا حقي وفديك لحضة ياسبن حدر راسو وخرج باباه بقا كايغوت عليهم وهوما كايهضرو و كيدافعو زعما علا راسهم عارفين راسهم كحلوها وهاديك هي لاخرة ليهم فديك دار خرجت انا تبعت ياسين لقيتو كالس برا وشاد فراسو بي ايديه بجوج وقفت وقلبي كايضرب قلت ياسين هز عينو فيا كان كايبكي وجهو كايقطر بدموع قلت لا لا علاش كاتبكي حطيت ايدي علا وجهو وقلت ياك ديما كاتقول ليا دموع خايبين وضحكت شاف فيا وقال ولاكن انا خليتك تهبطي دموعك شحال من مرة اسماء انا خايب ياك خايب شديت فيع وقلت لا نتا ماعندك حتا دنب هوما لي دارو هادشي كامل قال اسماء انا قاطعتو وقلت ياسين واخا داكشي كامل انا كاعما مقلقة منك سكت شويا وقلت واحد نهار قلت ليك بلي كانكرهك شاف فيا وقلت ليه غير كدبت عليك انا مزالة كانبغيك كيفما الاول وكتر كاع كنت بعد المرات كانتقلق منك ولاكن مزال كانبغيك وكنحماق عليك والله طيق فيا قاطعني وقال اصلن انا من ديمة كانتيق فيك شد فيا وقال اسماء ملي شفت دوك لميسجات ماتخيليش قلبي شحال ضرني حسيت بروجولة ديالي تهانت ولاكن والله ماطيقتهم حيت انا عارفك حط ايدو علا وجهي وقال نتي راكي ماشي غير مرتي نتي شي حاجة لي زوينة بزااااف فحياتي سمحي ليا علا داكش كامل وكنواعدك عمرو غيتعاود حط ايدو علا كرشي وقال مزال غانولدو وليداتنا وحياتنا غاتزيد تزيان فديك لحضة هبطو دموعي وقلت اه غاتزيان قال لا لا ماتبكيش احبيتي عرفاني ماكنبغيش نشوف دموعك عنقني وقال ليا فودني اسماء ياله نمشيو لدارنا