محنة زواجي 🌺مكتملة🌺

الجزء 17 🌺

🌺محنة زواجي 🌺

وتٓروْنِي زٓوْجٓة غٓير صٓالِحٓة ومٓا انٓا الا فٓتٓاةٌ بٓريْئٓه تُضٓحِي مِنْ أٓجْل زٓواجِهٓا

"بأنامل kaoutar"

🌺ياسين 🌺

بارت 17

كانبكي وكرشي كاتقطع بقيت هاكاك تقريبا شي عشرين دقيقة كنحاول نوقف باش نهبط ندير شي حاجة سخونة نشربها ولاكن ماقدرتش بقيت كانبكي وشادة فكرشي فواحد لحضة قلت خاصني نعيط ل ياسين صافي ضاروري نمشي لصبيطاى وايلا غنحماق بداك لوجع هزيت طيليفون بزز دوزت نمرة صونيت عليه ولاكن مجاوبنيش بقيت كانصوني شي 4 دالمرات والو عاوت صونيت وجاوبني صوتو فشكل عادي حيت سكران قلت ياسين فيا واحد الوجع خايب عفاك اجي لعندي قال أسماء واش منيتك انا دابا مامساليش قلت وانا كانبكي عفاك أ ياسين بليز راني كانتقطع سكت شويا وقال دابا نتي اش بغيتي هاد المرضة والله ونجي ونلقاك كاتكدبي حتا نقتل مك وقطع تكيت وبقيت شادة فكرشي دازت ساعة ياسين تعطل عليا بزاااف وقفت وهبط لتحت بشويا بشويا ماقدرتش نهبط وصلت لدرجة لتحت وكلست وبقيت شادة فكرشي شويا كانسمع ساروت كايحل فلباب عرفت ياسبن دخل كان عاقل شويا وكان فازك بلما شعرو كايقطر قال مالكي وففت وقلت داك لوجع لي جاني داك نهار عاود رجع قال زيدي نمشيو دغيا وقفت وقلت عندك تاني يوقع نفس المشكل لي وقع ديك نهار شاف فيا وقال علاش نتي حاملة قلت حتا ديك نهار ماعرفنا والو حتا وقع تجهاض قال زيدي وسكتي شد فيا ومشينا وصلنا ودخلت شويا حتا جات عندي واحد فرملية قالت شويا ويجي طبيب مشغول شويا حيت عاد جا معطل شاف فيها ياسين وقال هي اصلن غير كاتبوحط عليا انا غير سكت وبقيت شادة فكرشي شويا حتا دخل طبيب شاف فيا وجات عيني فعينو تصدمت بزااااااف ملي شفتو وحتا هوا تصدم صدق طبيب هوا لولد لي تلاقيت بيه فلبحر بدا كايتمتم فالهضرة مبغاتش تخرج ليه وبقا كايشوف فيا كانت صدفة غريبة شي شويا ياسين كايشوف فيا وكايشوف فيه انا تصمرت فبلاصتي وبقيت كانشووف فيه فواحد لحضة قال كانتمنى مايكون عندك باس انا بقيت غير ساكتة وكانشوف فيه جا ودوز ليا سالة وكلس فوق واحد لكرسي حدايا وقال والهضرة كاتخرج غير بزز كانشوف ف ياسين كايشوف فيه ماحيدش عينو عليه يمكن شك فيه ماعلينا قال ليا مهم خاصك طهلاي فصحتك مزيان وحتا ففف شاف ف ياسين وقال حتا فصحت لجنين انا تصدمت وياسين تا هوا تصدم بلامت نحس قلت شنوووو كيفاش جنين واش انا حاملة