محنة زواجي 🌺مكتملة🌺

الجزء 6 🌺

🌺محنة زواجي 🌺

وتٓروْنِي زٓوْجٓة غٓير صٓالِحٓة ومٓا انٓا الا فٓتٓاةٌ بٓريْئٓه تُضٓحِي مِنْ أٓجْل زٓواجِهٓا

"بأنامل kãöutar"

🌺ياسين 🌺

بارت 6

تصرفيقة وضحكت شفت فيها وبتاسمت وقلت شكرا هه وسكت شويا وقلت تبارك الله عليك ماكتفلتي حتا حاجة حيدي من قدامي حسن شدات فيا وقالت لبرهوشة لاخرة حتا نتي وليتي كاتهضري دفعتها وقلت واش ماعندك ميدار بعدي مني شداتني من يدي ودفعتني حتا جيت علا واحد طبلة شديت فكرشي جاني وجععع خايب بقيت كانغوت وشداتني دوخة كنحاول نوقف هي خرجات ملي شافتني كانغوت وكانعيط ياااسين وشادة فكرشي هبط كايجري قال أسماء حبيبتي مالكي شد فكرشي وقال مالكي أسماء هضري معايا انا بقيت غير كانغوت شويا كانحس براسي نزفت كانقول ليه كرشي كاضرني ياسين كرشي وبقيت كانبكي جات ختو وباباه كايسولني مالي ماهضرتش غير كانبكي وشادة فكرشي شد فيا ياسين ومشينا ديك ساعة لصبيطار مع دخلة سخفت ماعقلتش كاع حيت كنت كانزف بزاف دازت ساعة عاد فقت كانلقا ياسين حدايا و باباه واقف برا فقت وقلت ياسين شاف فيا قال اسماء شويا دابا شد في يدي وقال الحمدالله علا سلامتك شديت فكرشي كان مزال شوية دالجوع مرا مرا كايشدني دخل طبيب حاولت نوض قال ليا لا لا خليك مرتاحة مزيان تبقاي متكية شويا قلت دكتور شنو سبب نزيف والوجع شاف ف ياسين وقال مدام اسماء نتي درتي إجهاض فديك لحضة حسيت بلارض ضارت بيا قلت شنو شفت ف ياسين وقلت واش كنت حاملة ولاكن كيفاش إجهاض شد فيا ياسين وقال أسماء الحمدالله غير ملي نتي بخير أما الولاد راه مزال نولدوهم نتفت يدي منو وقلت كيفاش مزال نولدووهم وهاد لي مشا ماشي ولدي كولشي بسبابها كولشي بقيت كانبكي وكانضرب فراسي وكانقول بلعاني قتلات ليا ولدي بلعاني شد فيا ياسين وقال اسماء تهدني عفاك ماتقوليش هاكا راه مكتاب وصافي عفاك حبيبتي تهدني شفت فيه وقلت قلت ليك بلي ماعندي بلاصة فديك دار هوما لي عصبوني وزادتها بنت خالتك ملي دفعاتني علا طبلة هز عينو وشاف فيا وهوا مصدوم وقال شنو كيفاش دفعاتك