ـ
حلوياتي اللي تنتظرون التحديث من أسبوع للأسف
اغلب دوامي شفتات اقضي في المستشفى وقت اكثر من اللي اجلسه في البيت ..
بس احاول بكل جهدي انو التحديث يكون مستمر و شبه متواصل ..
هذا الويكند ان شاء الله بيكون فيه اكثر من تحديث و بحاول يكون وسط الأسبوع بعد ..
شكرًا لتفاعلكم اللطيف و تأكدو اني اقرا تعليقاتكم كلها ..
ـ
" كيف جرتك قدمآك لتطأ أرض مقبرتي ؟ ايا قاتلي اتطوف طالبًا عفوي ؟ "
ـ
مطر بنظرة استغراب : استبدلك ؟
أنت شايف كيف نكرانك لي و صدك ؟
و مع ذلك أنا و مشاعري قاعده تتذلل لك ..
شدخل نجد الحين ؟ هل أنت وهو قطع
اثاث ؟ إذا ما ناسبت ذوقي و طموحي قطعة اختار الثانيه؟
فاهم شنو قاعد تقول أنت ؟
نايل كان ساكت شوي بعد كلامه الأخيره و نطق من
جديد بس هالمرة بنبرته الثابته : ابين لك أنو مو صعب
و مو مستحيل أنك تشوف شخص ثاني بنفس المشاعر .
أنا اشوف أنور كـ أب و مكتفي فيه و أنت شوف
نجد بالمثل و كل واحد فينا يختار طريقه .
مطر من كثر ما كلام نايل طول هالأيام كان ثقيل على صدره
حتى هالكلمة ما حس بثقلها و كأنه اعتاد هالألم لذا ما رد عليه .
نايل ضل ثواني ينتظر ردة فعل مطر ع كلامه و ما لقى شي
منه لذا فتح باب السيارة وركب من جديد ..
مطر دخل جنبه و بدا يسوق بدون م يتكلم أو يعلق بأي شي .
نايل حس بشعور غريب و رفع عيونه ع الطريق بعدها
مسك يد مطر ..
نايل : وقف السيارة وارجع ..
مطر ببرود حتى م طالع في نايل : قلت لك عندنا مشوار .
نايل فك حزام الأمان : وقف السيارة الحين .
