BLACKNESS OF DESTINY

-تعريف-

أهلًا ~

هذا البارت بيكون كـتعريف بسيط بالتصنيف والشخصيات وما إلى ذلك.

طبعًا أتوقع كثير يعرف عن تصنيف المستذئبين لكن بعطي نبذة عنه وبرضو بعض الافكار الي ممكن تكون جديدة وحبيت اضيفها للتصنيف،

بالبداية المعروف ان المستذئبين ينقسمون لقطعان وكل قطيع لهم أرضهم وممتلكاتهم وهكذا وكل قطيع يقوده ألفا واحد فقط! ومعروف ان القطيع الواحد تربطه رابطه قويه ويقدرون يتشاركون رابطة ذهنية وحدة بحيث يقدرون يتخاطرون بهيئة ذئابهم.

والمعروف ان الألفا هو الأقوى والمسيطر وهذي بغريزته بينما غرائز البقية تدفعهم أنهم يتبعونه لان الذئاب ماتقدر تعيش بدون قطيع الا لو كانوا "روج" وهذولي ذئاب فقدت جانبها البشري وانجنت ذئابها ف صارت تعتدي على القطعان او ممتلكاتهم.

رفيق الألفا يكون اللونا وممكن يشاركه بقيادة القطيع او يعني يحافظ على علاقة القطيع ببعضهم البعض، كـشكل تقريبي الألفا يكون زي الأب بينما اللونا زي الأم 🤔

بعد الألفا يجي البيتا وهو ذراع الألفا اليمنى ومعروف انه قوي جدًا ويساند الألفا بالحفاظ على الأراضي والممتلكات ويكون بالصفوف الأولى في القتالات.

بعده يجي الجاما واللي يعتبر زي قائد المحاربين في القطيع، يشرف على تدريباتهم وإلخ، وينقسم القطيع بعدها للذئاب المحاربة سواء كانوا ذكور أو إناث وفيه ذئاب إناث ماهم مُحاربين ولا أوميغا كذا بالوسط، زي البيتا بتصنيف الاوميغافيرس ببعض القصص يكونون كثير.

وبالأخير يجون الأوميغا، وكلنا نعرفهم أتوقع، بهالقصة الأوميغا يتم تمجيدهم ومحبتهم والكل يشوفهم بركة على القطيع ويجب عليهم حمايتهم وهكذا عشان دائمًا رائحتهم تكون مختلفة ومريحة زي خاصة الجراء ويعطون الباقين نفس الشعور اللي يحسون فيه اتجاه رفقائهم عشان كذا دايم يحسون الباقين برغبة بحمايتهم وحبهم والذئاب العازبة دايم ترتبك بوجودهم لانهم مايقدرون يفرقون بين كونهم مجرد أوميغا او رفقائهم الحقيقيين ومع ذلك ماتجرأ احد واعتدى على أوميغا بسبب هالشي.

بس الأوميغا الوحيد اللي يقدر يتعرف على رفيقه لانه ماراح يحس بالاحساس اللي هو يعطيه للذئاب الباقية وبعدها هو راح يوضح للاخر عبر فيرموناته اللي بيطلقها.

كما أنهم مايتواجدون بكثرة بكل القطعان، بس البعض.

في هذي القصة نتكلم عن الذئب الأسود وهو اللي نقدر نعتبره يتغلب على الألفا لان قوته وجبروته تتعدى خاصة الألفا بمراحل بس هذا لما يوصل لأقصى قواه بعد التدريب والخبرات، برضو الذئب الاسود مايحس بالحاجة انه يتبع ألفا ويقدر يكون ذئب وحيد او يكون هو القائد.

وأخيرًا زي ماذكرت بالأنترو، الذئب الاسود مايمتلك رفيق وراح يتوضح السبب أكثر مع بارتات القصة.

بالنسبة للحوارات بين الشخصيات،
( "..." ) لما تكون زي كذا بدون خط تحتها فهو حوار طبيعي.
بس لما تكون زي كذا ( "..." ) فهذا يكون حوار عبر التخاطر.

راح اذكر اسماء الشخصيات الحالية ولما تطلع شخصيات جديدة بكتبهم بداية كل بارت:

ألفا الشمال - لوغان، ورفيقه الأوميغا - كريستيان.

شقيقة الألفا: إيفلين، ورفيقها الجاما - أوستن.
عندهم أربعة توائم:
الأكبر ذئبة محاربة - ليديا
الثاني الأوميغا - أوجين، والثالثة الأوميغا - قرايس
وأخيرًا الأصغر الذئب الاسود - أوين.

واللي عنده أو بيكون عنده أسئلة حول التصنيف يسألني بالكومنتات وراح اجاوب 👍🏻

وبالنسبة لصور الشخصيات..أنا ما أحب أحط صور للشخصيات لأنها تفسد علي خيالي، ولكم الحرية تتخيلون الشخصيات زي ماتبغون ومين مابغيتوا لكني أعتذر ماقدر أبدًا أحط صور..

أتمنى تستمتعون بالقصة للنهاية وراح أنشر أول بارت بالويكند، أراكم قريبًا ~