ايييي يا حجي شعجب اليوم جاي من وكت ؟؟
بيداء تحجي ويه زوجه وهي تحط صينيه الاكل بالكاع ومستغربه لان جاي من وكت ولحك بيهم على الغده .
حجي عزيز:- والله ما فتهمنه عليجن انتن النساوين نجي من وكت تكولون ليش جاي من وكت . ما نجي هم تحجون وتكولون نريد ناكلنه خبزه وياك فد يوم
بيداء:- هاي شبيك حجي اشاقه وياك ميصير يعني
هاك شوف شلون غده مسويتلك اليوم يخبل يخبل
حجي عزيز :- اويلييي شوفي الغده الزين
حجي عزيز وهو يعدل ملابسه حته يتقرب للصينيه الي مليانه اكل
كباب عروك ولوبيه وطماطه حمس وبصل اخضر وخبز البيت الحار
بيداء:- اكل اكل حجي انت جاي تعبان من الشغل
حجي عزيز :- وين شهد لعد ؟؟
بيداء:- خطيه شهد نايمه البارحة مصخنه حيل خطيه ما نامت الليل كله لل 6 الصبح سهرانه وياهه اني واحطله كمادات
حجي عزيز يرد بعصبيه :- كم مره كايللكم اني من تنصب المهجومه الصينيه الكل يلتم عليه !!؟
لو ناويه تعلميهه تبقه للضهاري نايمه !
كومي صيحيه لا اكوم اني اجرهه من شعره واجيبه
خلو عدكم أدب واحترام للأكل
بيداء:- صار صار حجي هسه حكوم اصيحه واجيك
تروح بيداء بسرعه للغرفه حته تكعد شهد من النوم
بيداء :- شهد شهد كومي ماماتي كومي كومي كومي كعدي حبيبتي
شهد وهي نايمه وبالكوه تحجي
شهد:- ماما عوفيني شويه نايمه مابيه حيل اتحرك منا لهنا والله
بيداء:- ولج كومي يمصكوعه هسه يجي ابوح يكتلج
شهد :- يمه يعني مريضه ومابيه حيل اله اتغده وياكم مالي نفس اكل شنو غصبب
حجي عزيز يصيح بصوت عالي
يلههه وينكم الاكل رح يبرد ليش تخلوني اسويه صخام ولطام عليكم اليوم
بيداء ترد :- أي حجي جينه جينه
يله ولج كومي بس كعدي ع الصينيه
يكومون شهد وامهه يروحون للصينيه ويكعدون
حجي عزيز:- شلون صرتي ام شهد شكالتلج القابله ؟؟
بيداء:- والله حجي كالت فتت بشهري وكالت من تصير عندي طلوكه اروحلهه
حجي عزيز :- أي خوش خوش وهاه دحكي زين اذا ما طلع ولد هالمره انتي وياهه اشمركم بالشارع فهمتي عليه؟
بيداء:- حجي اني شنو بيدي كله يم ربك وكله نعمه من ربك
وبعدين شبيهن البنات شوف هاي شهوده حبيبتي شلون مداريتني
YOU ARE READING
مغتصبة في رحم امي
Romanceقصة حقيقية صارت احداثهه بالعراق بنية تنولد مع مرض نادر جدا في وسط مجتمع حاقد وكاره للبنات شلون رح تعيش حياتهه ولازم يكون مرضهه سر محد يعرفه حتى تتقاطع خيوط القصه مع شخص غريب يعرف هذا السر ويحاول استغلالها بأبشع الطرق شخصيات القصه .. حجي عزيز:- ال...
