مغتصبة في رحم امي

الجزء العاشر ( ابقى معي )

عباس:- بعد مصاير شي بس لازم اسوي شي ....

عمر:- عباسسسسس ... شتحجي انت. ...

عباس يرتبك لان عمر سمعهه ...

عباس:- ها !!! لا ماكو شي ...

عمر:- سمعتك تكول لمرتك لمي ملابس ومدري شنو شنو رح يصير عباس ؟؟

عباس:- عمر ماكو شي بس متعارك ويه مرتي وكلتله لمي ملابسج اريد اوديه لبيت اهلههه..

عمر :- عباس بيتت اهله اربيل وتركيا ؟؟. صاير شئ كليي اجوز اكدر اساعدك ..

عباس يرتاح لان عمر ماسمع كلشي ...

عباس:- عمر خل نحل سالفتك وبعدين سالفتي هسه امشينه نطمن شصار مصار ...

عمر :- يله امشينهه ... يمشونن ويروحون يم غرفة الأنتظار... 

تجي من بعيد ممرضة تركضض.....

استاذ عمر أستاذ عمر ...

عمر:- نعم اني عمر تفضلي....

الحجي كعد من الافاقه وميقبل يحجي ويه أي احد حته الشرطه ميقبل يحجي وياهم يكول اريد احجي ويه زوج البنيه ....

عباس :- شنوو شلون كعدد يعني مابي كلشي؟؟

عمر:- الحمدلله والشكر رح نعرف كلشي من عنده ...

زين زوجتي شصار عليه ؟؟؟

الممرضه :- نجحت العمليه الحمدلله وهمات بالافاقه حاليا ....

عمر:- الف الحمدلله والشكر ربي ...

هذا احله خبررر. ....

عباس:- عمر روح انت يم زوجتك واني حروح يم الحجي ...اشوف شنو عنده وافتهم كلشي منه ..

عمر :- اي والله انت دكتور وتعرف اكثر مني روح هناك يم الحجي وهم تفاهم ويه الشرطه لان تعبت نفسيتي حيل ومالي خلك...

بس فدوه اخيك اريدك تعرفلي ايشي ... عنه

عباس:- عمر لا توصيني اخيك صدك جذب ....

يروح عمر على غرفه الافاقه مال مريم ويوكف يم الشباك .....

يباوع على مريم وكل الاجهزه الطبيه محطوطه عليهه ....يفتح الباب ويدخل للغرفه ويروح يمهه ...

عمر:- مريم كعدي مريم كافي ....

يلزم ايدهه ...

مريم كعدي لتعوفيني هنا وحدي ... اليوم ابويه انطاج عمره وراح مني وهسه انتي بالمستشفى وذاك الحجي ماعرف منو كافي تعبتت امانه الله كافي

اريدج يمي

مريم ماعرف شلون اكلجج لكن حسيت نفسي حبيتج ... مريم انتي حلوه وكلشي بيج حلو ...

برائتج . عفويتج .طيبة كلبج .حنيتج ..كل الصفات الي الواحد يتمناها ويتمنه كلهه تنجمع ببنيه موجوده بيجج