مغتصبة في رحم امي

الجزء 13 ( ومن الحب ما قتل )

الجزء 13 ( ومن الحب ما قتل )

مريم:- احجي انت أول حبيبي شكو اكو شي بالشغل احد مسمعك شي ؟؟

عمر :- لا انتي سولفي شكو ...

مريم:- مممممم شوف اول شي احنه رح يجينه بنوتات 2 وتعرف  مصاريف وهيجي

وثاني شي لازم نبدي نجهز من ملابس وكماط وكل هاي الاشياء ويرادلنه فلوس ومصرف ...

عمر:- ايي وشنو يعني اني داشتغل وخير من الله حمدلله شكو بعد ...

مريم:- حبيبي مكايله شي اني وتدري بيه مستحيل اطلب منك شي بس القصد ...

عمر:- اني مقصر وياج فد يوم رايده شي ومجايبه الج ؟؟

مريم:- بس افهمني الموضوع مو متعلق بيه اني وبس الموضوع يخص جهالنه الي رح يجون

اني حته لو رح احتاج شي ما رح اجي اكلك اريد هيج وهيجي مستحيل ..

لان ادري بحالتنه شنو همه كلهم 750 الف منا مولد ومنا انترنت ومصرف بيت ومنا ع أي ساعه تعطل دراجتك

ذاك الشهر بس دراجتك عطلت صرفنه عليه 400 الف يله تصلحت وضلينه بقيه الشهر  حاطين ايدنه على خدنه

وبعدين رح تضل طول عمرك دلفري وع الدراجه ومن تطلع من البيت اني بقلق لحد ما ترجع يله ارتاح

أضل طول اليوم انتضر مكالمه احد يكلي مسوي حادث ...

عايشه بقلق والله ..

يعني منريد نطور من نفسنه نفتحلنه مشروعنه الخاص ..
نفتح محل شي خاص بينه احنه نسترزق من عنده ...

كل الي اريده منك تخليني اشتغل اني هم واعاونك ..

عمر:- انسي وشيلي هالموضوع من بالج .. هاي الدنيا مابيها امان ابددد..

اني مو ضد المره تشتغل لو شي وتدرين بيه واعي ومثقف ..

بس اغلب العالم هسه الي يشغلون بنات يردون منهم مصلحه شخصيه ..

واني اشتغل بالشارع واعرف هالشي...

مريم:- مو ويه ولد اشتغل . .

اكو بنيه ابويه اليوم شافهه عدهه صالون ابويه رح يشتغل وياهه حارس بالمجمع مالتهه .. وكالتلي تشتغلين وياي ع صبغ الشعر وهيجي هي عده صالونات واروح اني وبابا سوه ونرجع سوه ...

يعني ماعندك عذر ع الأقل منا هي تنطيني 600 ومنا راتبك حته نصرف راتبي كله ونضم راتبك هيج شويه نوكف على حيلنه...

عمر:- ماعرف شكلج بس اني جنت اريد اكلج شي مهم كلش ...

مريم:- البنيه كلش خوش انسانه ومبينه حبابه وبابا حجه وياهه وحجاله كل قصتنهه وكل حياتنه وهي حيل حبتني وتريد تعلمني همات ع الأقل صنعه اتعلمه ..

عمر:- اسمعني اريد اكلج شي مهم كلش يخص علاقتنا اني وياجج  شي مصيري وانتي حايره بالشغل ...