مغتصبة في رحم امي

الجزء الثاني ( ميته روحيا)

بعد مرور 16 سنه .....

مريم تمشي بالبستان والثوب مالته يرفرف من الهوه وشعرها الطويل وجسمهه الرشيق الي يشوفه ينعجب بي من أول مره تمشي و دور على شهد اختهه وتصيح

مريم:- شهد شهد وينجج يله عاد عمي خليل يريدج يكول حاشت التفاح لو بعدهه؟؟

شهد :- هياتني حبيبتي هياتني تعالي

مريم:- كملتي لو بعدجج ؟؟

شهد :- أي هاي اخر شي واكمل يله مشينه نروح

مريمم :- دقيقه دقيقه هاي شنو وجهج؟؟

خرب حظي شوكت نخلص من هالبشر هذا

هم ضربج اليوم

شهد وهي تحاول تغطي وجهه

شهد :- امشينه امشينه

مريم:- احجيلي شبي ؟؟

شهد :- يعني متعرفين مثل كل مره رجع سكران بالليل واجهة يريد اكل سويتله اكل ونزع الحزام وضربني واجه بوجهي

مريم:- الله ياخذه يارب من مرته ماتت ليهسه هو ع هاي الحاله شلون بي !!؟

شهد:- اسكتي ولتحجين هيج خل نتحمل الما تجي قسمتنه ونروح بحال سبيلنه

ع الأقل اني دانضرب مو انتي

مريم:- مستحيل اسكت فهمتي مستحيل امشي يله كدامي

وهمه يمشون بالبستان مريم تشوف احمد من بعيد وتبدي ملامح السعادة عليه وتبتسم اله

احمد يرفع ايده ويسلم عليه

شهد:- ها ولج منين هذا ؟؟

مريم:- هذا احمد ابن جيرانه هيج ما بيناتنه شي بس سلام

شهد:- أي لا مبين كلش بس سلام امشي يمصكوعه الي بينه مكفينه

يروحون للبيت ويحطون سلة التفاح بالمطبخ

حجي خليل يدخل للمطبخ ويلزم شهد من شعره !!

خليل:- كم مره كلتلج لا تتأخرين لان جوعان واريد ريوك ما تمشن اله بالكتل انعل ابوجن لابو الجابجن عليه

مريم تروح حته توخر شهد من عنده يضربه ويوكعه بالكاع

مريم:- الله ياخذكك شوكت نخلص منك يا كلب يا حقير الله ياخذكك مثل ما اخذ ابويه

خليل يروح على مريم ويلزمه من شعره قويي

خليل:- صاير عندج لسان ولج

ينزع الحزام ويبدي يضرب بيه بكل جسمهه تجي شهد ويدفعه ويضرب بيهن ثنينهن وهنه يبجن ومحد يكدر يساعدهن

خليل :- بلكت تتأدبن شويه

يله كومن بسرعه سوولي اكل واذا بعد اسمع حجايه وحده اكتلكم ومحد يدري بيكم