Back To Me: Bud Brothers Series 3 |COMPLETED|

Back To Me 1

CRISTAL

"Dalawang order nga po nitong sinigang na bangus tsaka dalawang rice."

"Take out po ba, Ma'am?"

"Hindi po, kakain po ako dito."

Nakangiting tumango sa akin ang matandang babae saka mabilis ang mga kilos na kinuha ang mga order ko.

Nagpalinga-linga ako sa loob ng karinderya, naghahanap ng bakanteng mesa nang may tatlong maskuladong lalaki ang bigla na lang sumulpot sa harapan ko. Tinulak pa ako nong isa, muntik na akong masubsob sa malapit na mesa sa ginawa nito. Buti na lang na balance ko kaagad ang katawan ko kung nagkataon baka nabuhusan ng mainit na sabaw ang dalawang customer na nakaupo doon.

Nakakalukong nagtawanan pa ang mga ito pati ang tatlo pang lalaking nakatayo sa labas. Yung mga customer na kumakain sa loob biglang nag-panic at nagsipagtayuan. Animoy takot na takot at kilala ang mga ito.

Napakunot noo ako sa aking nakita lalo na ng iabot ng matandang babae ang pera sa lalaki.

"Bakit ito lang?!"

"Pa-Pasensya na po Sir 'yan lang po--"

"Niluluko mo ba ako?!" singhal nito sa babae sabay gala ng tingin. Tumagal ang namumula niyang mga mata sa akin. Pinasadahan niya pa ako ng tingin mula ulo hanggang paa at pabalik pa saka binalingan ang matandang babae na ngayon ay namumutla na sa takot. Good thing naka-civilian ako, wearing a black denim short, black big jacket matching with black and white rubber shoes kaya 'di nila ako nakilala na pulis ako. "Ang daming customers kanina pang madaling araw ng dumaan kami dito tapos sasabihin mong ito lang ang benta mo?!"

"E. . .y-yan lang naman po tala--"

Malakas nitong hinablot ang matandang babae sa braso sabay hawak sa magkabilaan ng panga nito. Sumiklab ang galit ko ng makita ko itong lumuha at nanginginig ang mga labing paulit-ulit na nagmakaawa sa maskuladong lalaki.

"'Wag na 'wag kang magsisinungaling sa akin kung ayaw mong mamatay."

"Ang laki ng katawan niyo bakit hindi kayo magbanat ng buto ng magkapera kayo hindi 'yong nanggigipit kayo ng kapwa niyo?" hindi nakatiis na sabad ko.

Marahas na napalingon sa akin ang tatlo saka ngumisi.

"Who the hell are you para pagsabihan kami kung ano ang dapat naming gawin?"

"Regular costumer dito." sagot ko. "Kayo. . .sino ba kayo?" tinuro ko ang lalaking madiin pa ring nakahawak ang kamay sa panga ng matandang babae. "Ikaw ba ang may-ari nitong karinderya para kunin sa Aleng 'yan ang benta dito? Ang harsh mo namang amo kung ganun."

They laughed like crazy at what I said. Na para bang may nakakatawa naman sa sinabi ko.

"Aba, matapang si sexy, pre."

"Palaban si Ganda. Magpakilala ka nga pre. Mukhang hindi tayo kilala."

Padaskol nitong binitawan ang matandang babae saka maangas akong hinarap.

"Regular costumer ka dito?" matiim niya akong pinasadahan ng tingin, tumagal iyon sa nakalantad kong mga hita bago dumako ang mga mata sa dibdib ko na litaw ang cleavage sa suot kong sando sa ilalim ng jacket na nakabukas sa kalagitnaan ang zipper saka nag-angat ng tingin sa aking mukha. Binasa niya pa ng dila ang kanyang mga labi habang nakakaluko akong nginingisian. "Bakit. . .ngayon lang ata kita nakita dito sexy?" lumapit siya sa akin, bahagya pa akong inamoy. "Hmmm smell good and looks. . .yummy." I didn't move nor show any reactions. Walang emosyon na nakasunod lang ang tingin ko sa kanya at sa mga kasama niya. "What's your name?"

I scoffed.

Tiningnan ko ang babaeng yakap-yakap na ng dalagita na takot na takot at tahimik na umiiyak pa rin sa gilid.