اية.. اخذو بنيه وطلعو من المدرسه صاحتني المدرسه كالت يالله تعالي اتصلي ع اهلج قبل لا تتخربطين كلش فتت اتصلت ع ابويه
.
. بابا تعال اخذني معدتي كلش تأذيني وتعبانه
الاب/ خيرج بابا شبيج مو طلعتي مابيج شي
اية والله ماعرف بابا تعال اخذني فدوة
صار باباتي جاي مسافه الطريق بس
نطيت جهاز للمدرسه ورجعت اخذت جنطتي وكعدت بالحديقه انتظر بابا وصراحه الضابط مراح من بالي كل شوي تجي صورت وجه كدام عيني خرب ماعت روحي علي 😂💔
المهم اجه بابا ورجعت للبيت
. الام ها بنيتي خيرج خو ماكو شي
. لا ماما بس شوي معدتي تاذيني
فوتي لغرفتج ارتاحي ماما هسه اجيبلج دوة واذا مصرتي زينه ناخذج للدكتور
تمام ماما
صعدت لغرفتي بدلت ملابسي وتمددت بفراشي وبقيت افكر بهواي سوالف ونمت
. صحيت ع صوت ماما توته توته يالله ماما اكعدي صار المغرب
.
هممم ي ماما بس دقيقه فدوة
كومي بنتي مو زين هسه تنامين
. كعدت ماما ونبي كعدت
عفيه بتوتي يالله غسلي وتعالي اكلي ميصير هيج بلا اكل من صبح
ماشي!!
تمام ماما حبيبتي دقايق تلكيني يمج
يالله اني انزل لعد
كعدت غسلت وعدلت نفسي ونزلت جوة لكيت اختي كاعده تدرس حليتله عربي وكعدت يمه اكلت وخلصت فتحت جهازي وكعدت احجي ويه صديقاتي لان مامنه باجر جمعه ماكو دوام 😂
انتبهت ع ساعه صارت ب11 ونص سديت الجهاز ورحت للمطبخ سويت كاكاو وحليب وطلعت كعدت بالحديقه جانت بدايه شته واني كلش احب هيج جو تتغير نفسيتي بي حيل طلعت كعدت برى واجه ضابط ع بالي باوعت ع سمه كتله ربي اريد من هذه المخلوق والله يستاهل التعب😂😂
. شوي واجت ماما واختي وكعدنه نسولف ونضحك لبين مصارت ب1 وطشينه وصعدت لغرفتي نمت
