طلعت من المدرسة وصعدت بسيارتي بعدني ممشغل اتصل علي ابوي
. الو
.
. الو ها يابه
. حسين بابا انته وين
. راجع
. بابا حاول تستعجل ابن عمك سوة حادث ومات احنه طالعين المستشفى
.
جاي يابه جاي سديت الاتصال وطلعت
. بصراحه هذه ابن عمي لواء فد واحد سرسري ومكضيه بس شرب ونسوان ودياحه حتى من مات ما نقهرت علي بس شسوي بعد محسوب علي
.
.
. وصلت المستشفى
. لكيت عمتي وبناته برى يدكن ولطمن وعمي جاي اسوي باجرات المستشفى
والرجال الي داعمه موجود وجايب اخوته وشيخ عشيرته ويا ومبين عليهم حيل فقرة
.
.
فه اجه عمي وصار صياح وعلت الاصوات ابوي كل للرجال بوية خل تخلص الفاتحه وتعالو نتفاهم هسه الوضع مو زين وجاي شوف بعينك
.
.
راح الرجال هوا واخوته وانه رجعت للبيت بدلت ورحت لبيت عمي لان ناس بدت تجي جهزنه كلشي اخص الفاتحه
.
.
...... اية/ رجعت للصف وكعدت مره ربع ساعه واجت المدرسه كالت ماما خو مابيج شي كتله لا ست مابيه ومشه اليوم عادي صار وقت لازم ارجع للبيت اجه سايق ورجعت اول ما فتت لكيت ماما كاعده برى تبجي هي واختي
.
ماما شكو شبيكم؟؟
ابوج داعم واحد وميت والله ليستر من الجاي
شنو ماما انتي شنو جاي تحجين ضليت ابجي كعدت يم ماما ننتظر ابوية شوكت يجي صارت ساعه ب2 وفتح الباب ودخل
ماما ها علي شنو صار حاجيني
. والله يا ام اية بعد ماندري ننتظر تخلص الفاتحه ونروح والله كريم
.
فتنه جوة صعدت لغرفتي بدلت وغسلت ونمت كبل لليل يالله كعدت
.
. حسين مرت الفاتحه واليوم الختمه والمفروض الظهر صير الكعده
.
. واني صار يومين منايم ولا شايف شي اسمه راحه حظرنه الديون واجه الرجال واخوته وشيخهم
وكعدو الله بالخير الله بالخير ابو اية البقيه بحياتكم نسال الله ان يصبركم
اني اجيتكم اليوم شنو طلبون اني حاظر
.
ضلو يحجون الشيوخ بنص الحجي طفر عمي كال ما سد سالفه اذا ما تنطون فصليه وفوكها 250 مليون
.
ابوي صاح علي كول يالله لوء احنه ماناخذ فصليات كام عمي وكف نص ديوان وكال لو فصليه لو اكتله بدال ابني
حجه ابو علي وكله هذه هوا خويه الي تريده يجرالك وخلصو وطلعو ضلينه كاعدين احنه
.
حجه ابوي كال لعمي خويه ولدك واحد مزوج واحد مات البت تاخذه وين توديه كله ياخذه محمد ع مرته وانعل والده والديه اطلع حركت ابني الراح بيه
.
. الشيخ خوية الفصليه النه حسين ياخذه ونقاش زايد اتبرة منك
. بس يابه اني شعلي؟؟!
الشيخ / بابا ماريد كلام زايد انته تاخذه وانه بعدين من نرجع اصيحك ونتفاهم
.
حسين... سكتت اني وخليت وترخصت وطلعت رجعت للبيت سبحت وتعشيت وضليت انتظر ابوي ع نار خلصت باكيت جكاير كامل ع مااجه ب10 دخل ليدوان وصاحني كبل كتله ها يابه
.
تعال بابا ادخل/ شوف وليدي اني ماريد اضغط عليك ولا اجبرك ع شي بخصوص قرار الي اخذته مساع بابا هذه عمك مايخاف الله ولايكول ابنه حتى مات وهوا سكران اريد ياخذ بنت العالم وموته ع بارد
.
بوية انته ما مزوج وهي كله شغلت سنه خليه يمك ونرده لهله هي ماله ذنب وحتى ابوها ماله ذنب هو ابن عمك الزمال داخل بالسيارة بس شسوي مانريد سالفه اصير بيه دم وتطور
. حسين// اني اوافق بس شرط سوي الي ورة السنه ارجع لبنيه لهله وتخطبلي المرة الي كتلكم عاجبتني
.
. الشيخ... صار وليدي تدلل عكب باجر تجي البنيه الصبح حظر روحك
حسين
..
هذه هوا يابه طلعت وسديت الباب ورحت لغرفتي
.
.
. اية/// مر 3 ايام ع سالفه واليوم ابويه لازم يروح
.
. كعدت صبح كلبي مغموت واحس اكو مصيبه راح تجيني غسلت ونزلت ب11 لكيت ابوي ماخذ عمامي ورايح وامي كاعده بس صفن بالمطبخ كعدت يمه
.
سويتلي لفه جبن وكلاص جاي واخذتهم وطلعت برى فتحت جهازي وكعدت اصفح بالانستا ورد ع صديقاتي صارت ساعه ب1 دخل ابويه
.
هايابه الله يساعدك
هلا بابا
. واجت ماما تركض ها علي بشر شنو صفت
. جيبلي كلاص مي وتعالي هنا وانتي بابا هم كعدي هنا اريد احاجيج بموضوع
.
كعدت واجت ماما نطت بابا المي وكعدت بصفه
.
شرب المي وباوعلي كلي شوفي بابا هذه قضاء الله وقدرة واني ماكدر اعترض علي ادري بيج جاي درسين ومابقالج شي وتنتظرين اشياء جديده بس مع الاسف القدر عكس هالمرة
.
ناس الي رحتلهم طلبو فصليه وعمامج كلهم شالو ايدهم مني وشردو من وصلت للصدك واختج زغير واني مجبور انطيج سنه وترجعين
.
اني بقيت اسم الحجي وعيوني صب من وحده وصرت خرسه
. ماما ضلت دك وتلطم
. خليتهم وصعدت بغرفتي وقفلت الباب كعدت بجيت لحد ما انتهيت انبهت ع جهازي يون
.
باوعت لكيته رقم ضابط ماعرف ليش هذيج الساعه كبل اجه بالي لازم ارد علي رديت علي
.
الو
. الو ايو شلونج
.
مو زينه شتريد مني
الحلو ليش جاي يبجي
اني هنا قفلت ضليت ابجي بلا شعور وماحسيت ع نفسي بس جاي احجيله انو اني راح ياخذوني فصليه
.
حسين... بعد ما رجعت لغرفتي فتحت جهازي اتصلت ع ايه تقريبا 10 مرات مردت وصراحه ضجت منه بعدين وره دقايق اتصلت جاوبتني
.بس جانت تبجي ومختنكه وحسيت بيه من جهاز شكد مكسورة
. لمن سالته ضلت تحجي بلا وعي اني هي راح ياخذوها فصليه وتبجي وتناشغ بكل حركه كلب وتكول ماريد والله ماريد اني هنا صفنت شوي وسالته كتله ليش فصليه شصاير وياج سولفلي او اني اوعدج راح اخلصج انتي واهلج
.
. بدت سولف ع حادث وع الي صار اهنا شبه اجيت اموت من عرفت هي الراح اخذه سديت الاتصال بوجه لان كضتني ضحكه 😂 ورجعت اتصلت كتله العفو بالغلط باعي صلي ع محمد وهدي اعصابج واذا رحتي فصليه هي شغلت سنه وترجعين اوعدج اني اخذج من ترجعين كامت وسدت الاتصال.
. اية.... جاي احجي ويا وكلبي محترك ع حياتي لراح ضيع وصير خدامه اكلي اني اخذج سديت الاتصال وكمت غسلت ونمت
