حسين ورة ماسدت الاتصال ضليت كاعد وافكر وسالفه جيبني وسالفه توديني تالي صارت ساعه ب12 رجعت خابرته مردت ردت اكله توافق واني الراح اخذه بس بعدين غيرت رايي وضليت كاعد اكلب بجهاز ورد ع رسائل الى ان نمت
.
. الصبح
. الام / توته ماما كومي كعدي اتريكي حتى اخذج للصالون يالله بنيتي
.
اية/ ماما انتي شدتحجين وبديت ابجي من صبح ماما والله ماكدر
. الام ... يبعد روح امج جا تقبلين ابوج اموت تحملي يمه لخاطر ابوج هي سنه لا عبالج هينه علي بس شوفت عينج كله شردت من وصلت للصدك وعمامج كلهم سدو بيبانهم شلون يا يمه
.
اية.... هذه هوا ماما كايمه
. يالله انتظرج جوة حبيبتي
.
كمت عدلت غرفتي وسبحت وبدلت ونزلت حاولت ادوس ع نفسي وامشي الوضع عادي صباح الخير بابا وبسته ع راسه
صباح الخير بنيتي يالله تعالي اكليلج لكمه
.
كعدت اكل ويه كل لكمه اجر حسرة الف سنه بس شسوي ماكو حل خابرت ماما ع صديقته ام صالون كلتله جيبيهه العصر وتعالي
.
.
. حسين.. كعدت من صباحيات الله ب6 اني جوة صبحت ع الوالد وكتله اريدك بموضوع بوية كالي خير ان شاء الله
.
. تعال بويه لديوان وحاجيك
.
رحنه لديون وكعدنه كتله شيخ تذكر يوم كتلكم ع اكل اكو بنيه عاجبتني وامس شرطت عليك تاخذه الي ورة سنه
الشيخ... ي وليدي
. بوية الفصليه الراح ناخذ هي نفس البنيه الي اريده
.
الشيخ / شلون عرفت
. بوية عرفت سالت عليه وبصراحه اني مااريد اخذه فصليه واكسرها وتبقه طول عمرها بكلبها لان اذا فصليه حسبه خدامه النه واني اريده مرة الي موش خدامه
.
الشيخ... والمطلوب وليدي امر
.
مايامر عليك ضالم بوية انته تخاف الله وتدري كلش زين الغلط مو من اهل البنيه ولا البنيه اله ذنب اني اريدك تتفق وية ابوها وانطيه مهر وتجهز نفسه حاله حال اي عروس بس العرس ناجله عود ماخذيه فصليه كدام عمامي شكولتك
.
. الشيخ / والله يا وليدي اذا عمك درة راح صيرطلابه اله اول ما اله تالي واذا تريد هيج تاخذه مرة الك روح انته لهل البنيه وضبط امورك اني وياك وليدي بس ماريد سالفه تكبر لذلك ما امشي وياك
.
.
حسين... زين بويه يعني مالك اعتراض
. الشيخ لا وليدي الله يوفقك وشايف كل خير بس نفس ماكتلك بس انه وياك نعرف بهذه الكلام اذا عبر الباب تخرب دنيه ترى
.
. صار شيخ بسته ع راسه وطلعت صبحت ع امي وخواني وكعدت اكلت لكمه وصعدت بدلت ونزلت
.
الام /// ها وليدي وين من صبح!
يمه عندي شغله اكضيه واجي
.
ماشي الله وياك ديربالك ع روحك يمه
ان شاء الله يمه مع السلامه
.
طلعت شغلت سيارتي ورحتلهم وصلت ب9 دكيت الباب طلع ابوها
.
وصاح سوة مجال عندي خطار
.
فتت سلمت علي وفتحلي ديوان كتله لا حجي خلينه هنا بالحديقه لان صراحه حديقتهم تفتح نفس زرع وخضار وجان الزلمه كاعد يسكي بيه وريحه تجنن كعدنه برى ندكت الباب جابو جاي
.
الله بالخير حجي
. الله بالخير وليدي
. حجي اني جايك اليوم عندي موضوع وياك
تفضل وليدي اسمعك
. حجي مثل ماتعرف ابوي امرني جدام الزلم اني اخذ بنيتك
ي وليدي ان شاء الله احنه كلنه باجر مو اليوم مثل ماتعرف لازم نكمل غراض البنيه هم غصب عليه بس شسوي قضاء الله وقدرة
.
حجي اني بتك ماريد اخذه فصليه اريده مرة الي موش خدامه احنه ناس نخاف الله وابوي صار من فتحت عيني ع دنيه هو شيخ ومايوم ضلم واحد ونعرف الغلط موش منك ولاكن عمي ما خايف الله وهوا يعرف بابنه شنو فه اني ما اخفي عنك البنيه اريده حلالي وانطيه مهر وجهزه من كلشي ولاكن العرس يأجل الى ان الله يصفي الكلوب
عمي والله مادري شكلك اهلك مو معقوله يرضون بهذه الحجي
.
. حجي ابوي مثل ماكتلك وافقني ولاكن بسر محد يعرف غيرنه انه ويا واجيتك وان شاء الله توافقني وتمشي الامور لان بنتك ما اله ذنب بصار كله
.
بويه الي تريده يجرالك انه اهم شي عندي ما تتاذه بنيتي
. حجي يعني العقد ابدي موش سنه وترد
هذه هوا وليدي
. كمت بسته ع راسه ونطيته 7 مليون حك بته وطلعت
.
ابو اية //ام اية تعالي بلا زحمه عندي وياج موضوع
. تفضل ابو اية خير ان شاء الله
. هاج هذه حك بتج اخذيه جهزيه من كلشي واخذيه للصالون وخل تحسب نفسه عروس وان شاء الله حتى عرس راح سوله بعدين
.
. ام ايه / علي انته شنو جاي تحجي وهاي الفلوس شنو
.
علي// كعدته وسولفتله كلشي وطمنته انو بتنه مراح اصير عليه شي وبدت تبجي كتله ماريد ولا حته نمله تعرف حتى اية لا تكليليه بس اخذيه جهزيه حتى اسلمهم مرة معدله
.
الام... ان شاء الله
. اية اية ماما كومي جهزي نفسج حتى نروح للسوق
. صار ماما
. صعدت بدلت ونزلت يالله ماما خلصت
. يالله امشينه رحنه للسوق جهزتني ماما من كلشي خلصنه ب7 واخذتني كبل للصالون سوتلي حواجبي وجهي وصبغت شعري وكصته عدلته الي بس طلعت غير بشر المهم خلصنه ب11 رجعنه سبحت واجتي ماما جابتلي لفه اكلته ونمت لان متت من تعب وباجر راح اودع اهلي ضليت ابجي لحد ماغفيت
.
الصبح
