كعدت من نوم واحس جسمي مكسر ومابيه حيل ارفع نفسي ولو شبر ودنكت الباب علي
.
. زينب ~~ اية اليوم اشو ماكو ساعه صارت ب11 بس لا بيج شي
.
. تعالي زينب
.
زينب فتحت الباب ما نفتح
.
اية اسفه نسيت اني قافلته كمت فتحت الباب لزينب ودارت بيه دنيه
.
. زينب..... شبيج حبيبتي
.
ماعرف والله دايخه وجسمي متكسر
.
بالله اشو تعالي كعدي هنا
. لزمت ايده وجانت عبارة عن قطعه نار مو اية لج هاي شنو الحرارة انتي مريضه!! من شوكت هيج حرارتج
.
. والله ماعرف توة كعدت هاذي حالتي
.
. تمام فوتي غسلي واذا تكدرين اسبحي بمي بارد حتى تنزل حرارتج واني هسه اجي الي من صبح بالي يمج كلت مدام مكعدت راحت للمدرسه بيه شي وطلعتي صدك مريضه وبيج شي
.
. فتت للحمام غسلت وطلعت لان ماكدر امشي دايخه حيل
.
. طلعت صعدت ام حسين كالت لزينب ماما ساعديه خل تبدل حتى ناخذه للدكتور اجت زينب لبستني عبايه وحجاب شلون مجان ونزلنه سندت نفسي ع ام حسين لان ماكدر اشيل نفسي احس جسمي متكسر
.
. اجه سايق واخذنه اخو حسين محمد
.
وصلنه للدكتور وكبل فتنه لان يعرفهم ماعرف ايش فحصني
.
وكال روحي سوي تحاليل هذولي وتعالي
.
. طلعنه اخذو مني دم وكالو ساعه يالله يطلع ضلينه ننتظر واني بالكوة كاعده من الوجع صار بضهري موتني خلصت ساعه وصاح ابو المختبر باسمي
.
. اخذتهم ودخلت للدكتور كالي بابا عندج التهاب كلش قوي والمناعه مصفرة ليش هيج من شوكت انتي مريضه
.
. دكتور اليوم كعدت هيج حالتي بدون مقدمات
.
. هذه العلاج تاخذونه من صيدليه وهسه تخلين كانونه واذا مصرتي زينه ترجعين لان مناعه ماكو
.
. طلعنه كعدت برى راح محمد جاب دوى واجت المضمده خلتلي كانونه ومغذي وابر نطاني 12 ابرة لمده 6 ايام خلصت المغذي وخف الوجع عندي شوي ورجعنه
.
. صعدتني زينب لغرفتي بدلت ملابسي ولبستني نص ردن حتى لا اذي ايدي واخرب الكانونه ونمت شوي واجت ام حسين جابتلي شوربة وعصير وكعدت يمي
.
. بس خاله والله مالي نفس اكل
.
. ماما مو كيفج يالله اكلي حتى تاخذين علاجج ترى حسين اربع مرات خابر يسال عليج ومحمد كايله مرتك مو زينه
.
. كعدت اكلت لكمتين بس العصير شربته كله واخذت علاجي ونمت
.
..
صارت ساعه ب8 كعدت ع وجع فضيع بضهري ولكيت زينب كاعده يمي تدرس كتله فدوة لحكيني ضهري موتني كامت تفرك بضهري ونطتني علاجي وره ساعه ونص يالله شوي هديت
.
. ورجعت نمت ماكعدت اله صبح كمت غسلت ولبست حي الله شي ونزلت
.
صباح الخير
.
هلا بنيتي صباح النور بشري شلون صرتي
.
شوي احسن خاله خف الوجع
.
خير ان شاء الله تعالي اكلي حتى ياخذج محمد تخلين مغذي يالله
كعدت اكلت وصعدت بدلت فتحت جهازي لكيت حسين متصله يمكن الف مرة واخر شي دازلي صمايل عصبي عفت جهاز ع ميز ونزلت رحت للمستشفى ومر هذه الاسبوع كله هيج عبارة عن مرض وطورت اموري حتى صوتي ختفه من غير الكانونه الي كاليوم تخرب. واخلي غيرها وجهاز مافتحته ابد ولا دقيقه
. حسين.... مر اسبوع واني اتصل وهي ماكو واطمن عليه من امي اسال عليه وجاوبني وكلبي حترك منه كلش واريد بس يخلص شغلي وانزل اخبزه خبز ولو هي ماصحت بس جان تكدر ترد علي وطمني يوم صارلي 9 بالشغل واجه زيد كال اليوم نطش نرجع لهلنه
.
كتله صارت زحمه يالله ميخالف اهم شي نرتاح شوي
.
حضرت غراضي واول واحد فلتت اني رجعت للبيت
