Unicode
ကျိုကျွမ်းသည် ပြာယာခတ်သွားကာ အမြန်ပြန်ငြင်းတော့သည်။
“ ငါတို့လုပ်တာမဟုတ်ဘူး ငါတို့လုပ်တာမဟုတ်ဘူး”
ရှုနင်ပြောလိုက်၏။
“ ငြင်းမနေစမ်းပါနဲ့ဗျာ ခင်ဗျားတို့အိမ်ပြတင်းပေါက်ကနေ အရက်ပုလင်းပြုတ်ကျလာတာကို ကျွန်တော့် မျက်လုံးနဲ့မြင်လိုက်တာ ကျွန်တော့်အဖေနဲ့ကျွန်တော်သာ အရှောင်မမြန်ရင် အစိတ်စိတ်အမွှာမွှာဖြစ်နေလောက်ပြီ”
စကားပြောရင်းဖြင့် သူသည် အလွန်သေးငယ်ကာ အကုန်အတိုင်းသားမြင်နေရသည့် ဧည့်ခန်းအား ဖျက်ခနဲလှမ်းကြည့်လိုက်သည်။
ရှုနင်သည် ဧည့်ခန်းထဲသို့ဝင်သွားလိုက်ပြီး ကော်ဖီစားပွဲပေါ်မှ အခြားပုလင်းတစ်လုံးအား ကောက်ကိုင်လိုက် ပြီးနောက် ထိုပုလင်းပေါ်မှ စာသားအား ဖျက်ခနဲကြည့်လိုက်သည်။
“ အရှေ့တောင်ပိုင်းဘီယာ ဒီဟာပဲ”
ပါးပါးရှုသည်လည်း မျက်မှောင်ကြုံ့ကာ အခန်းထဲသို့ဝင်လာလေသည်။
အရက်ပုလင်းအား ငုံ့ကြည့်ပြီးနောက် တစ်ချက်လှောင်ရယ်လိုက်လေသည်။
“ အရှေ့တောင်ပိုင်းဘီယာတဲ့ ရှားပါးတံဆိပ်ပဲ”
ယခုအခါတွင် ကျိုကျွမ်းသည် မငြင်းဆန်နိုင်တော့လေရာ အကူညီတောင်းရန် ဧည့်ခန်းထဲရှိယောကျာ်းဖြစ်သူအား လှမ်းကြည့်လိုက်သည်။
ရင်းချန်သည် ပါးပါးရှု၏ ကတုံးပြောင်ပြောင်နှင့် ရွှေဆွဲကြိုးကြီးကိုမြင်သော် အနည်းငယ်သွေးကြောင်သွားကာ “ကျုပ်ပစ်ချတာမဟုတ်ဘူး”
ပြီးနောက် ဖြေးဖြေးချင်းထရပ်လာသည့် ဗီလိန်လေးအား လက်ညှိုးညွှန်ကာပြောလိုက်လေသည် “သူပစ်ချလိုက်တာ မင်းတို့ပြသာနာရှာချင်ရင် သူ့ကိုသွားရှာကြ ငါလည်းမတတ်နိုင်ဘူး”
ရှုနင် : “?”
ရှုနင်မှာ ရှော့ရသွားလေသည်။
ရင်းချန်သည် စကားပြောပြီးသည့်နောက် အိပ်ခန်းသို့လှည့်ထွက်သွားကာ တံခါးပိတ်ထားလိုက်ပြီး ထပ်၍ထွက်မလာတော့ပေ။
ရှုနင် : “…”
ရှုနင်ထင်ထားခဲ့သည်မှာ ရင်းချန်သည် ကြမ်းကြုတ်ကာ ရန်လိုတတ်သူတစ်ဦးဟုပင်။
သူ မထင်ထားခဲ့သည်က ထိုသူသည် သူ့ထက်သန်မာအားကြီးသူတစ်ယောက်အားတွေ့သည်နှင့် သူရဲဘောကြောင်သည့် ငကြောက်တစ်ယောက်ဖြစ်သွားသည်ကိုပင်။
YOU ARE READING
ဗီလိန်အလှလေးကို ကယ်တင်မယ် (မြန်မာဘာသာပြန်)
RomanceThis's not my own creation. I'm just a fun translotor and I just retranslated this from MTL.So it might not be entirely accurate.If you found any mistakes in my work,that's just because of my necessity and nothing concerns with the original author. ...
