صدمة بعد اخرى

البارت الثالث

علي: جنت راجع ولازم الكلب مالتي هوه شرس حيل بس اليف بنفس الوقت درت وجهي احجي ويه صاحبي واباوع عله الكلب ركض اريد الحك بي ماكو نوب اباوع ليكدام اشوف بنيه تركض وهذا ورهه واني وراههم اريد اضحك بس مو وقتهه ركضت ولزمته حيل واباوع على البنيه واكعه وبالكوه تتنفس وتصيح وتفرك بصدره اجيت عليهه اريد اساعدهه هاي تدفع بأيدي ومتريد مساعده حاولت احجي وياهه بس هيه بالهه مو يمي كول همه تتنفس انقهرت حيل عليهه باوعتلي بعيونهه جانن صغار ومسحوبات وكولش حلوات بس حمر حيل تأشر على صدرهه وكتلهه...

علي: باعيلي اهدئي حاولي تاخذين شهيق وزفير لا تخافين ماكو شي وهذا ميأذيج ترا اليف

دعاء: ما.  اك د. ر (تحجي بالكوه) 

علي: يلا وياي شهيق زفير وهيه كامت تسوي مثلي حاولت اكومهه وامشيهه اوديهه لسيارتي حته انطيهه مي شي

دعاء: عو ف ن ي عوفني مااا ري دد ارر وحح

علي:  ولج بويه تعالي لا اله الا الله شكد عنوديه انتِ

دعاء: بلكوه اتنفس وجع بصدري مو طبيعي اريد احد يقتلني ويخلصني من هل الم نوب كامت عيوني تغوش من وره الدموع وهوه ديمشيني لحد موصلنه سياره عاليه وسوده فتح الباب وكعدني واني منتهيه من الوجع اريد بس اتنفس انطاني مي وكمت اخذ شهيق وزفير مثل ما كال احس ارتاحيت من الوجع وحسيت لالم خف بس خف لالم نزلت من السياره

علي: وين رايحه

دعاء(بتعب): اروح للبيت وشكرا الك وبعد الزم كلبك لا تخلي يركض وره الناس ويركضهم

علي: ضحكت عل حجيهه وكتلهه اوصلج وهيه رفضت

دعاء: من الله لا ينطيك يا ابو الخط تعوفني بسيطه خليتني مضحكه للرايح والجاي من وراك ركضت وتعبت يربي بعده صدري يوجعني لازم اتحمل بين مااوصل وبعد مسافه امشي بهدوء وصلت بدي اهلهل من وصلت فتحت الباب وشفت عمو سجاد

سجاد: هله هلا بيج يدعاوي شكو شو اتأخرتي

دعاء: تأخرت حقكم ولا واحد يسئل ويكول وين ولت وشصار بيهه احجي بدموع

سجاد: ولج شبيج اجيت لزمتهه من ايدهه كتلهه عمو احجي شبيج منو وياج احجيلي

دعاء: تعبانه اريد ارتاح كعدني عمو عل الكرسي بالكرج وجابلي مي طبعا عمي سجاد كولش حنين ويحبني واني هم ودائماا احجيله عن كول اشي يصير وياي

سجاد: ها عمو شلون صرتي

دعاء: احسن عمو احسن وسولفتله

سجاد: اني اله ولا خابر ولا حجه وكال ماروح جان اني اجيتج يلا بعد اني اوديج معليج بي وهسه اجيبلج مهدء حته ترتاحين وجهج اصفر شصاير بيج

دعاء: دخلت للمطبخ شفت بيبي بدريه كاعده رحت عليهه بستهه وشبكتهه

بدريه: ولج دعيوه شنو هذا وجهج شو اصفر شبيج