صدمة بعد اخرى

البارت الرابع عشر

- لقد كنت عابرًا، فما الذي أبقاك بي.

...........

علي... كعدت من وكت سويت ريوك وجاي وحضرته وكعدت انتضرهه تكعد طولت وماكعدت صعدت للغرفه ودكيت الباب متجاوب دكيته بقوه حته تكعد اريد ارجعهه وراي دوام

دعاء.... حسيت على الباب يندك كعدت اباوع على الساعه ب9 الصبح سمعته يصيحني بأسمي كمت وفتحت الباب بكفشتي.. صباح الخير

علي... صباح النور يلا شنو سالفتج مو تردين تروحين

دعاء...اي هسه حبدل وانزل وغراضي

علي... اني انزلهن مو اطولين

دعاء... تمام نزل سديت الباب رحت على مرايته وباوعت عزززا شوف شعري خرب يلا عادي طبيت للحمام غسلت و طلعت بدلت لبست اسود طبعا من وفاة بيبي اني البس اسود مذبيته ونزلت

علي... كعدت انتضرهه نص ساعه ونزلت اباوع عليهه كلش بسيطه بلبسه ومحاطه اي شي بوجهه بس شعرهه المهم كعدت وكالت..

دعاء... انت سويت هذا الريوك

علي... جا منو غيري هنا

دعاء... هاا شكرا

علي... العفو اكلي يلا

دعاء... بكلبي هذا الرجال مو مال مجامله عنده بس يتأمر اسكت لان اني بيته وكلش غثيث ماكلت بس شويه وهوه طاك بيض وطماطه كولش طيبه بس ماشتهي كمت وكال..

علي... شو ماكلتي ليش مو طيبه

دعاء... لا بالعكس طيبه عاشت ايدك

علي... جا ليش ماتاكلين

دعاء... ماشتهي

علي... اكعدي واكلي ماكو كومه اله تخلصينهه

دعاء... ماشتهي اكُل والله

علي... كعدي واكلي لتخليني اعيد الكلمه مرتين

دعاء... كعدت وباوعت عليه كلت اسايسه بس هل كم ساعه حته ارجع كعدت بالكوه اكُل وهوه يباوع بالموبايل مالته خلصت وكمت شلت المواعين وهوه كام نزل غراضي غسلتهن وباوعت عليه صعدهن بالجنطه مال سياره طلعت بالكراج ورحت اجيت اكعد ليوره حط ايده على الباب الخلفي واشرلي بحاجبه على الكرسي الكدام رحت بكل هدوء ليكدام وراح فتح الباب ورجع كعد وساق طلع سيارته من الكراج ونزل سد الباب وقفله واجه صعد... ساق وطار بالسياره واني كلبي راح كلت راح ننكلب ماتحملت السرعه مالته وكُتله... علي خفف السرعه رح ننكلب

علي... تخافين

دعاء... لا علمودك اني خاف يصير عليك شي ويذبوهه براسي

علي... لا اذا هيج لتخافين يدرون بيه امشي سريع.. حجيت هيج حتى اخليهه تكلي خفف السرعه لان اني خايفه وزدت السرعه

دعاء... حجيت بكلبي لا اله الا الله شكله اخاف يربي نوووب رح ننكلبب يربي.... علي خفف السرعه رح نموت شبيك طاير تره اول وتالي نوصل